မလေးရှား လေယာဉ်ကို လေယာဉ် ၃၅ စင်း၊ ရေယာဉ် ၃၀ စီးဖြင့် နိုင်ငံပေါင်း ၉ နိုင်ငံ ပူးပေါင်း ရှာဖွေသော်လည်း ပဟေဠိဆန်စွာ ပျောက်ဆုံးနေဆဲ

RangonNewsDaily: March . 11 .2014
ကွာလာလမ်ပူမှ တရုတ်နိုင်ငံ မြို့တော် ဘေဂျင်းသို့ ပျံသန်းသွားစဉ် ထူးဆန်းစွာ ပျောက်ဆုံးသွားသော မလေးရှား လေကြောင်းလိုင်းပိုင် ဘိုင်းအင်း ၇၇၇ ခရီးသည်တင် လေယာဉ်ကို ဒေသတွင်း နိုင်ငံပေါင်း ၉ နိုင်ငံ ပူးပေါင်းကာ လေယာဉ် ၃၄ စင်း၊ သင်္ဘော ၃၀ စီးတို့ဖြင့် သဲကြီးမဲကြီး ရှာဖွေလျက် ရှိသော်လည်း သုံးရက်နီးပါး ကြာချိန်အထိ ရှာဖွေ တွေ့ရှိခြင်း မရှိသေးကြောင်း နိုင်ငံတကာ မီဒီယာများ၏ ရေးသား ဖော်ပြချက်များအရ သိရသည်။ 
ခရီးသည် ၂၂၇ ဦးနှင့် လေယာဉ်အမှုထမ်း ၁၂ ဦး လိုက်ပါသွားသည့် အဆိုပါ လေယာဉ်သည် မတ်လ ၈ ရက်နေ့ နံနက် အစောပိုင်းက မလေးရှားနိုင်ငံမှ တရုတ်ပြည်သို့ ပျံသန်းသွားစဉ် ဗီယက်နမ်တောင်ပိုင်း ဒေသအရောက် အဆက်အသွယ် ပြတ်တောက် သွားခဲ့ခြင်း ဖြစ်ပြီး ယင်းလေယာဉ် ပျောက်ဆုံး မှုကို ဒေသတွင်း နိုင်ငံများသာမက နိုင်ငံတကာ မီဒီယာ အားလုံးနီးပါးက စိတ်ဝင်တစား အလေးအနက်ထား ဖော်ပြခဲ့ကြသည်။ 

ယင်းလေယာဉ်ကို အမြန်ဆုံး ရှာဖွေနိုင်ရေး အတွက် မလေးရှားနှင့်အတူ ဗီယက်နမ်၊ တရုတ်၊ စင်ကာပူ၊ အင်ဒိုနီးရှား၊ အမေရိကန် ပြည်ထောင်စု၊ ထိုင်း၊ သြစတြေးလျ၊ ဖိလစ်ပိုင်နှင့် နယူးဇီလန်တို့ အတူတကွ ပူးပေါင်း လုပ်ဆောင်လျက် ရှိသော်လည်း သုံးရက်နီးပါးမျှ ကြာမြင့်လာချိန် (တနင်္လာနေ့ ညပိုင်း) အထိ တစ်စုံတစ်ရာ တွေ့ရှိခြင်း မရှိခဲ့ပေ။

“လူကြီးမင်းတို့ခင်ဗျာ၊ ကံမကောင်းစွာပဲ ပျောက်ဆုံးနေတဲ့ လေယာဉ်နဲ့ ဆက်စပ်တဲ့ အရာတစ်ခုတလေမျှ ကျွန်တော်တို့ ရှာဖွေ မတွေ့ရှိခဲ့ပါဘူး” ဟု မလေးရှား အရပ်ဘက် လေကြောင်းဌာန ညွှန်ကြားရေးမှူး အဇာဒင်အပ္ပဒူရာမန်က ပြောကြားသည်။ 

ယမန်နေ့ (တနင်္ဂနွေ) ညပိုင်းက မီဒီယာအချို့တွင် ပျောက်ဆုံးနေသော အဆိုပါ လေယာဉ်၏ တံခါးချပ် တစ်ခုကို တွေ့ရှိပြီ ဖြစ်သည်ဟု သတင်းများ ဖော်ပြခဲ့ကြသော်လည်း ယင်းသတင်းသည် ဟုတ်မှန်မှု မရှိကြောင်း ဗီယက်နမ် အာဏာပိုင်များက ငြင်းဆိုခဲ့ကြောင်း ၎င်းကဆိုသည်။

