ကြောင်မွေးမယ်ဆိုရင် ကာကွယ်ဆေးထိုးဖို့ မမေ့ပါနဲ့

ကြောင်မွေးမယ်ဆိုရင်
ကာကွယ်ဆေးထိုးဖို့ မမေ့ပါနဲ့
လူတွေမှာ ရောဂါပိုးကူးစက် ခံရခြင်းမှ ကင်းဝေးဖို့ ကာ ကွယ်ဆေးများ ထိုးနိုင်သလို၊ ကြောင်လေးတွေ အတွက်လည်း ကူးစက်တတ်တဲ့ တစ်ခါတစ်ရံမှာ အသက် အန္တရာယ်ကိုပါ ထိခိုက်စေနိုင်တဲ့ ရောဂါတွေ ကင်းရှင်းအောင် ကာကွယ်ဆေး ထိုးပေးရပါမယ်။ ကာကွယ်ဆေး ထိုးခြင်းဖြင့် ကာကွယ်နိုင်တဲ့ ရောဂါ တွေကတော့ ခွေးရူးရောဂါ၊ Feline Distemper၊ ကြောင်တွင် ဖြစ်တတ်သော သွေးအားနည်းရောဂါ၊ အသက်ရှူ လမ်းကြောင်းအပေါ်ပိုင်း ရောဂါပိုးဝင်ခြင်း တို့ဖြစ်ပါတယ်။ ဒါပေမယ့်လည်း ရောဂါ ကူးစက်နိုင်ခြေ ဟာ ကြောင်ရဲ့ နေထိုင်မှုပုံစံ၊ နေထိုင်သည့် ပတ်ဝန်း ကျင်ပေါ်လည်း မူတည်နေတာကြောင့် ကာကွယ်ဆေး အာနိသင် အပြည့်အဝရရှိဖို့ တိရစ္ဆာန် ဆေးကုဆရာဝန် နှင့် သေချာတိုင်ပင် သင့်ပါတယ်။

ကြောင်လေးဖျားနေပြီလား

ကြောင်တွေဟာ နေမကောင်း ခြင်းကို လျှို့ဝှက်တဲ့နေရာမှာ သိပ် တော်ပါတယ်။ ဒါပေမယ့် ကြောင်လေး နေမကောင်းဖြစ်နေတာကို သခင် အနေနဲ့ သိရှိနိုင်တဲ့အချက်တွေတော့ ရှိပါတယ်။ ရေမသောက်၊ အစာမစား ခြင်း၊ မောဟိုက်ခြင်း၊ ပုံမှန်ထက် ပို အိပ်စက်ခြင်း၊ ချောင်းဆိုးခြင်း၊ နှာချေ ခြင်း၊ အန်ခြင်း၊ ကိုယ်အလေးချိန်ကျ လာခြင်း စတဲ့လက္ခဏာတွေကို နေ မကောင်းတဲ့ကြောင်လေးမှာ တွေ့ရ တတ်ပါတယ်။ အဲဒီလိုမျိုး လက္ခဏာတွေ လုံးဝမပြဘူးဆိုရင်တောင် သင့်ရဲ့အဖော်လေးဟာ အရင်လို ပွတ်သီးပွတ်သပ်လုပ်ဖို့ စိတ်မပါဘူး ဆိုတာနဲ့ အန္တရာယ်ကင်းအောင် တိရစ္ဆာန်ဆေးကု ဆရာဝန်ကိုသာ ဆက်သွယ်ပါတော့။ သင့်အိမ်မှာ အသုံးပြုနေတဲ့ လူသောက်တဲ့ ဆေးဝါး တွေကိုတော့ နေမကောင်းတဲ့ ကြောင်လေးအား လုံးဝမတိုက်ပါနဲ့။ ဆေးဝါးတွေဟာ ကြောင်လေးများကို သေစေနိုင်ပါတယ်။

တိရစ္ဆာန်ဆေးကုဆရာဝန် ရွေးချယ်ခြင်း

အိမ်မွေးတိရစ္ဆာန်မွေးထားတဲ့ သခင်တိုင်းအတွက် ဆွေးနွေးတိုင်ပင်မယ့် တိရစ္ဆာန်ဆေးကုဆရာဝန်တစ် ယောက်ကတော့ လိုအပ်ပါတယ်။ အရည်အချင်းပြည့်ဝတဲ့ တိရစ္ဆာန် ဆေးကုဆရာဝန်ကို ရှာဖွေဖို့အတွက် ကောင်းမွန်တဲ့ နည်းလမ်းတစ်ခုက တော့ သင်ယုံကြည်ရတဲ့ လူတွေရဲ့ ထောက်ခံချက်ကိုမေးမြန်းပြီး သူတို့က ကောင်းတယ်ဆိုပြီး ညွှန်တဲ့ ဆရာဝန် များထဲမှ ရွေးချယ်ဖို့ပါပဲ။ ဖြစ်နိုင်ရင် ဆေးခန်းတစ်ခန်းစီကို သွားရောက် လေ့လာကြည့်ပါ။ ဆေးခန်းဟာ သပ် သပ်ရပ်ရပ်ရှိရဲ့လား၊ အနံ့ကင်းရဲ့လား၊ သန့်ရှင်းရဲ့လား ကြည့်ပါ။ ဆရာဝန် အနေနဲ့ သင်ပြောပြတာကိုရော နား ထောင်ရဲ့လား၊ ဂရုစိုက်ရဲ့လား။ ကိုယ် ပိုင်မိသားစု ဆရာဝန်ကိုရွေးချယ်သလို သင့်မှာ ရွေးချယ်ပိုင်ခွင့် ရှိပါတယ်။ လိုအပ်ပါက ဆေးခန်းပြောင်း သင့်ရင် ပြောင်းပါ။

ကြီးထွားနှုန်း မြန်ကြတယ်

ကလေးတွေလိုပဲ ကြောင်ပေါက်စ လေးတွေဟာ သင့်ရဲ့မျက်စိရှေ့မှာပဲ ကြီးထွားလာကြတာ၊ သင်မသိလိုက် ခင်မှာပဲ သူတို့လေးတွေဟာ အပြင် ဘက်လောကကြီးကို သတ္တိရှိစွာ စူးစမ်း နေကြပါပြီ။ အဲဒီတော့ သူတို့တွေ ကြီးထွားနေစဉ် တစ်လျှောက်လုံး မှတ်တမ်းတင် ဓာတ်ပုံရိုက်ပြီး အချိန်တိုင်းကို ပျော်ရွှင်စွာ ခံစားကြည့်ပါ။ ကြောင်ပေါက်စလေး ကနေသင့်အတွက် အဖော်ရတဲ့ ကြောင်ကြီးဖြစ်လာအောင် သင် ဘယ်လောက်ဂရုစိုက်ခဲ့ ရသလဲဆိုတာကို သင့်အနေနဲ့ အားပါးတရ ခံစားကြည့်လိုက်ပါ။

ဇင်မာမြင့်
HEALTH DIGEST