၂၂ နှစ်ဆိုတာ . . . (ဆောင်းပါ; ဒုတိယပိုင်း)

RangonNewsDaily:: Aug 3, 2013
(ဓာတ်ပုံ - ၁၉ . ၈ . ၈၈  ရက်နေ့ထုတ် လွတ်လပ်ရေး နေ့စဉ်သတင်းစာ)ယမန်နေ့မှအဆက်

"၂၂ နှစ်ဆိုတာ" ဆောင်းပါးကို ၂၀၁၀ က ရေးပါတယ်။ အဲဒီအချိန်က အရမ်းတင်းကျပ်တဲ့ အချိန်ဆိုတော့ ကျွန်တော့်ရဲ့ Facebook မှာပဲ တင်ဖြစ်ပါတယ်။ အဲဒီတုန်းက သူငယ်ချင်း ၃၀-၄၀ လောက်ပဲ ဖတ်ရပါတယ်။ ၂၀၁၁ မှာ အဆက်နည်းနည်း ရေးဖြစ်ပါတယ်။ အဲဒီကျမှ ဒီဆောင်းပါးကို Publicize လုပ်ဖြစ်ပါတယ်။

အခု ၂၀၁၃ မှာ ၂၅ နှစ်ပြည့်မှာ အဆက်ရေးဖို့ ကြိုးစားသွားပါမယ်။ ဒါကို The Daily Eleven သတင်းစာမှာ နေ့

စဉ် (သို့မဟုတ်) ရက်ခြား (သို့မဟုတ်) အလျဉ်းသင့်သလို ဖော်ပြပေးသွားပါမယ်။ 

- စာရေးသူ(၆)၁၇-၈-၈၈
ဒီနေ့ရှေ့နေတွေထွက်လာလိမ့်မယ်လို့သတင်းရတယ်။ ရှေ့နေအယောက် ၃၀ လောက် ထွက်လာပြီး ဆန္ဒပြ

ကျောင်းသား၊ သံဃာတွေနဲ့ ပေါင်းမယ်။ ဆေးရုံကြီးရှေ့က ဖြတ်လိမ့်မယ်။ ကျွန်တော်နဲ့ ဆေးကျောင်းသားတ

ချို့ ပြင်ဆင်နေကြပြီ။ကျွန်တော်ဂျူတီကုတ်နဲ့ နားကြပ်ကိုယူလာခဲ့တယ်။ ရှေ့နေအဖွဲ့ ဆေးရုံကြီးရှေ့ရောက်

တာနဲ့ ကျွန်တော်ဂျူတီကုတ်ကို ၀တ်လိုက်ပြီးနားကြပ်ကိုလည်ပင်းမှာချိတ်လိုက်တယ်။ ကျောင်းသားတွေရံပြီး

စင်ပေါ်တက်လာတယ်။ 

ကျွန်တော် ဒေါက်တာ - - ဘယ်သူပါလို့ မိတ်ဆက်လိုက်တယ်။ အားလုံးက အံ့အားသင့်သွားတယ်။ အဲဒီအချိန်

မှာ နာမည်နဲ့ တက်တရားဟောတဲ့သူ မရှိသေးဘူးလေ။ တရားဟောပြီးတဲ့အချိန် ဆေးရုံကြီးက ဆရာဝန်တွေ

နဲ့ သူနာပြုတွေကို ကျွန်တော်တို့နဲ့အတူ ဆန္ဒပြဖို့ ဖိတ်ခေါ်တယ်။ ကြိုစည်းရုံးထားသူ အချို့အပြင် လူ ၅၀

လောက် လိုက်လာကြတယ်။ 

ဆရာဝန်တွေ ဆန္ဒပြပြီဆိုတဲ့သတင်းကတစ်မြို့လုံးကို ပျံ့နှံ့သွားတယ်။အဲဒီတုန်းက ဆရာဝန်ဆိုတာ လူ့အဖွဲ့

အစည်းမှာ လေးစားမှုအခံရဆုံး ပုဂ္ဂိုလ်တွေ။ ခေါင်းဆောင်ဆိုတာ မရှိတော့ လူ့အဖွဲ့အစည်းမှာ အလေးစား

