အောင်စိုးမိုးကျော်ရေယာဉ်နစ်မြုပ်နိုင်ခြင်းကို ကြိုသိ၍ သက်ဆိုင်ရာသို့ တိုင်ကြားခဲ့သော ခရီးသည်တစ်ဦးနှင့်တွေ့ဆုံခြင်း

Wednesday, October 26, 2016

‘‘အစိုးရပိုင်းကတော့ အရမ်းအားနည်းတယ်လို့ ပြောရမှာပဲ။ ဒီရေယာဉ်က ဆွဲနေတာကြာပြီ။ အခုမှနစ်တာမဟုတ်ဘူး။ ခဏခဏနစ်နေတာ။ လူသေတာနည်းတာနဲ့ များတာပဲကွာတယ်လေ။ အခုက လူသေတာ တော်တော်များလို့ အများက သတိထားမိတာ’’

ဟုမ္မလင်းမြို့မှ မုံရွာမြို့သို့ ထွက်ခွာလာသော အောင်စိုးမိုးကျော်ရေယာဉ် သည် အောက်တိုဘာ ၁၅ ရက် နံနက် ၅ နာရီခန့်တွင် ကနီမြို့နယ် မိကျောင်းတွင်းကျေး ရွာအနီး ချင်းတွင်းမြစ်အတွင်း၌ ကျောက်ဆောင်ကို ရှောင်တိမ်းရာမှ အရှိန်လွန်တိမ်းမှောက်ခဲ့သည်။

ယင်းဖြစ်စဉ်တွင် ခရီးသည် ၁၅၉ ဦးကိုသာ အသက်ရှင်လျက် ကယ်တင်နိုင်ခဲ့ပြီး ခရီးသည် ၇၃ ဦးသေဆုံးကာ ခုနစ်ဦး ပျောက်ဆုံးလျက် ရှိကြောင်း အစိုးရက တရားဝင်ထုတ်ပြန်သည်။

အဆိုပါရေယာဉ်မှာ ကုန်နှင့်ခရီးသည် အဆမတန်တင်ဆောင်လာ ခဲ့ပြီး နစ်မြုပ်နိုင်သောကြောင့် စီးနင်းလိုက်ပါလာသည့် ခရီးသည်ဦးအောင်ကျော်ဦးက ရေယာဉ်မနစ်မြုပ်မီ ၁၂ နာရီကျော်အကြာကတည်းက လမ်းခရီးရှိ ပုဂ္ဂလိကရေယာဉ်လိုင်းများ ကြီးကြပ်မှုကော်မတီရုံးသို့ တက်ရောက်တိုင်ကြားခြင်း၊ သင်္ဘောအခြေအနေကို ၎င်း၏ ဖေ့စ်ဘွတ်ခ် စာမျက်နှာပေါ်တွင်တင်၍ ဖြန့်ဝေခြင်းများ ပြုလုပ်ခဲ့သည်။ အမြန်ရေယာဉ်သည် သူစိတ်ပူသကဲ့သို့ပင် တိမ်းမှောက်ခဲ့ပြီး ၎င်းတို့ ဇနီးမောင်နှံမှာ ကံ ကောင်းထောက်မ၍သာ အသက်ဘေးမှလွတ်မြောက်ခဲ့သည်။ ရေယာဉ်နစ်မြုပ်မည်ကို စိုးရိမ်၍ တာဝန်သိစွာ တာဝန်ရှိသူများကို အကြောင်းကြားမှု၊သတိပေးမှုများပြုလုပ်ခဲ့ပြီး ရေယာဉ်နစ်မြုပ်မှု ကိုယ်တိုင်ကြုံတွေ့ခဲ့သော ဦးအောင်ကျော်ဦးနှင့် တွေ့ဆုံမေးမြန်းထားသည်များမှ ကောက်နုတ် ဖော်ပြလိုက်ပါသည်။

နစ်မြုပ်မှုဖြစ်ပေါ်ခဲ့တဲ့ ရေယာဉ် ပေါ် လိုက်ပါစီးနင်းဖြစ်တဲ့အ ကြောင်း ပြောပြပေးပါဦး။

ဦးလေးက ဈေးရောင်းတာ ပေါ့နော်။ ဈေးရောင်းပြီး ပြန်လာ တာပေါ့။ ရန်ကုန်ပြန်တယ်။ ဟုမ္မ လင်း တစ်ကြောလုံးပေါ့။ အဲဒီ နေရာတွေမှာ ဦးလေးက အထည် ရောင်းတယ်။ ဦးလေးအမျိုးသမီး က ဗေဒင်ဟောတယ်။ ဆရာမ ဒေါ်နီနီဝင်းဆိုပြီး ဗေဒင်တွက် တယ်။ အဲဒါတွေရောင်းပြီး အပြန် မှာ ဖြစ်တာ။ စက်လှေက ပုံမှန် ထွက်ရမှာက မနက် ၁၀ နာရီ။ တကယ်ထွက်ခဲ့တာ ၁၁ နာရီမတ် တင်းပေါ့။

ရေယာဉ်က မထွက်ခင်ကတည်း က ခရီးသည်တွေ အရမ်းများနေခဲ့ တယ်လို့ သိရတယ်။ လှေမထွက် ခင် အခြေအနေ ပြန်ရှင်းပြပါဦး။

