အင်းစိန်မြို့နယ် ဖော့ကန်ရပ်ကွက်အတွင်းရှိ နေအိမ် ၁၆ လုံး မီးလောင်ကျွမ်းမှု ဖြစ်ပွား

RangonNewsDaily: March . 13 .2014
အင်းစိန်မြို့နယ် ဖော့ကန်ရပ်ကွက် ရှမ်းစု (၁) လမ်းအတွင်းရှိနေအိမ်များ မတ် ၁၂ ရက် ညနေ ၅ နာရီဝန်းကျင်တွင် မီးလောင်ကျွမ်းမှု ဖြစ်ပွားခဲ့ကြောင်း သိရသည်။
ယင်းရပ်ကွက်ရှိ အိမ်ရှင်ဦးစိန်ဝင်းမြင့်၏ နေအိမ်မှ စတင်လောင်ကျွမ်းခဲ့ရာ လူနေအိမ်စုစုပေါင်း ၁၆ လုံး မီးလောင်ကျွမ်းပျက်စီးခဲ့ပြီး ပျဉ်ထောင်အိမ်လေးလုံး၊ တိုက်ခံအိမ် ၁၂ လုံး ပါဝင်ကြောင်း သိရသည်။

မီးလောင်မှု အကြောင်းအရင်းကို ရန်ကုန်တိုင်းဒေသကြီး ရဲတပ်ဖွဲ့မှူးရုံး၏ သတင်းထုတ်ပြန်မှုတွင် အိမ်ရှင်ဦးစိန်ဝင်းမြင့်၏ သားဖြစ်သူ ကိုနိုင်ဝင်းထွန်း (ခ) ဖိုးသကြားသည် နေအိမ်အပေါ်ထပ်၌ ခြင်ဆေးခွေထွန်းရာတွင် အောက်ခံအဖြစ် အသုံးပြုသည့် ကော်ခွက်အတွင်းသို့ သောက်လက်စဆေးလိပ်ကို မီးမငြှိမ်းဘဲ ထားခဲ့ရာမှ မီးစတင်လောင်ကျွမ်းခဲ့ခြင်းဖြစ်ကြောင်း ထုတ်ပြန်ခဲ့သည်။

တစ်နာရီခန့်ကြာ လောင်ကျွမ်းခဲ့သည့် ယင်းဖြစ်စဉ်တွင် မီးအရှိန်မြင့်မားမှုကြောင့် အဆိုပါရပ်ကွက်တစ်ခုလုံး လျှပ်စစ်မီး ဖြတ်တောက်ခဲ့ရသည်။ ထို့ပြင် အင်းစိန်မြို့နယ် အောက်မင်္ဂလာဒုံ လမ်းမကြီးတစ်လျှောက် အချိန်နာရီဝက်ကြာမြင့်စွာ ယာဉ်ကြောပိတ်ဆို့မှုများလည်း ဖြစ်ပေါ်ခဲ့သည်။

“မီးလောင်တာကတော့ အတော်များတယ်။ မီးလောင်တဲ့အချိန် လေကလည်းတိုက်တော့ မီးစတွေကို ပင့်ပေးသလို ဖြစ်တယ်။ အခုတော့ သက်ဆိုင်ရာ ရဲတပ်ဖွဲ့ဝင်တွေ ရပ်ကွက်အုပ်ချုပ်ရေး အဖွဲ့တွေက မီးလောင်မှုဖြစ်တဲ့ နေရာတွေကို ၀င်ရောက်ခွင့်တွေ ယာယီတားမြစ်ထားပါတယ်။ အိမ်ရှင်တွေကိုပဲ ပစ္စည်းတွေသိမ်းဖို့ ၀င်ခွင့်ပြုထားတယ်။ အိမ်တွေက ကပ်နေတော့ မီးလောင်မှုဖြစ်ရင် မီးကူးတာလွယ်တယ်” ဟု မီးလောင်မှုကို ကိုယ်တိုင်မြင်တွေ့သူ အမျိုးသားတစ်ဦးက ပြောကြားသည်။

မီးလောင်မှုဖြစ်စဉ်ကို မြို့နယ်အသီးသီးရှိ မီးသတ်ဌာနမှ မီးသတ်ကား ၄၆ စီးဖြင့်လာ ရောက်ငြှိမ်းသတ်ခဲ့ရပြီး မီးလောင်မှုကြောင့် ထိခိုက်ဒဏ်ရာရသူ တစ်ဦးမျှ မရှိကြောင်း မီးသတ်အရာရှိ တစ်ဦးထံမှ သိရသည်။

မီးလောင်ကျွမ်းခဲ့သော နေအိမ် ၁၆ လုံးမှ အိမ်ထောင်စုများကို ၀ါဦးပရိယတ္တိ စာသင်တိုက်တွင် ကယ်ဆယ်ရေးစခန်း ယာယီဖွင့်လှစ်ကာ နေရာချထားပေးနိုင်ရေး ဆောင်ရွက်လျက်ရှိကြောင်း သိရသည်။

“လက်ရှိတော့ မီးလောင်မှုကြောင့် ဒုက္ခရောက်ခဲ့တဲ့ သူတွေရဲ့ စာရင်းလိုက်ကောက်နေပါတယ်။ သူတို့ကို ဒုက္ခသည်စခန်း ဖွင့်ပြီးထား ရှိထားပါတယ်။ ဖြစ်စဉ်ကျူးလွန်သူကိုလည်း အရေးယူ ဆောင်ရွက်နေပါပြီ” ဟု အင်းစိန်မြို့မရဲစခန်းမှူး ဒုရဲမှူးမောင်မောင်ဦးက မတ် ၁၂ ရက် ည ၁၀ နာရီ မိနစ် ၃၀ ခန့်က ဆိုသည်။

အဆိုပါဖြစ်စဉ်ကို အင်းစိန်မြို့မရဲစခန်းမှ မီးပေါ့ဆစွာသုံးသူ ကိုနိုင်ဝင်းထွန်း (ခ)ဖိုးသကြားကို (ပ) ၂၃၈/၂၀၁၄၊ ပုဒ်မ ၂၈၅ ဖြင့် အမှုဖွင့်အရေးယူ ဆောင်ရွက်သွားမည်ဖြစ်ကြောင်း ရဲတပ်ဖွဲ့မှူးရုံး၏ သတင်းထုတ်ပြန်ချက်တွင် ဖော်ပြထားသည်။

မီးလောင်ကျွမ်းမှု ဖြစ်ပွားခဲ့သည့် နေအိမ်များကို တွေ့ရစဉ် (ဓာတ်ပုံ-ဝေလင်းအောင်)

Eleven Media , kolatt(PBDN)
RangonNewsDaily