ဆုံးခံရတဲ့ ပုဂ္ဂိုလ်တွေဟာ အဆုံးအဖြတ် ဖြစ်စေခဲ့ပါတယ်။ 

လမ်းဘေးက ကြည့်နေတဲ့သူတွေ အများကြီး လိုက်လာကြပြီး ၂၆ လမ်းကနေ ၈၄ လမ်း ဘုရားကြီး ၄၅ တာ

ကို ကျွန်တော်တို့ ချီတက်သွားတယ်။ လမ်းမှာ ၄၊ ၅ ခါလောက် ကျွန်တော်တရားဟောတယ်။ ကျွန်တော်က ၀န်ထမ်းတွေပါဝင်တဲ့ အထွေထွေ သပိတ်ကြီးလုပ်ဖို့ ဖိတ်ခေါ်တယ်။ 

လူတန်းစားတွေအားလုံး ပါဝင်တဲ့ သပိတ်ဆင်နွှဲဖို့ လိုလာပြီလို့ တရားဟောတယ်။လမ်းမှာရှိတဲ့အစိုးရရုံးတွေ

၊ စက်ရုံတွေက အလုပ်သမားတွေ၊ ၀န်ထမ်းတွေ ၀တ်စုံတွေနဲ့ လိုက်လာကြတယ်။ ယာဉ်ထိန်းရဲတွေ၊ ရဲတချို

့တွေပါ ပါလာကြတယ်။ ဘုရားကြီး ၄၅ တာမှာ လူတစ်သိန်းနီးပါး စုမိတယ်။ 

အဲဒီမှာ ကျွန်တော်တရားဟောတယ်။ မန္တလေးမှာ ဆရာဝန်တွေ၊ ၀န်ထမ်းတွေ ဆန္ဒပြပြီဆိုတဲ့ သတင်းဟာ

မြန်မာတစ်ပြည်လုံး ပြန့်သွားတယ်။ နယ်မြို့တွေမှာအားလုံးလိုက်လုပ်ကြပြီ။အဖိခံထားရတဲ့ ရန်ကုန်မှာ အား

သစ်တွေ ၀င်လာကြတယ်။ 

မကြာမီမှာ မဆလအစိုးရဟာ စစ်အုပ်ချုပ်ရေးကို ရုပ်သိမ်းလိုက်တယ်။ ဦးအောင်ကြီး အပါအ၀င် ဖမ်းထားတဲ့

ခေါင်းဆောင်တွေလွှတ်ပေးလိုက်တယ်။ရန်ကုန်မှာလူတန်းစားပေါင်းစုံ ပါဝင်လာတဲ့အထွေထွေသပိတ် ဆင်နွှဲ

တယ်။ဝန်ကြီးချုပ်ဦးနုထွက်ပေါ်လာတယ်။ သြဂုတ်၂၆ရက်မှာ ဒေါ်အောင်ဆန်းစုကြည် ပေါ်ထွက်လာခဲ့တယ်။

(မနှစ်က ၂၂ နှစ်ဆိုတာရဲ့ အဆက်ကို ဒီနှစ် ၂၀၁၁ ၊ သြဂုတ်လ ၈ ရက်တစ်နှစ်ပြည့်တဲ့ အချိန်ကျမှ ဆက်ရေး

ဖြစ်ပါတယ်။)

(၁)
၁၉၈၈၊ သြဂုတ် ၁၀ ရက်က ကျွန်တော် ဆရာဝန်တစ်ဦးပါဆိုပြီး မန္တလေး လမ်း ၈၀ ပေါ်မှာ တရားတက်ဟော

တဲ့နေ့က ကျွန်တော့်ရဲ့ဆူပွက်လာတဲ့သွေးတွေ သြဂုတ် ၁၇ ရက်မှာ နာမည်ထုတ်ပြောပြီး စင်ပေါ်တက်တဲ့ ဆူ

