ရန်ကုန်-မန္တလေးအမြန်လမ်း၊ မိုင်တိုင်အမှတ်(၆/၅-၆)ကြားတွင် အရှိန်မထိန်းနိုင်သောယာဉ် လမ်းလယ်ကျွန်း ဘာရီယာတုံးများအား ၀င်ရောက်တိုက်မိ

RangonNewsDaily:: September . 8 .2014
၂၀၁၄ ခုနှစ်၊ စက်တင်ဘာလ ၄ ရက်နေ့ နံနက် ၇ နာရီ ၅ မိနစ်အချိန် ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ်(၆/၅-၆)ကြားတွင် ယာဉ်တိုက်မှုဖြစ်ပွားကြောင်း သတင်းအရ အမှတ်(၃)လမ်းဆုံအမြန်လမ်းရဲစခန်းမှတပ်ဖွဲ့ဝင်များ၊ အမြန်လမ်းမီးသတ်တပ်ဖွဲ့မှတပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့သည်။ 
စစ်ဆေးချက်အရ နေပြည်တော်မှ ရန်ကုန်သို့ တောင်ဒဂုံ မြို့နယ်၊ (၇၀)ရပ်ကွက်၊ ပန်းလှိုင်လမ်းနေ ကျော်ထွန်းဝင်း(၃၉)နှစ်မောင်းနှင်လာသည့် CC/xxxx ပရိုဘောက် ဖြူနီကြားရောင်ယာဉ်သည် အရှိန်မထိန်းနိုင်ဘဲ လမ်းလယ်ကျွန်း ဘာရီယာတုံးများအား ၀င်ရောက်တိုက်မိပြီး လမ်းလယ်ကျွန်းပေါ်သို့ရောက်ရှိ ရပ်တန့်ခဲ့ကြောင်း သိရှိရသည်။ 
::
ထိုသို့တိုက်မိမှုကြောင့် CC/xxxx ယာဉ်မှာ ဘောနပ်ဖုံးပိန်ချိုင့်၊ ၀ဲဘက်ရှေ့ဘီးကွေးကောက်၊ တိုက်ရော့ပြုတ်၊ ၀ဲ/ယာအချက်ပြမီးကွဲ၊ ၀ဲဘက်ရှေ့ မီးသီးကွဲ၊ တန်ဘိုးငွေကျပ်(၅)သိန်းခန့် ပျက်စီးဆုံးရှုံးခဲ့သောကြောင့် ကျော်ထွန်းဝင်းအား အမှတ်(၃)လမ်းဆုံ အမြန်လမ်းရဲစခန်း ယာဉ်(ပ)၂၀/၂၀၁၄၊ ပြစ်မှုပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်း ရရှိသည်။ 

ရဲဇာနည် ::--KOLATT(PBDN)
RangonNewsDaily