လူတွေအများကြီးပါရတဲ့အ ကြောင်းရင်းက အဲဒီဒေသက ရွှေ မှော်မှာ လုပ်တဲ့သူတွေ အများကြီးရှိတယ်။ ရွှေမှော်မှာလုပ်တဲ့သူတွေ က ဘဝသမားတွေ။ သူတို့တွေက မိမိတို့ အရပ်ဒေသကိုစွန့်ပြီး လာ ရတာ။ တစ်ယောက်တည်းသမား တွေ။ တချို့နေရာတွေက ဖုန်း လိုင်းမမိကြဘူး။ ပိုက်ဆံစုပြီး ပြန် ကြတယ်။ ရတဲ့နေရာမှာ ကြုံသလိုစီးပြီး ပြန်ကြရတယ်။ စာရင်းမရှိ ဘူး။ တချို့ဆိုရင် စက်လှေမှာ အ များကြီးပါလာကြတယ်။ သူတို့ မိသားစုတွေ မသိကြဘူး။ စာရင်း ရှိပြီးသေတယ်ဆိုတာက ဦးလေး တို့ ထိုင်ခုံရတယ်။ မှတ်ပုံတင် နံပါတ်နဲ့ အဲဒီလို စီးတဲ့သူတွေပဲ သူ တို့စာရင်းပြနိုင်တယ်။ နောက်ပြီးတော့ ဒီမြစ်ကြောင်းတစ်ကြော လုံးမှာက စက်လှေရေလမ်းပဲ အားကိုးသွားရတာကိုး။ အဲဒီတော့ ဟို ဘက်ရွာက လက်ပြတားလည်း သူက တင်ရတယ်။ သူ့သဘော သဘာဝပေါ့။ သူတို့ကလည်း လောဘတက်တဲ့အခါကျတော့ တားသမျှကိုတင်တော့တာပေါ့ လေ။ ပြီးတော့ ဒီကာလက ကျောင်းသားတွေလည်း ပြန်ကြတယ်၊ ဝန် ထမ်းတွေကလည်း နားကြတယ် ဆိုတော့ ဒီတစ်ခုတည်းကို စုပြုံပြီး အိုဗာဝိတ်တွေ ဖြစ်ကုန်တာ။ ထွက်ကတည်းကကို အိုဗာဝိတ် ဖြစ်နေတာ။

စထွက်တော့ စက်လှေပေါ်မှာ ခရီးသည်ဘယ်လောက်အထိပါလဲ။

စထွက်တော့ ထွက်ရှိစာရင်း က အများဆုံးပါရင် ၁၆၀၊ ၁၇၀ လောက်ပဲ ပါဦးမယ်။ ထွက်ထွက် ချင်းကို လူ ၁၆၀၊ ၁၇၀ ဆိုတာ များနေတာ။ ဒီမော်တော်က အဲဒီ လောက်မဆံ့ဘူး။ အဲဒီတော့ သူ က ထွက်ကတည်းကကို ဝိတ်များ နေတာ။ သူက ကြိုးဖြေအထွက် မှာ ရေစီးက နောက်ပြန်မျော တယ်။ နောက်က ပဲ့ထောင်တစ်စီး ကို တိုက်ခဲ့သေးတယ်။ လူအရမ်း များနေတော့ ရေစီးအားကို ဆန် တဲ့အခါ တက်,မက လိုသလိုကွေ့ လို့မရဘူး။ အဲဒါနဲ့ ထွက်ထွက်ချင်းမှာကို မောင်းတဲ့သူမပါတဲ့ ပဲ့ ထောင်ကို တိုက်ခဲ့တာ။

စက်လှေပေါ်မှာ ကုန်ကော ဘယ် လောက်လောက်ပါတာမြင်ခဲ့လဲ။

ကုန်က ပုရစ်ဖာတွေပါ တယ်။ အဲဒီဒေသက ပုရစ်ထွက် တယ်။ အဲဒီပုရစ်ကို တရုတ်ပြည် ပို့တာ။ ပုရစ်ဖာက အကြီးကြီးတွေ ဦးတို့ဖက်လို့ မမီဘူး။ ငါးထည့်တဲ့ ရေခဲ့ဘူးဖာလိုမျိုး ဂျပ်ဖာ ၂၀ လောက်ပါတယ်။ ၂၀ ဆိုတဲ့ အင် အားက အရမ်းများတယ်လေ။ နောက်မှာပါတယ်။ ရှေ့မှာလည်းအများကြီးပါတယ်။ အဲဒီဖာတွေ က တစ်ဖာကို လူသုံးယောက် လောက်နဲ့ လူ ၆၀ လောက်ကို ကယ်သွားတာပေါ့။ ဆိုင်ကယ်က စထွက်ကတည်းက ၁၂ စီးလောက်ပါနေပြီ။ စထွက်တဲ့အချိန်တုန်းက စက်လှေက လူများတယ်ဆိုပေ မယ့်လည်း ဒီလောက်ကြီး အန္တရာယ်မဖြစ်လောက်သေးဘူး။ လမ်းမှာ အတင်တအားများသွား တယ်။ လမ်းမှာ အတင်များတော့ ဘာဖြစ်သွားလဲဆိုတော့ လုံးဝမရတော့ဘူး။ အဲဒီအတိုင်း မောင်းလာရင် အဆင်ပြေနိုင်သေးတယ်။ ဖောင်းပြင်မရောက်ခင် လမ်းမှာ မြင်သာ၊ ရေလဲ၊ ရွှေပြည်အေးတို့ အဲဒီရွာတွေရှိသေးတယ်။ အဲဒီမှာတင်တယ်။ ဒါက နာမည်ကြီးတဲ့ မြို့ကြီးတွေပေါ့။ ဒါ့အပြင် နာမည်မရှိတဲ့ ရွာကြီးတွေရှိသေးတယ်။ အဲဒီရွာကြီးတွေ တင်ပြီးတော့ စက်လှေက အရမ်းမြုပ်သွားပြီ။ ရေတွေဝင်လာပြီး အဲဒီလိုနဲ့ ဖောင်းပြင်ရောက်လာတာပေါ့။ အဲဒီရောက်တော့ လူအင်အားအရမ်းများနေ ပြီး မြုပ်တော့မယ်ဆိုတာသိလို့ ဦးလေးက အဲဒီမှာ တိုင်တာ။