တက်လာတဲ့ သွေးတွေဟာ အသက် ၂၅ နှစ်အရွယ် လူငယ်တစ်ယောက်အတွက် သိပ်မဆန်းပေမယ့် အခုလို အသက်နှစ်ဆလောက် ရှိတဲ့အချိန်မှာ ဒီလိုသွေးတွေ ဆူလာတာတော့ ထူးဆန်းနေပါသေးတယ်။

ကျွန်တော့်သွေးတွေ လွန်ခဲ့တဲ့ အနှစ် ၂၀ ကျော်ကလို ဆူပွက်လာခဲ့တယ်။ အမျိုးသား ပြန်လည်စည်းလုံး ညီညွတ်ရေးအတွက် လုပ်ဆောင်သင့်တဲ့ အရာတွေအားလုံးကို လုပ်ဆောင်ပြီး နိုင်ငံတကာ အသိုင်းအ၀ိုင်းအတွင်းကို ၀င်ရောက်ဖို့ အစိုးရရော၊ အတိုက်အခံကိုပါ ကျွန်တော်တိုက်တွန်းလိုက်တယ်။ ဒီနှစ်အတွင်း ကျွန်တော်တို့နိုင်ငံမှာ အပြောင်းအလဲ မဖြစ်ခဲ့ရင်၊ တံခါးတွေ ဖွင့်မထားခဲ့ရင်၊ ကျွန်တော်တို့ မညီညွတ်ခဲ့ရင် . . . . .

၂၀၁၁ ဇွန် ၇ ရက် Eleven Media Group ရဲ့ ၁၁ နှစ်မြောက်နေ့မှာ ကျွန်တော်ပြောတဲ့ မိန့်ခွန်းဟာ လွန်ခဲ့တဲ့ ၂၃ နှစ်တုန်းကလူငယ်တစ်ဦးလို ပြန်ဖြစ်သွားတော့တာပါပဲ။အစက ပြောမယ်လို့ စာရွက်ထဲမှာ အကြမ်းမှတ်

ထားတာကတခြား ပြောလိုက်မိတာက တခြားပါ။ အစကတော့အစိုးရကိုတံခါးဖွင့်ပေးဖို့တိုက်ရိုက်ပြောဖြစ်ဖို့ 

မပါပါဘူး။

အဲဒီအချိန်ကျွန်တော်မျက်စိထဲမှာ မြင်နေတာက ကျွန်တော့်ရဲ့ရှေ့က ပရိသတ် မဟုတ်ဘူး။ တခြားနိုင်ငံ အနှံ့

အပြားမှာထွက်ပြီး အောက်ကျနောက်ကျ အလုပ်လုပ်နေရတဲ့ ကျွန်တော်တို့ရဲ့ လူငယ်၊ လူရွယ်တွေ နာဂစ်

မုန်တိုင်းအပြီး ရွာတွေသွားတဲ့အခါ လူစင်စစ်ကနေ တိရစ္ဆာန်ထက် နည်းနည်းသာတဲ့ ဘ၀မှာ နေထိုင်ရတဲ့ ရွာတွေက ဆင်းရဲတဲ့ ပြည်သူတွေ၊ နှစ် ၅၀ စစ်အာဏာရှင် ဘ၀ကနေ နှစ် ၅၀၀ လောက် တရုတ်ရဲ့ ကိုလိုနီ

တစ်ပိုင်းဘ၀နဲ့ နေရမယ့်ကျွန်တော်တို့နိုင်ငံရဲ့အနာဂတ်တွေဟာ ကျွန်တော့်ရဲ့ သွေးတွေကို ဆူပွက်လာစေ

ခဲ့ပါတယ်။

ဧရာဝတီမြစ်ဆိုတဲ့ မြန်မာနိုင်ငံရဲ့ သမိုင်းဝင်မြစ်ကို လက်ညှိုးထိုး ရောင်းစားခံနေရတဲ့ ကျွန်တော်တို့နိုင်ငံ အခြေအနေ၊ ကြွေးတင်ကျွန်ဖြစ်ဆိုတဲ့ စကားဟာ ကျွန်တော်တို့ နိုင်ငံအတွက်တော့ နှစ် ၂၀ အတွင်း မရိုးတဲ့ စကားပုံပါ။ ၁၉၉၅ ၀န်းကျင်က အတိုးမဲ့ချေးငွေဆိုပြီး ၀ယ်ခဲ့တဲ့ တရုတ်သကြားစက်တွေ အခုဘာဖြစ်နေပြီလဲ။

