ရွှေပြည်သာ စက်မှုဇုန်(၃)၊ စက္ကူစက်ရုံရှိ စက္ကူပုံးခွံဟောင်းပုံမှ အပူလွန်ကဲပြီး မီးခိုးငွေ့များထွက်

RangonNewsDaily:: February . 19 .2016

ယနေ့နံနက် (၅)နာရီ (၁၅)မိနစ်တွင် ရန်ကုန်တိုင်းဒေသကြီး အင်းစိန်မြို့နယ်၊ ရွှေပြည်သာစက်မှုဇုန် (၃)၊ ဦးထွန်းညိုလမ်း၊ ရာစုသစ် စက္ကူစက်ရုံဝင်းထဲရှိ စက္ကူပုံးခွံဟောင်းများ ပုံထားသည့်နေရာမှ အပူလွန်ကဲ၍ မီးခိုးငွေ့များ ထွက်လာသဖြင့် မီးသတ်ကား (၁၀)စီးခန့်ဖြင့် Level – 1 အဆင့် သတ်မှတ်ပြီး ဝိုင်းဝန်းငြှိမ်းသတ်ခဲ့ကြောင်း သိရသည်။

ဓာတ်ပုံ - Zwe Yan Naing၊ နေမျိုးထွန်း

နံနက် (၆)နာရီခန့်တွင် မီးခိုးငွေ့များထွက်ရှိမှုကို ထိန်းနိုင်ခဲ့ပြီး မြန်မာနိုင်ငံ မီးသတ်တပ်ဖွဲ့မှ တပ်ဖွဲ့ဝင်များက အဆိုပါ မီးခိုးငွေ့ ထွက်ရှိရာ စက္ကပုံးခွံဟောင်းပုံများအား ရှင်းလင်းလျက်ရှိကြောင်း သတင်းရရှိသည်။

အင်းစိန်ပြန်/ဆက်

MOI Webportal Myanmar, KOLATT(PBDN)

RangonNewsDaily