ဘယ်သူ့ကို သွားတိုင်ခဲ့တာလဲ။ သူတို့က ဘယ်လိုတုံ့ပြန်ခဲ့ပါ သလဲ။

လိုင်းပေါင်းစုံ ရေယာဉ်စည်း ကမ်းထိန်းသိမ်းရေးဆိုတာရှိ တယ်။ အဲဒီမှာ တိုင်တာပဲ။ ရေ ယာဉ်က လူအရမ်းများနေတယ်။ လူအရမ်းများနေတော့ အန္တရာယ် ရှိနေတယ်။ ဒီရေယာဉ်ကို ခင်ဗျား တို့ ဘယ်လိုလုပ်ပေးမလဲဆိုတော့။ ကျွန်တော်တို့ပြောတယ်။ ပြောလို့ မရဘူးတဲ့။ အဲဒီရေယာဉ်က ဟုမ္မ လင်းကပါတဲ့သူနဲ့ ရောင်းထားပြီး သားလူတွေကြောင့် မတင်မဖြစ် တင်ရမယ် ပြောတယ်တဲ့။ ဒါပေ မဲ့ ကျုပ်တို့မှာ အန္တရာယ်ရှိနေပြီ၊ ခင်ဗျားတို့ ဘယ်လိုလုပ်မှာလဲလို့ ဆိုတော့ ကျွန်တော်တို့ ဘာမှလုပ် ပေးလို့မရဘူးတဲ့။ ဒါဆို ရဲစခန်း ဘယ်မှာရှိလဲလို့မေးတော့ ရဲစခန်း က လှမ်းတယ်တဲ့။ အဲဒီအချိန်မှာ သင်္ဘောက ပြန်ခွာနေပြီ။ သူတို့ကို မပြောခင် ဦးလေးက ရေယာဉ်မှာ လုပ်တဲ့ကောင်ပေါ့။ အခုအသက် ရှင်တယ်ဆိုတဲ့ကောင်။ မင်းတို့ အရမ်းမတင်နဲ့ ရေယာဉ်မြုပ်တော့ မယ်လို့ ဦးနဲ့စကားများတယ်။ စကားများတော့ သူက ဘာပြော လဲဆိုတော့ ဈေးသည်တက်တာ များလို့ ဈေးသည်တွေ ဆင်းသွား ရင် ဝိတ်လျော့သွားလိမ့်မယ်တဲ့။ မဟုတ်ဘူးနော် ရေဝင်နေပြီ။ ဦးလေးက အဲဒီလိုပြောတယ်။ ပြောမရတော့မှ အပေါ်တက်တိုင် တယ်။ အဲဒီအချိန်မှာ တစ်ယောက်တည်းကို ပျာယာခတ်နေပြီ။ ကြောက်လည်းကြောက်တာကိုး။ ဒါဆို ခင်ဗျားတို့ကို ကျွန်တော် ဓာတ်ပုံရိုက်မယ်။ အထက်ကို တိုင်မယ်။ လိုင်းပေါ်တင်မယ်ပြော တော့ ရတယ်ရိုက်တဲ့။ သူတို့ရိုက် ခံတယ်။ အဲဒါ ဦးလေးခိုးပြီး ရိုက် တာမဟုတ်ဘူး။ ဗြောင်ပြောပြီး ရိုက်ခဲ့တာ။ ပြီးတော့ ဦးလေးစီးတဲ့ စက်လှေကိုလည်း ဘက်ပေါင်းစုံ ကနေရိုက်ပြီး လိုင်းပေါ်တင်ပေး လိုက်တယ်။ သင်္ဘောမှောက်မယ် ဆိုတာ ထင်နေလို့ ဦးလေးတို့ လင်မယားနှစ်ယောက်က သင်္ဘော ထွက်လာတဲ့အချိန်ကတည်းက ပလတ်စတစ်ပုံး အဝါအကြည် တွေကို တစ်ယောက်တစ်ပုံး လက်မှာ ချီပြီးလိုက်လာခဲ့တာ။

ကမ်းမှာ အကြောင်းကြားပြီးတော့ ရေယာဉ်က ဘယ်လောက်အကြာ ဆက်မောင်းပြီးမှ မှောက်တာလဲ။

ညနေ ၃ နာရီက ဦးလေးအ ကြောင်းကြားတာ။ နောက်တစ်နေ့မနက် ၅ နာရီမှာ နစ်တာ။ ၁၂ နာရီကျော်သွားတာပေါ့။ ဦးလေး ဆက်စီးခဲ့ရတာ။