 ဒေါ်လာ သန်း ၂၀၀ ပေးရတဲ့ ဒီစက်ရုံတွေလိုပဲ တရုတ်ရဲ့ အတိုးမဲ့ချေးငွေ အားလုံးဟာ တန်ဖိုးတစ်ဝက်သာ

ရှိတဲ့ သူတို့ရဲ့ စက်ရုံအစုတ်တွေကို ဒီမှာလာဆင်ပြီး ရောင်းတာပါ။ ဘယ်နိုင်ငံက ကုမ္ပဏီတွေမှာမှ မရှိတဲ့ ပွဲခ

ကို တရားဝင်ပေးပြီး သက်ဆိုင်ရာ အစိုးရကို လာဘ်ထိုးတာ၊ တရုတ်ကုမ္ပဏီတွေဟာ တရုတ်အစိုးရရဲ့တရား

ဝင် ခွင့်ပြုချက် ရနေသလားဆိုတာ စဉ်းစားစရာပါပဲ။ 

ပွဲခ (သို့)တရားဝင်လာဘ်ငွေဟာ Project တွေ ချေးငွေတွေရဲ့ရာခိုင်နှုန်း၂၀ နီးပါးအထိရှိနေတော့ဒီတိုင်းပြည်

မှ မမွဲရင် ဘယ်တိုင်းပြည်မွဲပြီး ကျွန်ဖြစ်မှာလဲ။ မြန်မာနိုင်ငံရဲ့ သယံဇာတ ရာခိုင်နှုန်း ၆၀ ကို တရားဝင် (သို့) တရားမ၀င်နည်းနဲ့ တူးဖော်သုံးစွဲခွင့် ရနေတာက တရုတ်နိုင်ငံပါ။

 မြန်မာနိုင်ငံ အတွင်းက လေဆိပ်မှန်သမျှ၊ ဆိပ်ကမ်းအတော်များများကို လုပ်ငန်းလုပ်ကိုင်ခွင့်ရတဲ့ ကုမ္ပဏီက တရုတ်အစိုးရနဲ့ ရင်းနှီးတဲ့ ကုမ္ပဏီ။ မြန်မာနိုင်ငံရဲ့ အ၀င်အထွက် သတင်းတွေကို တရုတ်အစိုးရ ရတာမထူး

ဆန်းသလို မြန်မာနိုင်ငံ အတွင်းမှာ အပ်ကျတာကအစ တရုတ်တွေ သိနေပါတယ်။

 မြန်မာနိုင်ငံ အတွင်းမှာ ပြဿနာပေါ်လာတိုင်း တရုတ်အစိုးရ ရောက်ရောက်လာတာ။ အစကတော့ နိုင်ငံတ

ကာ အသိုင်းအ၀ိုင်းကြောင့်လို့ ထင်ရပေမယ့် မြန်မာနိုင်ငံအတွင်း အစိုးရနဲ့ အတိုက်အခံ ပြေလည်နိုင်ပြီဆိုရင် သူတို့မြှောက်ပေးတတ်တဲ့ သတင်းတွေကြောင့် နှစ်ပေါင်း ၂၀ အတွင်းမှာ တရုတ်အစိုးရဟာ မြန်မာနိုင်ငံရေး

ကို ထင်သလို ခြယ်လှယ်နေသလားလို့တောင် စဉ်းစားစရာ ရှိပါတယ်။ 

အရှင်းဆုံး ပြောရရင် တရုတ်အစိုးရဟာ မြန်မာနိုင်ငံကို Satellite State တစ်ခုအဖြစ်မဟာဗျူဟာမြောက် ထား

ရှိပြီး မဟာဗျူဟာမြောက်မဟာမိတ်လို့သမ္မတဦးသိန်းစိန် ခရီးမှာ သုံးနှုန်းခဲ့တာ ကျွန်တော်တို့အတွက် အရမ်း

