RangonNewsDaily: April . 12 .2014
ဗြိတိန်နိုင်ငံက မြန်မာ့ဒီမိုကရေစီ အသွင်ကူးပြောင်းရေး အတွက် ပံ့ပိုးကူညီနေတာတွေနဲ့ ပတ်သက်တဲ့ လက်ရှိအခြေအနေကို ဗြိတိန်နိုင်ငံ နိုင်ငံခြားရေးနဲ့ ဓနသဟာယရုံးကထုတ်ပြန်ရာမှာ ငြိမ်းချမ်းရေး ဆွေးနွေးမှုလုပ်ငန်းစဉ်တွေမှာ အသုံးပြုဖို့အတွက် ပေါင်စတာလင် ၁ သန်းခွဲထောက် ပံ့ထားတယ်လို့ သိရပါတယ်။
ပြည်လုံးကျွတ် သန်းခေါင်စာရင်းကောက်ယူတဲ့ လုပ်ငန်းအတွက် ပေါင်စတာလင် ၁ဝ သန်းထောက်ပံ့ခဲ့တယ်လို့ဆိုပါတယ်။ ပြည်သူ့ဘဏ္ဍာ စီမံခန့်ခွဲရေးလုပ်ငန်း ခေတ်မှီတိုးတက်ရေးအတွက် ၅ နှစ်စာ ပေါင်စတာလင် သန်း ၂၀ ထောက်ပံ့မယ် လို့ဆိုပါတယ်။
အခုလိုကူညီထောက်ပံတာတွေဟာ မြန်မာနိုင်ငံအနေနဲ့ ဒီမိုကရေစီနိုင်ငံဖြစ်လာဖို့၊ ၂၀၁၅ ခုနှစ်မှာ ကျင်းပမယ့် ရွေးကောက်ပွဲတွေတရားမျှတ ဖို့၊ ကောင်းမွန်တဲ့အုပ်ချုပ်ရေးစနစ်ဖြစ်လာဖို့၊ ငြိမ်းချမ်းရေးရပြီး အမျိုးသားပြန်လည်သင့်မြတ်ရေး အဓွန့်ရှည်ဖို့တို့ကိုရည်ရွယ်ပြီး၊ ဗြိတိန်နိုင်ငံအနေနဲ့ အားပေးကူညီချင်တဲ့အတွက်ဖြစ်တယ်လို့ ဗြိတိန်အစိုးရ အင်တာနက်စာမျက်နှာမှာ ဧပြီလ ၁၁ ရက်နေ့စွဲနဲ့ ဖေါ်ပြထားတာဖြစ်ပါတယ်။
RFA , KOLATT(PBDN)
RangonNewsDaily
No comments:
Post a Comment