မြစ်ဆုံဆည်စီမံကိန်း ဖျက်သိမ်းရန် ဧရာဝတီမြစ်ကို ဖြတ်ကူးဆန္ဒပြ

RangonNewsDaily: May . 5 .2014
မြစ်ဆုံစီမံကိန်းကြောင့် ပျက်စီးတော့မည့် ဧရာဝတီမြစ်အား ကာကွယ်ပေးလိုသည်ဟုဆိုကာ ပဲခူးတိုင်း၊ ပြည်မြို့ခံ ၁၄ ဦးသည် ဧရာဝတီမြစ် အရှေ့ဘက်ခြမ်းမှ အနောက်ဘက်ခြမ်းသို့ လက်ပစ်ကူး ဖြတ်ကာ မေလ ၁ ရက်တွင် စုပေါင်း ဆန္ဒထုတ်ဖော်လိုက်
သည်။
ယင်းနေ့ ညနေ ၄ နာရီခန့်တွင် ဧရာဝတီမြစ် အရှေ့ဘက်ကမ်း ပြည်မြို့စည်ပင်သာယာရေး ရေစစ်ကန်ဝင်းနောက်ဘက်မှ ဧရာဝတီမြစ် အနောက်ဘက်ကမ်း ပန်းတောင်းမြို့နယ်၊ ရွှေဘုံသာကျေးရွာရှိ ရွှေဘုံသာစေတီဘက်သို့ ဖြတ်ကူး ဆန္ဒထုတ်ဖော်ခဲ့ခြင်းဖြစ်သည်။“မြစ်ဆုံစီမံကိန်းကြောင့် ဧရာဝတီမြစ်ကြီး သေတော့မလိုဖြစ်နေပြီ။ 

ဧရာဝတီမြစ်ကြီးက ကျဉ်းနေတော့ ဟိုဘက်ဒီဘက်တောင် လမ်းလျှောက်လို့ရတယ်။ ဧရာဝတီမြစ်ကို မသေသေအောင် သတ်နေကြတယ်။ ဧရာဝတီမြစ်ကို ကာကွယ်ဖို့လိုတဲ့အတွက် မြစ်ဖြတ်ကူး ဆန္ဒထုတ်ဖော်တာ”ဟု မြစ်ဖြတ်ကူးရာတွင် ပါဝင်သည့် ဦးကျော်ဆွေက ပြောသည်။
::
ဧရာဝတီမြစ်ရေပြင် ကန်လန့်ဖြတ်အကျယ်သည် ယင်းနေရာတွင် လက်ရှိ တစ်မိုင်အောက်သာရှိမည်ဟု ခန့်မှန်းထားသော်လည်း ရေအနက်နှင့် အကွာအဝေး တိကျစွာ မသိရှိသေးဟု ဆိုသည်။ မြစ်ကို ဖြတ်ကူးမည့်သူများတွင် အသက်အငယ်ဆုံး ၂၀ နှစ်ဝန်းကျင်မှ အသက် ၅၀ ကျော်အရွယ်အထိ ပါဝင်သည်။

“စာလည်းမတင်ဘူး။ အကြောင်းလည်း မကြားထားဘူး။ ရေဖြတ်ကူးခွင့်ဆိုတာ ဥပဒေမှာမရှိဘူး”ဟု ဦး ကျော်ဆွေက ပြောသည်။ မြစ်ဖြတ်ကူး ဆန္ဒပြသူများကို အသက်ကယ်လှေသုံးစင်းက လိုက်လံစောင့် ရှောက်ခဲ့ပြီး ဆန္ဒပြသူများကို မြို့ခံလူထု ၂၀၀ ကျော်က လာရောက် အားပေးကြည့်ရှုကြသည်။
::
အသက်ကယ်လှေများပေါ်တွင် “ဧရာဝတီမြစ်ကို ချစ်မြတ်နိုးသူတိုင်း ဧရာဝတီကို ကာကွယ်ကြ” စာသားပါ မေခနှင့်မလိခ မြစ်များဆုံပုံ၊ ဧရာဝတီမြစ် ရှုခင်းပုံ၊ ဧရာဝတီမြစ်ပါ မြန်မာနိုင်ငံမြေပုံ စသည့် ဗီနိုင်းပိုစ တာသုံးချပ်ကို တင်ဆောင်ထားသည်။

Photo :: ဧရာဝတီမြစ် အရှေ့ဘက်ခြမ်း ပြည်မြို့ဘက်မှ တစ်ဖက်ကမ်းရှိ ပန်းတောင်းမြို့နယ် ရွှေဘုံသာဘုရားသို့ လက်ပစ်ကူးဖြတ်ရန် ပြင်ဆင်နေသည်ကို တွေ့ရစဉ်။ (ဓါတ်ပုံ - ရေခဲ ပြည်)

Written by ရေခဲ(ပြည်)
Wai Moe aung ::--KOLATT(PBDN)
RangonNewsDaily