ကြားမှာ ခရီးသည်တွေ ထပ်တင် သေးလား။

ဟာ များတယ်။ အကြောင်း ကြားပြီးတော့ကို ဆက်ပါလာသေးတယ်။ သူက တစ်ရွာတစ်ခါတက် လေ။ အဆင်းမရှိဘူး။ အတက်ပဲ များတယ်။ တော်တော်ကြီးကို အ ခြေအနေဆိုးတယ်။

တရားဝင်ကြေညာတော့ စက်လှေမှာပါတဲ့သူအရေအတွက်က ၁၀၀ လောက်ပဲရှိတယ် သိရတယ်။ ဦးလေးမြင်ခဲ့ရသလောက် ဘယ် လောက်ရှိနိုင်မလဲ။

၂၅၀ နဲ့ ၃၀၀ ပဲ။ ၃၀၀ မပို နိုင်ဘူးဆိုရင် ၂၅၀ အောက်မှာ မရှိဘူး။ ဦးက ကြောက်တတ်တယ်။ လျှောက်သွားနေတာလေ။ လျှောက်ကြည့်နေတာကိုး။ သေ တဲ့သူတွေလည်း သိတယ်။ Upperက ဦးဖုန်းတို့ ဘာတို့လည်း ဦးလေးသိတာပဲ။ သူလည်းကြောက်တတ် တယ်။ ခဏခဏသွားပြောကြ တယ်။ ဦးလေးလိုပဲ သွားပြောကြ တဲ့သူတွေရှိတယ်။ နစ်ခါနီး တစ် နာရီလောက်အလိုမှာ အဲဒီရေ ယာဉ်က မြစ်လယ်မှာ ကျောက်ချ လိုက်တယ်။ ရေတွေစုပ်ထုတ်ရ တယ်။ အဲဒီအချိန် မြစ်ထဲမှာ ကျောက်ချရပ်လိုက်တော့ အန္တ ရာယ်ကင်းတယ်ဆိုပြီး ဦးလေး အိပ်လိုက်တယ်။ အဲဒီမတိုင်ခင် တစ်ညလုံး မအိပ်ဘူး။ ဦးလေး ကြောက်လို့။ ဦးလေးက အစွန်မှာ နေတာ။ အမျိုးသမီးက ဘေးမှာ။ သူ့ကို အစွန်မှာမထားဘူး။ နစ်တဲ့ အချိန်ကျတော့ ရေက ဗွမ်းဆိုပြီး ဝင်လာတယ်။ အဲဒီလိုနဲ့ တစ်ခါ တည်းနစ်သွားတော့တာ။

မြုပ်သွားတဲ့အချိန်မှာ မြင်ရတဲ့အ ဖြစ်အပျက်လေးတွေကို ဘယ်လို မြင်ခဲ့လဲ။

မမြုပ်ခင်ကတည်းက မြုပ် မယ်လို့ သိနေတယ်။ ဦးလေးရဲ့ အမြင်ပေါ့။ ဦးလေးက သင်္ဘော ကို (သင်္ဘောပေါင်)ခွထိုင်ထားတာ ထွက်လို့လွယ်အောင်လို့လေ။ ခွထားတာ။ အဲဒီအချိန်မှာ သင်္ဘောက တည့်တည့်မောင်းလာတာက နေ စောင်းပြီးကွေ့လိုက်တယ်။ သူတို့ပြောတာကတော့လေ ကျောက်ဆောင်တွေ့ လို့ပြောတာပဲ။ အဲဒါဟုတ်ချင်လည်း ဟုတ်မှာပေါ့လေ။ဒါပေမဲ့ ဘာနဲ့မှ တိုက်မိတာမျိုးမရှိ ဘူးနော်။ သူက ရေမြုပ်နေတယ်။ ရေမြုပ်နေတော့ စက်အားက တွန်းပြီးမောင်းရတာ။ စပိဘုတ်လိုပဲ။ ထောင်ပြီး ပြေးတာ။ သူ့ရဲ့သဘော သဘာဝက တည့်တည့်သွားတော့ ပြဿနာမရှိဘူးလေ။ လှိုင်းတွေ ကို ခွဲပြီးသွားတာပေါ့။ ကွေ့လိုက် တဲ့အချိန်ကျတော့ မှောက်သွား ရော။ ဝိတ်များပြီး စောင်းပြီး မှောက်သွားတာ။ စက်လှေမှောက်တော့ အရင်ဆုံး ဦးလေးရေမြုပ် သွားတာပဲ။ ဘာမှမမြင်တော့ဘူး။ ပြန်ပေါ်တဲ့အချိန်ကျတော့ ရေပေါ် မှာ လူတွေ အများကြီးပဲ ခေါင်း လေးတွေပဲပေါ်ပြီး အော်နေကြ တယ်။ အော်ရင်းအော်ရင်း ပြန် မြုပ်သွားကြတယ်။ အဲဒီလိုမြုပ် သွားကြတာ အများကြီးပဲ။

