ရှမ်းဒုက္ခသည်တွေ အကြောင်း စာအုပ်ထုတ်ဝေ

ရှမ်းလူမျိုး ဒုက္ခသည်တွေအကြောင်း အခြေခံရေးသားထားတဲ့ (The Shan: Refugees without a camp) “စခန်းမရှိတဲ့ ရှမ်းဒုက္ခသည်များ” ဆိုတဲ့ စာအုပ်ထုတ်ဝေပွဲနဲ့ ပတ်သက်တဲ့ သတင်းစာရှင်းလင်းပွဲ ကို နိုဝင် ဘာလ ၆ ရက်နေ့လည်က ထိုင်းနိုင်ငံ ဘန်ကောက်မြို့၊ နိုင်ငံခြားသား သတင်းထောက် များအသင်း ရုံးခန်းမမှာ ကျင်းပခဲ့ပါတယ်။

ထိုင်းနိုင်ငံထဲ ဝင်ရောက်ခိုလှုံနေတဲ့ ရှမ်းလူမျိုးတွေဟာ ဒုက္ခသည်အဖြစ် အသိအမှတ်ပြု မခံရကြောင်း စာမျက်နှာ ၂၇၀ ပါ ဒီစာအုပ်ကို ရေးသားပြုစုသူ Bernice Koehler Johnson က ဒီနေ့သတင်းစာ ရှင်းလင်းပွဲမှာ ဦးဆောင် ရှင်းပြခဲ့ပါတယ်။

“ကျမဒီစာအုပ်ရေးခဲ့တာဟာ လေ့လာသင်ယူဖို့အတွက် အရမ်းအားသန်ပြီး အလုပ်ကြိုးစားကြတဲ့ ရှမ်းလူ ငယ်တွေအကြောင်း သိစေချင်လို့ပါ။ သူတို့တွေရဲ့ မျှော်လင့်ချက်တွေ ပြည့်ဝစေဖို့ အခွင့်အလမ်းတွေ ဖန် တီး ပေးသင့်ပါတယ်၊ ဒီလိုဆိုရင် သူတို့ဟာ ရှမ်းလူမျိုးတွေ အတွက်သာ မဟုတ်ဘဲ မြန်မာ တနိုင်ငံလုံး အ တွက် အကျိုးရှိမှာ ဖြစ်ပါတယ်။”

ထိုင်းတက္ကသိုလ် အချို့မှာ ပညာသင်ကြားခွင့်ရနေတဲ့ ရှမ်းကျောင်းသား ကျောင်းသူ အချို့လည်း ဒီနေ့ သတင်း စာရှင်းလင်းပွဲကို တက်ရောက်ခဲ့ ပါတယ်။တက်ရောက်တဲ့ ရှမ်းကျောင်းသားတွေထဲက ဘန်ေ ကာက်မြို့ ရမ်ကန်ဟမ် တက္ကသိုလ်မှာ လူထုဆက်ဆံရေး နည်းပညာ ဘာသာရပ်ကို သင်ကြားနေတဲ့ ကိုစိုင်းစိုး ကတော့ ရှမ်းလူမျိုးတွေကို ဒုက္ခသည်အဖြစ် လက်မခံတာဟာ ခွဲခြားတဲ့ပုံစံလို့ မြင်မိကြောင်း အခု လိုပြောပါတယ်။

"ကျနော့်အမြင်အနေနဲ့ကြတော့ ခွဲခြားတဲ့ ပုံစံလိုမျိုးတော့ရှိတယ်၊ ဥပမာ က ရင်ကြတော့ ပေး တယ်ပေါ့ေ နာ်။ရှမ်းကြတော့ ဘာလို့ မပေးလဲ ရှမ်းပြည်မှာလည်း စစ်တိုက်နေတာကြာလှပြီ။ ဟိုခွန် ဆာ လက်ထက် မတိုင်ခင်ထဲကိုက သူတို့စစ်တိုက်နေတာ၊ ပြေးလာတာလည်းကြာလှပြီ၊ ဒါပေမယ့် အထက်ပိုင်း မှာ အောက် ပိုင်း မှာ သူတို့ဘယ်လို အဆက်အသွယ်လုပ်ကြလဲ ကျနော်လည်း မသိဘူး၊ ပြီးတော့ UNHCR ကလည်း ဘာဖြစ်လို့ မပေးတာလဲဆိုတာ ကျနော်တို့လည်း နားမလည်ဘူးပေါ့ ဘာဖြစ်လို့ ခွဲခြားပြီးေ တာ့ ပေးရ တာလဲပေါ့”

ဒီစာအုပ်မှာ ရှမ်းဒုက္ခသည်တွေအကြောင်း၊ သူတို့ရဲ့ ပညာရေး အခြေအနေ၊ ရှမ်းပြည်နယ်အတွင်း ခရီး သွားခြင်းစတဲ့အကြောင်းတွေကို ဖော်ပြထားပြီး ထိုင်းနိုင်ငံမြောက်ပိုင်းမှာ ရှမ်းလူမျိုး သန်းနဲ့ ချီ နေထိုင် တယ် လို့ ခန့်မှန်းကြောင်း စာရေးသူကပြောဆိုပါတယ်။


RFA တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်။