ကယားပြည်နယ် ဘောလခဲမြို့နယ် ချိကွဲ့ကျေးရွာအုပ်စုအနီးရှိ တောင်ယာမှ ပြန်လာသော နှမ်းစိုက်တောင်သူတစ်ဦးမှာ စက်တင်ဘာလ(၁၄)ရက်နေ့က မိုးသည်းထန်စွာ ရွာသွန်းခြင်းကြောင့် တောင်ကျချောင်းရေ နှင့်အတူ မျောပါ ပျောက်ဆုံး နေကြောင်းသိရသည်။
"အဲ့ဒီချောင်းက အစက ရေက နည်းနည်းပဲရှိတာ ဆိုင်ကယ်လည်းသွားလို့ရတယ်၊ ဒီမနက်မှ မိုးအရမ်းရွာတော့ တောင်ကျရေကျလာပြီး ရေစီးသန်လာတာ ။
ချောင်းကိုဖြတ်ဖို့ ဆိုင်ကယ်ကို ချောင်းဘေးမှာထားပြီး လူပဲကူးသွားရင်း မျောပါသွားတယ်လို့ ပြောတယ်။ချောင်းဘေးက တောင်ယာထဲက လူတွေလည်း တွေ့တယ်လေ"ဟု ဒေသခံတစ်ဦးက ပြောသည်။
.
မိုးသည်းထန်စွာ ရွာသွန်းမှုကြောင့် ဘောလခဲမြို့နယ် ချိကွဲ့ကျေးရွာနှင့် နန်းနောက်ကျေးရွာ ကြား၊ မိုင်တိုင်အမှတ် ၉/၂-၉/၃ကြားရှိ တောင်ကျချောင်းတွင် ရေများလာပြီး ရေစီးပြင်းထန်ခြင်းဖြစ်ကြောင်း၊ တောင်ယာထဲ နှမ်းခုတ်သွား သည့် ချိကွဲ့ကျေးရွာနေ ဦးတင့်ဇော် မှာ နှမ်းခုတ်ရန် နှီးများကို တောင်ယာသို့ သွားပို့ရင်း တောင်ကျ ချောင်းရေနှင့်အတူ မျောပါသွားခဲ့ခြင်း ဖြစ်ကြောင်း သိရသည်။
.
ဦးတင့်ဇော်မှာ တောင်ယာသို့ နှမ်းခုတ်ရာတွင် အသုံးပြုသည့် နှီးများ သွားပို့ရန် အလာတွင် ယခင်က တောင်ကျချောင်း မှာ ရေအနည်းငယ်သာရှိပြီး ယနေ့ မနက်တွင် မိုးသည်းထန်စွာရွာသွန်း ထားမှုကြောင့် တောင်ကျချောင်းရေမှာ အရှိန်ပြင်းစွာစီးနေပြီး ချောင်းတစ်ဖက်ကမ်းသို့ ဖြတ်ကူးရန် ဆိုင်ကယ်ကို ချောင်းစပ်ရပ်ထား၍ ၎င်းမှာ ချောင်းထဲဆင်းကာ ဖြတ်အကူးတွင် မျောပါသွားခြင်း ဖြစ်ကြောင်း ဒေသခံများထံမှ သိရသည်။
.
ရေးစီးထဲ မျောပါပျောက်ဆုံးနေသော ဦးတင်ဇော်အား ဘောလခဲမြို့နယ်ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ကျေးရွာအုပ်ချုပ်ရေးမှူးနှင့် ရွာသားများ ပိုက်စိပ်တိုက် ရှာဖွေခဲ့ရာ ဦးတင့်ဇော် ကိုင်ဆောင်ထားသော နှမ်းခုတ်ရာတွင်သုံးသည့် နှီးနှင့်မိုးကာအစသာ ရှာဖွေတွေ့ရှိရပြီး ဦးတင့်ဇော် အား ညအထိ ရှာဖွေတွေ့ရှိခြင်း မရှိသေးကြောင်းနှင့် ရေထဲမျောပါသူအား တွေ့ရှိရန် ဆက်လက်ရှာဖွေဆောင်ရွက်လျက်ရှိ ကြောင်းသိရှိရသည်။
သတင်း - ဆန်းဖြိုးထွန်း
Takchileik News
No comments:
Post a Comment