သင်္ဘောပေါ်မှာ အသက်ကယ်ဝတ်စုံတွေ၊ တခြားကယ်ဆယ်ရေး ပစ္စည်းတွေ ထားထားတာတွေ့ လား။

သင်္ဘောဆယ်ပုံလေးတွေ တွေ့မှာပေါ့။ သင်္ဘောနဲ့အတူ ပြန် ပေါ်လာတဲ့ ဘောတွေ တွေ့လိမ့် မယ်။ သူက အသက်ကယ်ဘော တွေကို သင်္ဘောနဲ့ အသေချည် ထားတာ။ သူတို့က ဖြုတ်လို့ ပျောက်မှာစိုးလို့ သူတို့က အသေ ချည်ထားတာ။ သက်ကယ်အင်္ကျီ လည်း မရှိဘူး။ ဘာတွေပါလဲဆို တော့ ဦးတို့သုံးတဲ့ ဆီပုံးမျိုးတွေကို ခေါင်မိုးပေါ်မှာ ကြိုးနဲ့ အသေချည် ထားတယ်။ အခုသင်္ဘောပေါ်လာ တာ အဲဒါနဲ့ ပေါ်လာတာပဲ။ အမှန် က ဖြစ်လိုက်ရင် ဘောတွေ ပုံး တွေက ဘွားခနဲပေါ်လာရမှာ။ လူ တွေ အဲဒါဖက်တွယ်ပြီး ကူးသွားရ မှာ။ အဲဒါနဲ့ အသက်ရှင်ရမှာ။ သင်္ဘောနစ်တယ်ဆိုတာ ရုပ်ရှင် ထဲကလို အချိန်အကြာကြီးနဲ့ နစ် တာမဟုတ်ဘူး။ ပလုံဆိုနစ်သွား တာ။ အဲဒါတွေ ရုတ်တရက်ပေါ် လာမှ လူတွေက အသက်ရှင်မှာ လေ။ အဲဒါကို အသေချည်ထား တော့ ဘယ်လိုမှ ဖြေလို့မရဘူး။ ခရီးသည်တွေကိုလည်း ဘယ်နား မှာ သက်ကယ်အင်္ကျီထားပါတယ် ဘာညာတစ်လုံးမှ မပြောဘူး။ လာသမျှ ခရီးသည်တက်ပဲ။ စီးရဲရင် လိုက် မစီးရဲရင်နေခဲ့ပဲ။ အဲဒီလို သွားတာ။ ဒီနေ့အချိန်ထိ ဦးလေး သတင်းစာတွေ၊ ဂျာနယ်တွေ ဖတ်တယ်။ သူတို့အခုအချိန်အထိ တောင်းပန်တာတွေ ဘာတွေ အခုအထိ မလုပ်သေးဘူး။ တိုင်းဒေသ ကြီး ဝန်ကြီးချုပ်တွေ၊ အစိုးရအဖွဲ့ က လူတွေ အကုန်တွေ့တယ်။ မီ ဒီယာတွေလာတယ်။ အားပေး စကားပြော အင်တာဗျူးသွား တယ်။ အကုန်သူ့အလုပ်သူလုပ် သွားကြတယ်။ ဒီနေ့အချိန်ထိ ဦးလေးတို့ကို အေးငြိမ်းချမ်းသာ ရေယာဉ်အသင်းကနေ ပြည်သူ တွေကို ဘယ်လိုလုပ်ပေးပါတယ် တစ်လုံးမှ မလာသေးဘူး။ ဘယ် ဂျာနယ်မှာပါတယ် ဦးလေးမသိ ဘူး။ ဂျာနယ်တွေတော့ တောက် လျှောက်စောင့်ဖတ်နေတာပဲ။

စက်လှေဘက်က ဝန်ထမ်းဘယ် လောက်ပါပြီး မမြုပ်ခင်နဲ့ မြုပ်တဲ့ အချိန်မှာ ခရီးသည်တွေကို ကြို တင်ကူညီဆောင်ရွက်ပေးခဲ့တာရှိ လား။

လုံးဝကို မရှိတာ။ လုံးဝကို မရှိတာ။ စက်လှေမြုပ်တော့ သူတို့ တွေ ဘယ်သူ့ကို ကူညီလိုက်ပါ တယ်ဆိုတာ မရှိသလို ရဲစခန်းကို သွားတော့ အဲဒီစက်လှေက ကောင်တွေ သွားတွေ့တယ်လေ။ အဲဒီမှာလည်း မေးခဲ့တယ်။ မင်း ကြောင့် ငါတို့သေကြပြီ။ မင်းကို အတန်တန်တောင်းပန်တယ်။ မင်း ဘာလို့ အဲဒီလိုလုပ်ရတာလဲလို့။ လွယ်လွယ်လေး သူက ပြန်ပြော တာက အုံနာတင်ခိုင်းတာပါတဲ့။ အုံနာတော့ ဦးမသိဘူး။ ပိုက်ဆံ ကောက်တဲ့ကောင်ကို ဦးလေးသိ တယ်။ မောင်းတဲ့ကောင်ကို ဦးလေးသိတယ်။ ကျန်တဲ့ကလေး တွေက ခေါက်စားလေးတွေပါ။ တကယ်တမ်း တာဝန်ရှိတာ စက်လှေမှာ ပိုက်ဆံကောက်တဲ့ကောင် မှာ တာဝန်ရှိတယ်။ စက်လှေပိုင်ရှင်မှာ တာဝန်ရှိတယ်။

