သွားဖုံးရောဂါအတွက် ဆေးစွမ်းကောင်းများ

RangonNewsDaily:: February . 23 .2016

သွားနဲ့ခံတွင်း ရောဂါဖြစ်တဲ့ သွားဖုံး နာခြင်း၊ ရောင်ရမ်းခြင်းနဲ့ သွေးထွက်ခြင်းတွေအတွက် အလွယ်တကူ ဆောင်ရွက်နိုင်တဲ့ ဆေးနည်းကောင်း အချို့ကို ဖော်ပြလိုက်ပါတယ်။

မုန့်ဖုတ် ဆိုဒါမှုန့်

play

မုန့်ဖုတ်ရာမှာသုံးတဲ့ ဆိုဒါမှုန့်ကို သွားဖုံးတစ်လျှောက် အသာအယာ ပွတ်လိမ်းပေးခြင်းဖြင့် သွားဖုံးရောဂါ သက်သာနိုင်ပါတယ်။ မုန့်ဖုတ် ဆိုဒါမှုန့်နဲ့ သွားတိုက်ပေးရင် သွားချေးတွေ ပြောင်စင်ပြီး ဖြူဖွေးတဲ့ သွားတွေ ဖြစ်စေပါတယ်။

ရှားဇောင်းလက်ပက်

play

သွားဖုံးနာတာ၊ သွားဖုံးကနေ သွေးထွက်တာတွေအတွက် ရှားဇောင်းလက်ပက်က သက်သာစေပါတယ်။ ရှားဇောင်းလက်ပက်ကို သွားဖုံးမှာ တစ်ပတ်တစ်ကြိမ် ကပ်ထားပေးခြင်း၊ ဖိသိပ်ပေးခြင်းက သွားဖုံးကျန်းမာရေး ကောင်းမွန်စေပါတယ်။

လေးညှင်းဆီ

play

သွားဖုံးကို လေးညှင်းဆီ သုတ်လိမ်းပေးနိုင်ပါတယ်။ သွားကိုက်ရင်လည်း လေးညှင်းဆီ သုံးလို့ရပါတယ်။ လေးညှင်းဆီက နာကျင်မှုကို သက်သာစေပါတယ်။ ဒါပေမဲ့ ခံတွင်းပိုင်း အရေပြားနဲ့ အမြှေးပါးတွေ ပျက်စီးစေတတ်တာကြောင့် အများကြီး မသုံးသင့်ပါဘူး။

နနွင်း

play

နနွင်းက ရောင်ရမ်းမှုနဲ့ အခြား ပိုးဝင်ခြင်းတို့ကို တိုက်ဖျက်နိုင်ပါတယ်။ သွားဖုံးရောဂါ ခံစားရသူတွေအတွက် နနွင်းက ဆေးစွမ်းကောင်း တစ်လက်ပါ။ နနွင်းကို သွားနဲ့ သွားဖုံးမှာ ပွတ်လိမ်းပေးနိုင်ပါတယ်။ တစ်နေ့ နှစ်ကြိမ် ပြုလုပ်ပေးရင် သွားနဲ့သွားဖုံး ရောဂါတွေ ဖြစ်ပွားမှု လျော့နည်းစေပါတယ်။

အုန်းဆီ

play

အုန်းဆီက သွားဖုံးအတွက် ကောင်းမွန်တဲ့ သဘာဝဆေးစွမ်းကောင်းပါ။ အုန်းဆီမှာ ပါဝင်တဲ့ Lauric အက်ဆစ်က ရောင်ရမ်းမှုကို သက်သာစေပါတယ်။ အိပ်ယာမဝင်မီ မိနစ် ၃၀ ခန့်အလိုမှာ သွားဖုံးကို အုန်းဆီ သုတ်လိမ်းပေးခြင်းက ခံတွင်းနဲ့ သွားဖုံးရောဂါတွေ ပျောက်ကင်းစေပါတယ်။
Source: LifeHack
Photo: KitchenSanity, The Daily Nexus, AuthorityNutrition

KOLATT(PBDN)

RangonNewsDaily