 |
စစ်ကိုင်းတိုင်းဒေသကြီး၊ မုံရွာမြို့နယ်နှင့် ယင်းမာပင်မြို့နယ်တို့အား ဆက်သွယ်တည်ဆောက်ထားသည့် ချင်းတွင်းမြစ်ကူး ချင်းတွင်းတံတားနေရာတွင် ဇူလိုင် ၁၁ ရက်နေ့ မွန်းတည့် ၁၂ နာရီ ၄၁ မိနစ်အချိန်က စက်တပ်ရေယာဉ်တစ်စီးမှာ မြစ်ကူးတံတားတိုင်ဖြင့် တိုက်မိပြီး မြစ်ကြောင်းအတွင်း နစ်မြုတ်သွား( ဖော်ပြပါ ဓာတ်ပုံ)ကြောင်း မျက်မြင်တွေ့ရှိရသူများက ပြောကြားသည်။
မြစ်ကြောင်းအတွင်း နစ်မြုတ်သွားသည့် စက်တပ်ရေယာဉ်မှာ ချင်းတွင်းမြစ်ကြောင်းအတိုင်း အနောက်ဘက် ( ရွှေတောင်ဦး) ကမ်းခြေအတိုင်း မုံရွာမြို့နယ်ဘက်သို့ စုန်ဆင်းလာသည့် တစ်လုံးထိုး အင်ဂျင်စက်တပ်ရေယာဉ် တစ်စီးဖြစ်သည်။
အဆိုပါ ရေယာဉ်မှာ သစ်ဖောင်တစ်စင်း၏ ဖောင်မှီးနေရာမှ နေ၍ သစ်ဖောင်အား စက်အရှိန်ဖြင့် လိုက်လံတွန်း၍ ပို့ဆောင်ပေးနေစဉ် ချင်းတွင်းမြစ်ကူးတံတားအောက်၌ ၎င်းမှ တံတားပိုင်တိုင်အမှတ် 8 နှင့် 9 အကြားနေရာမှ ဖြတ်သန်းနေစဉ် တံတားဘိုးပိ်ိုင်တိုင်အမှတ် 8 ၏ အထက်ဘက်နေရာနှင့် ၎င်းစက်တပ်ရေယာဉ်မှာ တိုက်မိကာ မြစ်ကြောင်းအတွင်း နစ်မြုတ်သွားခြင်းဖြစ်သည်။
ထို့ကြောင့် မြစ်ရေစီးအလျင်သန်နေသည့်ကြားမှ ယင်းမာပင်မြို့နယ်၊ လက်ခုပ်ကျေးရွာအနီးရှိဒေသခံ ရေလုပ်သားများက နစ်မြုတ်စက်တပ်ရေယာဉ်အား လိုက်လံကူညီကယ်ဆယ်ပေးလျက်ရှိကြောင်း သိရှိရသည်။ ပျက်စီးဆုံးရှုံးမှု လူအသေအပျောက် အခြေအနေမှာ ယခုအချိန်ထိ မသိရှိရသေးကြောင်း ကူညီကယ်ဆယ်ရေး လုပ်သားများထံက သိရှိရသည်။
::
ပြီးခဲ့သည့် ဇွန်လ ၁၂ ရက်နေ့ မနက်ပိုင်းက မော်လိုက်ခရိုင်၊ ဖောင်းပြင်မြို့နယ်၊ ရွှေပလ္လင်တောင် ရေ၀ဲအတွင်း ကလေးဝဆိပ်ကမ်းမှ ဥရုဆယ်ဇင်းဒေသသို့ ခုတ်မောင်းဆန်တက်လာသည့် ရေယာဉ်တစ်စီးမှာ နစ်မြုတ်ခဲ့သည်။ အဆိုပါ ရေယာဉ်နစ်မြုတ်မှုအား ရေယာဉ်နစ်မြုတ်ပြီးနောက် ရက်ပေါင်း ၆ ရက်ကြာကာလ ဖြစ်သည့် ဖွန်လ ၁၈ ရက်နေ့တွင် သက်ဆိုင်ရာတာဝန်ရှိသူများက သိရှိခဲ့ရကြောင်း စစ်ကိုင်းတိုင်းဒေသကြီး ပုဂ္ဂလိကပိုင် ရေယာဉ်များ စနစ်တကျပြေးဆွဲရေး ကော်မတီ အဖွဲ့ဝင်တစ်ဦးထံမှ သိရှိရသည်။
ပုံစာ = စက်တပ်ရေယာဉ်တစ်စီးမှာ ချင်းတွင်းမြစ်ကူးတံတားတိုက်မိပြီးနောက် မြစ်ကြောင်းအတွင်း နစ်မြုတ်နေစဉ်
ဓာတ်ပုံ = ကိုတိုးကြီး
ကိုတိုး ချင်းတွင်း ::--KOLATT(PBDN)
RangonNewsDaily
No comments:
Post a Comment