ရေယာဉ်နစ်မြုပ်ပြီး ဘယ်လောက် အကြာမှာ ကယ်ဆယ်ရေးအဖွဲ့ တွေ ရောက်လာကြပါသလဲ။

မြုပ်ပြီး သိပ်မကြာပါဘူး။ ၁၀ မိနစ်လောက်နေတော့ပေါ့။ သူတို့ကကွာ သင်္ဘောမြုပ်မယ်ဆို တာ ကြိုပြီးသိမနေတော့ စောင့် နေကြတာမဟုတ်ဘူးလေ။ စက် လှေနစ်တော့ လူတွေအော်ကြ ဟစ်ကြ အသံတွေကြားတော့ ရွာ ထဲက လူတွေက စက်လှေတွေနဲ့ ထွက်ပြီး ကယ်ကြတာ။ အဲဒီအ ချိန်မှာ လူပေါင်း ၁၅၀ ကျော် လောက်ကို သူတို့ ကယ်လိုက်ကြ တာ။

ဘယ်ရွာတွေကနေ လာရောက် ကယ်ဆယ်ခဲ့ကြတာလဲ။

မိကျောင်းတွင်းရွာ၊ ကင်းရွာ အထက်၊ အောက် အဲဒီရွာသုံးရွာ က လူတွေက ဦးတို့ကို ကယ်လိုက် ကြတာ။ တစ်ရွာကို ပဲ့ထောင်ငါး စီး၊ ခြောက်စီးလောက်။ အဲဒီမြစ် ထဲ အစီးနှစ်ဆယ်လောက်နဲ့ ကယ် ကြတာ။ တစ်စီးကို လူလေး၊ ငါး၊ ခြောက်ဦးလောက်ဆံ့တယ်။ ခေါက်တုံ့ခေါက်ပြန် ကယ်ကြ တာ။ အဲဒါကြောင့် လူတွေအသက်ရှင်ကြတာ။ လာကယ်ပြီး ပါတဲ့သူ တွေကို ကမ်းပေါ်တင်တယ်။ ကမ်းပေါ်ရောက်တော့ ရွာထဲကလူတွေ က ဦးတို့ကို အဝတ်အစားတွေ ရော လိုအပ်တာတွေ ဝိုင်းကူညီကြတယ်။ ရေနွေးတွေ တိုက်တယ်။ အားပေးစကားတွေပြောပေါ့။ ဟို ဘက်မှာလည်း ကယ်ထားတာ တွေ ရှိတယ်။ သိပ်မစိုးရိမ်ကြပါနဲ့ ပေါ့။ သားသမီးပျောက်နေသေး လို့ အော်ကြဟစ်ကြနဲ့ပေါ့။ ဦးလေးလည်း ဦးလေးမိန်းမ ပျောက်လို့ လေ။ လိုက်ရှာတာ မတွေ့ဘူး။ ဦးလေးမိန်းမက ရေထဲမြုပ်သွား တယ်။ ပြန်ပေါ်တဲ့အချိန်မှာ ပတ် ဝန်းကျင်က ကယ်လိုက်လို့ အ သက်ရှင်ပြီး ဆေးရုံရောက်သွား တာ။

ရေယာဉ်နစ်မြုပ်ပြီးတဲ့နောက် အစိုးရတာဝန်ရှိသူတွေ ဘယ် လောက်အကြာမှာ ရောက်လာခဲ့ သလဲ။

၁၁ ခွဲ ၁၂ လောက်မှာ ရောက်လာကြတယ်။ အရင်ဆုံး ရောက် လာတာက မီဒီယာသမားတွေ။ ၈၈ မျိုးဆက်အဖွဲ့က လာကြ တယ်။ ပြီးတော့ အင်န်အယ်လ်ဒီ အဖွဲ့တွေ၊ နာရေးကူညီမှုအဖွဲ့ တွေ ရောက်လာကြတယ်။ အစိုး ရအဖွဲ့အနေနဲ့ကတော့ သူတို့ လည်း ကြိုသိရတာမဟုတ်တော့ မုံရွာကတောင် လာရတာလေ။ သုံးနာရီ၊ လေးနာရီလောက်စီးရ တယ်လေ။ သူတို့လည်း တော် တယ်လို့ ပြောရမှာပေါ့။ အဲဒီ လောက်အချိန်အတွင်း ရောက် အောင်လာခဲ့ကြတာ။ သူတို့လည်း သူတို့လုပ်နည်းအတိုင်း လုပ်ကြရ တာလေ။ တစ်ယောက်တည်း ထွက်လာလို့မရဘူး။ ပြီးတော့ ခရီးလမ်းကလည်း မကောင်းဘူး။ ဆေးတပ်ဖွဲ့တွေလည်း လေးနာရီ၊ ငါးနာရီလောက်ကြာတော့ ရောက် လာကြတယ်။ သူတို့လည်း အချိန် နဲ့ တစ်ပြေးညီလုပ်နေကြတာ။ နောက်ကျမှုတော့ အနည်းအ ကျဉ်းရှိမှာပေါ့။

အစိုးရနဲ့ ဒေသခံတွေက ဘယ်လို ဆက်ပြီး ကူညီပံ့ပိုးပေးခဲ့ကြလဲ။

ဒေသကူညီပံ့ပိုးမှုကတော့တိုင်းဒေသကြီးလွှတ်တော်ကလုိ့ တော့ ပြောတယ်။ တစ်ယောက်ကို နှစ်သောင်းပေးတယ်။ ပြီးတော့ အဲဒီကျေးရွာမှာရှိတဲ့ ဦးကံသွင်ကတစ်ယောက်ကို တစ်သောင်းနှုန်းကူညီထောက်ပံ့တယ်။ အစိုးရက ဖြစ်တဲ့နေ့ ညနေပိုင်းလောက်ရောက်လာပြီး တစ်ယောက်နှစ် သောင်းပေးသွားတယ်။ ပြီးတော့ဘာမှ မလာတော့ဘူး။ ဆေးရုံတက်တဲ့အချိန်မှာ ဝန်ကြီးချုပ် လာကြည့်တယ်။ အင်န်အယ်လ်ဒီက လာကြည့်တယ်။ သင်္ဘောအသင်း ကတော့ လုံးဝလာမကြည့်ဘူး။

