RangonNewsDaily:: July . 20 .2015
၁၉၄၇ ခုနှစ် ဇူလိုင် ၁၃ ရက်တွင် ဗိုလ်ချုပ်အောင်ဆန်းသည် မြန်မာ့လွတ်လပ်ရေးအတွက် ဆောင်ရွက်ခဲ့မှုများ၊ ရှေ့ဆက်လုပ်ဆောင်မည့် ကိစ္စရပ်များကို လူထုသို့ တင်ပြသည်။ မြို့တော်ခန်းမရှေ့ မဟာဗန္ဓုလပန်းခြံတွင် လူထု အစည်းအဝေးကြီးတရပ် ကျင်းပကာ အောက်ပါ နောက်ဆုံးမိန့်ခွန်းကို မြွက်ကြားခဲ့သည်။
“ခင်ဗျားတို့ လွတ်လပ်ရေးကို လိုချင်ရင် လွတ်လပ်ရေး ရနိုင်လောက်တဲ့ စည်းကမ်းရှိကြပါ။ ညီညွတ်မှုကို ထိန်းသိမ်းထားပါ။ လွတ်လပ်ရေးကို လိုချင်ရင် လွတ်လပ်ရေးရနိုင်တဲ့ ထူထောင်မှုကို လုပ်ကြပါ။
:
အဲဒီလိုလုပ်ပြီးနောက် ရှေ့ကို လွတ်လပ်ရေး အရသာ ခံစားစံစားချင်တယ်ဆိုရင် အလုပ်လုပ်ကြဖို့ စည်းကမ်း ရှိကြဖို့ ယခုကတည်းက ခင်ဗျားတို့ကို အကျင့်ဆိုးတွေ အကျင့်ဟောင်းတွေ၊ သောက်ကျင့်တွေကို ပြင်ကြဖို့ လိုပြီဆိုတာ ကျနော် ကနေ့ပြောခဲ့ချင်တယ်” ဟု နောက်ဆုံး မိန့်ခွန်းပြောကြားခဲ့သည်။
:
ဇူလိုင် ၁၉ ရက်နေ့တွင် မျက်ရည်ဖြိုင်ဖြိုင် သွန်းဖြိုးခဲ့ရသည့် ပြည်သူများအနေဖြင့် ဗိုလ်ချုပ်နှင့် အာဇာနည် ခေါင်းဆောင်ကြီးများကို အစဉ် အောက်မေ့သတိရနေ သကဲ့သို့ ထိုခေါင်းဆောင်ကြီးများ အသက်ပေး ရယူခဲ့သည့် လွတ်လပ်ရေးကို ကာကွယ်စောင့်ရှောက်ရင်း ဒီမိုကရေစီပန်းတိုင်သို့ စည်းကမ်းရှိရှိ ညီညီညွတ်ညွတ်ဖြင့် အရောက် သွားနိုင်ရေးသည် နိုင်ငံသားတိုင်း၏ အရေးပင်ဖြစ်သည်။
ဧရာဝတီ::--KOLATT(PBDN)
RangonNewsDaily
“
No comments:
Post a Comment