ဘန်ကောက်မြို့အနီး ကားတိုက်မှု မြန်မာ ၂ ဦးသေ၊ ၁၅ ဦး ဒဏ်ရာရ

RangonNewsDaily: June . 3 .2014
တရားမ၀င် မြန်မာရွှေ့ပြောင်းအလုပ်သမား ၂၄ ယောက်ကို တင်ဆောင် လာတဲ့ ကားတစ်စီးဟာ ထိုင်းနုိုင်ငံ ဘန်ကောက်မြို့အ၀င်နားက ဘန်ဘော်မြို့မှာ ဒီနေ့မနက်ပိုင်းက ကားတိုက်မှုဖြစ်ပွားခဲ့လို့ မြန်မာနုိုင်ငံ သား ၂ ယောက်သေဆုံးပြီး ၁၅ ယောက် အပြင်းအထန် ဒဏ်ရာရခဲ့ကြတယ်လို့ သိရပါတယ်။
မြန်မာနုိုင်ငံသားတွေကို ခေါ်လာသူဟာ ထုိုင်းနုိုင်ငံသားဖြစ်ပြီး တံခါး ၄ ပေါက်ပါ VIGO ကားနဲ့ အမြန်မောင်းနင်ခဲ့ရာကနေ လမ်းဘေးမှာ ရပ်ထားတဲ့ ကားတစ်စီးကို အရှိန်လွန်ပြီး ၀င်တုိုက်ခဲ့ရာမှာ မြန်မာ အလုပ်သမားတွေ သေဆုံးဒဏ်ရာရခဲ့ကြ တာဖြစ်တယ်လို့ သိရပါတယ်။

ဒါနဲ့ပတ်သက်ပြီး ဘန်ဘော်မြို့နယ်ရဲစခန်းကို ဆက်သွယ်မေးမြန်းခဲ့ရာမှာ ဒီအမှုကိုကိုင်တဲ့ တာဝန်ရှိသူ မရှိကြောင်းသာ ဖြေကြားခဲ့ပါတယ်။

သေဆုံးဒဏ်ရာရခဲ့ကြတဲ့ မြန်မာရွှေ့ပြောင်းအလုပ်သမားတွေကို ဘန်ဘော်မြို့နယ်ဆေးရုံမှာ ဆေးကုသမှုပေးနေပြီး သူတို့အားလုံးဟာ တရားဝင်နေထိုင်အလုပ်လုပ်ကိုင်ခွင့် လက်မှတ်မရှိကြဘဲ သူတို့ကိုခေါ် လာတဲ့ ထုိုင်းနုိုင်ငံသားဟာလည်း ကားတိုက်မှုဖြစ်ပွားခဲ့အပြီးမှာ ထွက်ပြေး လွတ်မြောက် သွားတယ်လို့ သိရပါတယ်။

အလားတူပဲ မေလ ၃၁ ရက်နေ့ကလည်း မြန်မာနုိုင်ငံ ကော့သောင်းမြို့ ဘက်ကနေပြီး ထုိုင်းနုိုင်ငံ ရနောင်းမြို့ကို လူပွဲစားတွေကတဆင့် တရားမ၀င် ခိုးဝင်လာကြတဲ့ မြန်မာနုိုင်ငံသား ၆၆ ယောက်ကို ထိုင်းနယ်ခြားစောင့်တပ်ဖွဲ့ကနေ ဖမ်းဆီးရမိခဲ့တယ်လို့ ရနောင်းမြို့နယ် လူဝင်မှုကြီးကြပ်ရေး ဦးစီးဌာန က တာဝန်ရှိသူတစ်ဦးက ပြောပါတယ်။

“ အမျိုးသား ၅၉ ယောက်နဲ့ အမျိုးသမီး ၇ ယောက်ပါဝင်ပြီး အားလုံး ၆၆ ယောက်ဖမ်းဆီးရမိတာပါ၊ သူတို့အားလုံးဟာ တရားဝင်ခရီး သွားလာခွင့် လက်မှတ်တွေမရှိကြပါဘူး။ သူတို့ကို အခု ဖမ်းဆီး ထားတာကတော့ ခွင့်ပြုချက်မရဘဲ နိုင်ငံခြားသားတွေ တရားမ၀င် ခိုးဝင်လာမှုနဲ့ တရားစွဲဆိုထားပါတယ်” လို့ ပြောပါတယ်။

သူတို့အားလုံးဟာ ရနောင်းခရိုင် ကရပူရီမြို့နယ်အတွင်းက ဆီအုန်းခြံ တစ်ခုအတွင်းကနေ ကားနှစ်စီးနဲ့ ထိုင်းနုိုင်ငံအတွင်းပိုင်းထဲဝင်ပြီး ထိုင်းနုိုင်ငံသား လူပွဲစားနှစ်ဦးရဲ့ အစီအစဉ်နဲ့ ဆူရတ်ဌာနီမြို့ကို သွားတော့ မယ့်အချိန်မှာပဲ ထိုင်းနယ်ခြားစောင့်တပ်တွေက ဖမ်းဆီးရမိခဲ့တာလို့ သိရပါတယ်။

ဖမ်းဆီးခံခဲ့ရတဲ့ မြန်မာနုိုင်ငံသားတွေဟာ ထိုင်းနုိုင်ငံတွင်းမှာ လာရောက် အလုပ်လုပ်ကိုင်နိုင်ဖို့အတွက် လူပွဲစားတွေကို တစ်ယောက် ဘတ် ၃၀၀၀ ကနေ ဘတ် ၈၀၀၀ အထိ ပေးခဲ့ကြရတယ်လို့လည်း သိရပါတယ်။

RFA , KOLATT(PBDN)
RangonNewsDaily