တိုင်းဒေသကြီး ဝန်ကြီးချုပ်လာ ကြည့်တော့ ဒီဖြစ်စဉ်နဲ့ပတ်သက် လို့ ဘာများပြောသွားတာရှိလဲ။

ဝန်ကြီးချုပ်ကတော့ ကူညီ မယ်။ ဒီဟာကို မပေါ်ပေါ်အောင် ဖော်မယ်။ လိုအပ်တာကို ကူညီ ပေးမယ်။ ကျွန်တော်တို့လုပ်နိုင် မယ့် ကိစ္စတွေရှိရင် ကျွန်တော့်ကို အကြောင်းကြားပါ။ ကျွန်တော်ကူ ညီပေးမယ်။ ဖြစ်စဉ်အပေါ် အရေးယူပေးမယ်။ သူက တောက် လျှောက် ဒါပဲပြောတယ်။ ကျွန် တော်နဲ့ နှစ်ခေါက်တွေ့တာပေါ့။ သူကတော့ တော်ပါတယ်။ ဒါပေ မဲ့ တစ်မျိုးပေါ့ကွာ။ ဦးတို့ ခံစား ချက်နဲ့ မြင်ရတွေ့ရတာ သိပ် တော့ ပုံစံမကျဘူး။ ဦးလေး အခု ပြောတာက ရေနစ်တဲ့သူတွေအ တွက် နောင် အဲဒီလိုမဖြစ်ရအောင် ပြောတဲ့စကားနော်။ အကန့်တွေ ရှိတယ်။ စစ်ကိုင်းတိုင်းဝန်ကြီးချုပ် က ဦးက ဒီဖြစ်စဉ်နဲ့ပတ်သက်လို့ မေးတယ်။ တချို့ပတ်သက်မှုရှိတဲ့ သူတွေက ဝင်ပြီးစကားလမ်း ကြောင်းကို လွှဲကြတယ်။ အဲဒါကို သိတော့ စစ်ကိုင်းတိုင်းဝန်ကြီးက အဲဒီလိုမပြောမခံတော့ဘူး။ သူပြောချင်တာ ပြောပါလေ့စေ။ ဗီဒီယိုဖိုင်ရိုက်၊ မှတ်တမ်းယူ၊ ပြီးရင်အားလုံးသူအရေးယူမယ် ပြောတယ်။တချို့ကတော့ သူတို့နစ်နာစေမယ့် စကားတွေ ဦးလေးပြောလိုက်ရင် သူတို့နစ်နာသွားကြမှာကြောက် နေကြတယ်။ အဲဒါကြောင့် သူတို့ ဝင်ဝင်ပြီး ကာနေကြတဲ့သူတွေ အဲဒီလိုလူတွေ အများကြီးတွေ့ခဲ့ ရတယ်။ ဦးလေးမိန်းမ ရေနစ်သွား တယ်။ ဆေးရုံရောက်သွားတယ်။ လိုအပ်လို့ မုံရွာဆေးရုံပို့တယ်။ လူနာအနေနဲ့ ပို့တာနော်။ လွှဲ စာဆေးစာနဲ့ ပို့တယ်။ ဦးတို့ကား ထွက်လာတယ်။ ထွက်တော့ ဝန် ကြီးချုပ်နဲ့လည်း တွေ့တယ်။ ဝန်ကြီးချုပ်နဲ့ ပြောနေတုန်း သမ္မတဆီက ဖုန်းလာလို့ဆိုပြီး အပြင် ထွက်ဖုန်းပြောနေတဲ့အချိန်မှာ လူ တစ်ယောက်က ကပ်လာပြီး တား တယ်။ တစ်ဖက်ကို စဉ်းစားပေးပါ လို့ ပြောတယ်။ နှစ်ဖက်နားထောင်ရမယ်ဆိုပြီး ဖြစ်လာတယ်။ ဒီလူ ဘယ်သူလဲဆိုတာလည်း ဦးလေး သိသွားပြီ။ အဲဒီဖိုင် ဦးလေးမှာရှိ တယ်။ ဗီဒီယိုဖိုင်တောက်လျှောက် ယူထားတာ။

အဓိက စက်လှေမြုပ်ရတဲ့အ ကြောင်းရင်းက ဘာကြောင့်လို့ ဦးလေးမြင်ပါသလဲ။

လူတွေ၊ ကုန်တွေ အဆ မတန်တင်တာ၊ မဆင်မခြင်တင် တာကြောင့်လို့ပဲ ထင်တယ်။

ဘယ်သူတွေမှာ အဓိကတာဝန်ရှိ တယ်လို့ကော ထင်ပါသလဲ။

ဘယ်သူ့မှာ အဓိကတာဝန်ရှိ လဲဆိုတော့ စက်လှေပိုင်ရှင်ပေါ့ နော်။ စက်လှေမောင်းတဲ့သူနဲ့ စည်းကမ်းထိန်းသိမ်းရေးအဖွဲ့မှာ တာဝန်ရှိတယ်လို့ ပြောရမှာပေါ့။ အဓိက သူတို့ပဲ။ သူတို့ထိန်းသိမ်း ရင်ရတယ်။ သူတို့ဘယ်လောက် တင်တင် စည်းကမ်းထိန်းသိမ်းရေး က မတင်ရဘူးဆိုရင် သူတို့ထွက် လို့မရဘူး။

