 |
အမေရိကန်ပြည်ထောင်စုမှာ တရားမ၀င် ရောက်ရှိနေထိုင်နေကြသူတွေကို ၈ နှစ် အတွင်း တရားဝင်အမြဲတမ်း နေထိုင်သူတွေအဖြစ် ခွင့်ပြုပေးမယ့် လူဝင်မှုကြီးကြပ်ရေး အစီအစဉ်တခုကို သမ္မတအိမ်ဖြူတော်က ရေးဆွဲ
နေတယ်လို့ ထင်ရှားတဲ့ သတင်းစာကြီးတစောင်က ရေးသားဖော်ပြ လိုက်ပါတယ်။ အသစ်ရေးဆွဲနေတဲ့ အစီအစဉ်အသစ်ကို အတည်ပြုချက်ရမယ်ဆိုရင် အမေရိကန်နိုင်ငံမှာ တရားမ၀င်ရောက်ရှိနေထိုင် နေကြသူ ၁၁ သန်း အနေနဲ့ တရားဝင်နေထိုင်ခွင့် ဗီဇာလျှောက်ထားခွင့်ပြုမှာ ဖြစ်ကြောင်း စနေနေ့
နေတယ်လို့ ထင်ရှားတဲ့ သတင်းစာကြီးတစောင်က ရေးသားဖော်ပြ လိုက်ပါတယ်။ အသစ်ရေးဆွဲနေတဲ့ အစီအစဉ်အသစ်ကို အတည်ပြုချက်ရမယ်ဆိုရင် အမေရိကန်နိုင်ငံမှာ တရားမ၀င်ရောက်ရှိနေထိုင် နေကြသူ ၁၁ သန်း အနေနဲ့ တရားဝင်နေထိုင်ခွင့် ဗီဇာလျှောက်ထားခွင့်ပြုမှာ ဖြစ်ကြောင်း စနေနေ့
နှောင်းပိုင်းမှာ ထုတ်ဝေတဲ့ USA Today သတင်းစာမှာ ရေးသားထား
ပါတယ်။
အတည်ပြုချက်ရခဲ့မယ်ဆိုရင် အဲဒီသူတွေရဲ့ ပြည်ပမှာနေထိုင်နေကြတဲ့ ဇနီး ခင်ပွန်းသည်တွေ မိသားစုဝင် ကလေးတွေကိုပါ တရားဝင်ထည့်သွင်း
လျှောက်ထားနိုင်ခွင့် ပြုပေး လိမ့်မယ်လို့ ဖော်ပြထားပါတယ်။
အိမ်ဖြူတော်ကရေးဆွဲနေတဲ့ အစီအစဉ်သစ်အရ တရားမ၀င် နေထိုင်နေ
သူတွေ အနေနဲ့ ရာဇ၀တ်မှုနောက်ကြောင်းရာဇ၀င် စစ်ဆေးခံရမှာဖြစ်သလို ဇီဝသက်သေခံ အထောက်အထားနဲ့ ဗီဇာလျှောက်ထားခ ပေးသွင်းရမှာ
ဖြစ်တယ်လို့ ဆိုပါတယ်။
အမေရိကန်ပြည်ထောင်စုမှာ လေးနှစ်ဆက်တိုက် နေထိုင်ခွင့်ပြုမှာဖြစ်ပြီး
နိုင်ငံရဲ့ပြင်ပကို အချိန်တို ခရီးသွားလာခွင့် ပြုမှာ ဖြစ်သလို လေးနှစ်ပြည့်
သွားတဲ့အခါ ဗီဇာသက်တမ်း တိုးခွင့် လျှောက်ထားနိုင်ခွင့် ပြုမှာ ဖြစ်ပါတယ်။ ၈ နှစ်အတွင်း အင်္ဂလိပ်စာသင်ကြားမယ်၊ အမေရိကန်အစိုးရနဲ့ နိုင်ငံရဲ့
သမိုင်းကို လေ့လာမယ်၊ အခွန်ထမ်းဆောင်မယ် ဆိုရင် နိုင်ငံအတွင်း အမြဲတမ်းနေထိုင်ခွင့် လျှောက်ထားပိုင်ခွင့်ပြုမှာ ဖြစ်တယ်လို့ USA Today သတင်းစာမှာ ရေးသားထားပါတယ်။
VOA
No comments:
Post a Comment