“အဲဒီသတင်းကို ဗီယက်နမ်နိုင်ငံက အရာရှိကြီးတွေက အတည်ပြုပေးခြင်း မရှိခဲ့ပါဘူး။ နောက်ပြီးတော့ လေယာဉ်ပျံရဲ့ အမြီးပိုင်းကို တွေ့တယ်ဆိုတဲ့ သတင်းတစ်ပုဒ်လည်း ထွက်လာပါသေးတယ်။ အဲဒီသတင်းလည်း မှန်ကန်မှု မရှိပါဘူး” ဟု ၎င်းက အတည်ပြု ပြောကြားသည်။ 

ယမန်နေ့က ဗီယက်နမ်နိုင်ငံ တောင်ပိုင်း ထိုင်းပင်လယ်ကွေ့ အတွင်း ရေပြင်ပေါ်တွင် လောင်စာဆီကွက်ကြီး တစ်ခုကို တွေ့ရှိခဲ့၍ ယင်းလောင်စာဆီ နမူနာကို စုံစမ်းစစ်ဆေး ကြည့်ရာ၌ လေယာဉ်လောင်စာ မဟုတ်ဘဲ ကုန်တင်သင်္ဘောများ အတွက် အသုံးပြုသော လောင်စာ အမျိုးအစား ဖြစ်နေသည်ကို တွေ့ရှိရကြောင်း အာဏာပိုင်တို့က သတင်းထုတ်ပြန်သည်။ 

အဆိုပါ လေယာဉ် ပျောက်ဆုံးမှုကို မစ္စတာ အဇာဒင်အပ္ပဒူရာမန်က ကြုံတောင့် ကြုံခဲ ဖြစ်သော လေကြောင်း ပဟေဠိပုစ္ဆာ အဖြစ် သတ်မှတ် ပြောဆိုသည်။ 

ပျောက်ဆုံးနေသည့် လေယာဉ်ပေါ်တွင် တရုတ်လူမျိုး ခရီးသည် အများဆုံး ပါဝင်လျက်ရှိပြီး တရုတ်မီဒီယာများက မလေးရှားနိုင်ငံသည် လေယာဉ် ရှာဖွေသည့် လုပ်ငန်းစဉ်ကို အလေးအနက်ထား လုပ်ဆောင်ခြင်း မရှိဟု ဝေဖန် ရေးသားကြသည်။ 

CNN သတင်းဌာန၏ ရေးသား ဖော်ပြချက်အရ လေယာဉ် ပျောက်ဆုံးမှုနှင့် ပတ်သက်၍ ပညာရှင်များသည် ရှုထောင့် ပေါင်းစုံမှ ဖြစ်နိုင်ခြေများ အားလုံးကို ထည့်သွင်း တွက်ချက်လျက် ရှိသည်။ 

မလေးရှား အရပ်ဘက် လေကြောင်း ဌာနကမူ ယင်းလေယာဉ်ပေါ်တွင် ပါရှိသွားသော ခရီးသည်များ၏ ဆွေမျိုးသားချင်းများ အနေနှင့် အဆိုးဆုံး အတွက် ပြင်ဆင်ထားရန် တိုက်တွန်း ပြောဆိုပြီး ရှာဖွေမှုများကို ပြင်းပြင်းထန်ထန် လုပ်ဆောင်သွားမည် ဖြစ်သည်ဟု ကြေညာသည်။ 

အဆိုပါ ဖြစ်ရပ်ကြောင့် အာရှဒေသတွင် အကြီးဆုံး လေကြောင်းလိုင်း တစ်ခုဖြစ်သော မလေးရှား လေကြောင်း၏ အစုရှယ်ယာ တန်ဖိုးမှာ တနင်္လာနေ့တွင် ၁၈ ရာခိုင်နှုန်း ကျဆင်းသွားကြောင်း The Star သတင်းစာက ရေးသား ဖော်ပြသည်။

The Voice , kolatt(PBDN)
RangonNewsDaily