ရှေ့ဆက်ပြီးတော့ စက်လှေစီးနင်း ကြရမယ့်သူတွေအတွက် ဘယ် လိုများ အကြံပြုချင်ပါသလဲ။

ကိုယ်စီးတဲ့ ရေယာဉ်ကို ကြံ့ ခိုင်မှု ရှိ၊ မရှိကြည့်။ လူများ၊ မများကြည့်။ ပြီးတော့ စက်လှေတစ်ခု လုံးရဲ့ ဝင်ပေါက်၊ ထွက်ပေါက် တွေ လေ့လာ။ စက်လှေပေါ် ရောက်တာနဲ့ အိပ်တာမျိုးတော့ မလုပ်နဲ့ပေါ့နော်။ အသက်ကယ် ဘောတွေ ရှိ၊ မရှိ သူတို့မပေးနိုင် လို့ရှိရင်လည်း ကိုယ်ပိုင်အသက် ကယ်အင်္ကျီပဲဖြစ်ဖြစ်၊ အသက် ကယ်ပုံးတွေ ဝယ်ဆောင်သွားပါ လို့။ အဲဒါမှ ကိုယ့်အတွက်အဆင် ပြေလိမ့်မယ်။

အစိုးရတာဝန်ရှိသူတွေကိုကော ဘာလိုအကြံပြုချင်ပါသလဲ။

အစိုးရပိုင်းကတော့ အရမ်း အားနည်းတယ်လို့ ပြောရမှာပဲ။ ဒီရေယာဉ်က ဆွဲနေတာကြာပြီ။ အခုမှ နစ်တာမဟုတ်ဘူး။ ခဏ ခဏနစ်နေတာ။ လူသေတာနည်း တာနဲ့ များတာပဲကွာတယ်လေ။ အခုက လူသေတာ တော်တော် များလို့ အများက သတိထားမိ တာ။ ရေယာဉ်စည်းကမ်းထိန်း သိမ်းရေးကို တာဝန်ပေးထားရင် အဲဒီလူတွေကို လုပ်ပိုင်ခွင့်အပြည့် ပေးထားပါ။ စည်းကမ်းထိန်းသိမ်း ရေးအမည်ခံထားပြီး လုပ်ပိုင်ခွင့် မရှိရင်လည်း အဲဒီကောင်တွေကို ဘာမှပြောမရဘူး။ သူတို့ရဲ့အမိန့် နဲ့ အဲဒီသင်္ဘောက သွားနိုင်ရမယ်။ ဒါကြောင့် လုပ်ပိုင်ခွင့်အပြည့်ပေး ထားဖို့လိုတယ်။

ဒီဖြစ်စဉ်ကြောင့် သေဆုံး၊ နစ်နာ ခဲ့ကြရတဲ့သူတွေကိုယ်စား ဦးလေးဘက်က ဘယ်လိုများ ဖြစ်ချင်လဲ။ ဘာတွေ တောင်းဆိုချင်ပါသလဲ။

အခုဖြစ်ပျက်ခဲ့တဲ့ ပြဿနာ နဲ့ပတ်သက်လို့ တာဝန်ရှိတဲ့သူ တွေ၊ ရေယာဉ်မောင်းတွေကို တိ တိကျကျ၊ နောင်လူတွေ မြင်တဲ့အခါ မလုပ်ရဲအောင်လို့ ထိရောက် တဲ့ ဟန့်တားမှု၊ ထိရောက်တဲ့အ ရေးယူမှုတွေ ပေးစေလိုပါတယ်။

ဘာများဖြည့်စွက်ပြောချင်ပါ သေးလဲ။

နောက်ဒီလိုမဖြစ်ရအောင် စည်းကမ်းထိန်းသိမ်းရေးအပိုင်း က တာဝန်ရှိသူတို့က အမြဲကြပ် မတ်ပေးနေဖို့ပေါ့။ ဒီကိစ္စ ဒီမှာ တင်ပြီးမသွားဘဲ နောက်ဒီလို မဖြစ်အောင် ဘယ်လိုလုပ်ကြမလဲဆို တာကို ဝိုင်းဝန်းတွေးခေါ်ပြီးတော့ တာဝန်ရှိသူအဆင့်ဆင့်ကနေ တာဝန်ယူပြီး ဆောင်ရွက်ကြပါ။ ရေယာဉ်အသင်းက ပိုင်ရှင်တွေ ကလည်း လောဘမတက်ပါနဲ့။ တစ်သောင်းတန်တဲ့ လမ်းနဲ့ မကိုက်ရင် တစ်သောင်းခွဲတောင်း လိုက်ပါ။ မျှတအောင်တောင်းပါ။ ခရီးသည်တွေအနေနဲ့ကလည်း အန္တရာယ်ကင်းလောက်မယ့် အ နေအထားရှိမယ်ဆိုရင် တစ်သောင်းခွဲပေးစီးသင့်ရင် စီးလိုက် ကြပါ။
ကျေးဇူးတင်ပါတယ်။
7 Days