 |
မြန်မာနုိုင်ငံကို ငြိမ်းချမ်းသာယာဝပြောတဲ့ နုိုင်ငံအဖြစ် မြင်လိုကြတယ်ဆိုရင် သူတစ်ပါးက လာရောက်ကြိုးပမ်းပေးမှာကို မျှော်လင့်မနေကြပဲ နုိုင်ငံသားတစ်ဦးချင်းစီက ၀ိုင်းဝန်းကြိုးပမ်းကြဖို့ လိုအပ်ကြောင်း အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ဒီနေ့ ပြောပါတယ်။မန္တလေးမြို့ Mandalay Hill Resort ဟုိုတယ်မှာ ဒီနေ့ ၂ ရက်မြောက်နေ့အဖြစ်ကျင်းပတဲ့ ဧရာဝတီ စာပေပွဲတော်မှာ “စကားစမြည်” လို့ အမည်ပေးထားတဲ့ ဆွေးနွေးခန်းမှာ ဒေါ်အောင်ဆန်းစုကြည်က ပြောခဲ့တာပါ။ စာပေပွဲတော် ဦးဆောင်ဆွေးနွေးသူ Mrs. Dame Joan Bakewell က မြန်မာနုိုင်ငံရဲ့ အနာဂတ်နဲ့ ပတ်သက်ပြီး ဘယ်လိုမြင်ချင်ပါသလဲလို့မေးရာမှာ ဒေါ်အောင်ဆန်းစုကြည်က အခုလို ဖြေကြားခဲ့ပါတယ်။
မြန်မာနုိုင်ငံသားတွေကို နားလည်စေချင်တာက တုိုင်းပြည်ငြိမ်းချမ်းပြီး သာယာဝပြောတဲ့ နုိုင်ငံဖြစ်ဖို့ဆုိုရင် တစ်ပါးသူတစ်ဦးဦးက လာရောက်ကြိုးစားပေးမယ်လို့ မျှော်လင့်မနေဘဲ အပြောင်းအလဲအတွက် နိုင်ငံသား တစ်ဦးချင်းစီရဲ့ ကြိုးပမ်းအားထုတ်မှုကို တိုင်းပြည်အတွက် ပေးအပ်ဖို့လိုအပ်ကြောင်း၊ လူတုိုင်းမှာ တုိုင်းပြည်အတွက် တာဝန်ကိုယ်စီရှိကြောင်း၊ အများအတွက် စဉ်းစားတတ်တဲ့ တာဝန်သိစိတ်ရှိဖို့ လိုအပ်ကြောင်း ဒေါ်အောင်ဆန်းစုကြည်က ပြောခဲ့တာပါ။
ဒီကနေ့ ဆွေးနွေးပွဲမှာ ဒေါ်အောင်ဆန်းစုကြည်နဲ့ ဆွေးနွေးခန်းဟာ ၁ နာရီနီးပါး ကြာမြင့်ခဲ့ပြီး သမုိုင်းပညာရှင် ဒေါက်တာ ဦးသန့်မြင့်ဦးကလည်း တရုတ်နဲ့ အိန္ဒိယနုိုင်ငံတို့ဆုံရာ ဆိုတဲ့ မြန်မာနုိုင်ငံရဲ့ ထူးခြားတဲ့ ပထ၀ီနုိုင်ငံရေး စာအုပ်အကြောင်း ဟောပြောခဲ့ပါတယ်။
ဖေဖေါ်ဝါရီလ ၁၄ ရက်နေ့ကနေ မနက်ဖြန် ဖေဖေါ်ဝါရီလ ၁၆ ရက်နေ့အထိ ၃ ရက်ကြာ ကျင်းပနေတဲ့ ဧရာဝတီ စာပေစကားဝိုင်းကို ပြည်တွင်း ပြည်ပ စာရေးဆရာတွေ နယ်ပယ်အသီးသီးက ပညာရှင်တွေ စုစုပေါင်း ၅၄ ဦး တက်ရောက် ဆွေးနွေးနေကြတာ ဖြစ်ပါတယ်။
RFA Burmese , kolatt(PBDN)
RangonNewsDaily
No comments:
Post a Comment