စိုးရိမ်စရာပါပဲ။အဲဒီခရီးစဉ်အတွင်းသမ္မတဦးသိန်းစိန်နဲ့ တွေ့တဲ့ သမ္မတဟူကျင်တောင်ရဲ့ မျက်နှာပေး၊ ဆက်

ဆံပုံက ကျွန်တော့်ရင်ကို နာကျင်စေပါတယ်။ ကျွန်တော်တို့ဟာ သူတို့ရဲ့ . . .ကျွန်တော့်သွေးတွေ လွန်ခဲ့တဲ့

 အနှစ် ၂၀ ကျော်ကလို ဆူပွက်လာခဲ့တယ်။ 

အမျိုးသား ပြန်လည်စည်းလုံးညီညွတ်ရေးအတွက်လုပ်ဆောင်သင့်တဲ့အရာတွေအားလုံးကိုလုပ်ဆောင်ပြီး နိုင်

ငံတကာ အသိုင်းအ၀ိုင်းအတွင်းကို ၀င်ရောက်ဖို့ အစိုးရရော၊ အတိုက်အခံကိုပါ ကျွန်တော်တိုက်တွန်းလိုက်

တယ်။ ဒီနှစ်အတွင်း ကျွန်တော်တို့နိုင်ငံမှာ အပြောင်းအလဲ မဖြစ်ခဲ့ရင်၊ တံခါးတွေ ဖွင့်မထားခဲ့ရင်၊ ကျွန်တော်

တို့ မညီညွတ်ခဲ့ရင် ကျွန်တော်တို့ ကျွန်ဖြစ်တော့မယ်။ 

ကျွန်တော်တို့ နိုင်ငံကို ကာကွယ်ဖို့၊ ကျွန်တော်တို့ သမိုင်းကို ကာကွယ်ဖို့ ဧရာဝတီမြစ်ကြီးကိုကာကွယ်ဖို့ ကျွန်

တော်တို့ ညီညွတ်မှ ရတော့မယ်။

(၂)
သွေးအေးအေးနဲ့ ပြန်စဉ်းစားတဲ့ အခါကျရင် အမှန်ဆိုတာ မြင်တတ်ပါတယ်။ မဆလတစ်ပါတီ အာဏာရှင်စ

နစ်ကို မုန်းတီးတဲ့စိတ်၊ ကိုယ့်နိုင်ငံကို ကိုယ်တိုးတက်ချင်တဲ့စိတ် တစ်ခုတည်းနဲ့ ကျွန်တော်တို့လမ်းပေါ် ထွက်

ခဲ့ကြပေမယ့် ဘယ်အယူဝါဒ၊ ဘယ်နိုင်ငံရေး သမိုင်းစဉ်ကိုမှ ထဲထဲဝင်ဝင် မသိခဲ့ရရိုး အမှန်ပါပဲ။ 

ရဲဘော်သုံးကျိပ်ကအစပြုခဲ့တဲ့စစ်ဘက်က ကြီးစိုးတဲ့ နိုင်ငံရေးအင်အားစုနဲ့ ဒုတိယကမ္ဘာစစ် မတိုင်မီက ခေတ်

စားခဲ့တဲ့ လက်ဝဲနိုင်ငံရေး အင်အားစု နှစ်ခုအကြားမှာ ကျွန်တော်တို့ ကျောင်းသားလူငယ်တွေ မျက်စိလည် လမ်းရှာရ ခက်ခဲ့ပါတယ်။

သြဂုတ် ၁၇ ရက်ညမှာဆန္ဒပြ ခေါင်းဆောင်တွေ၊ဘုန်းကြီးတွေကကျွန်တော့်ကို မန္တလေးမြို့ရဲ့ အဓိက သပိတ်

စခန်းဖြစ်တဲ့ မစိုးရိမ်ကို ခေါ်ပါတယ်။ အဲဒီမှာ လုံခြုံတယ်။ ကျွန်တော် မလိုက်ဖြစ်ပါဘူး။ 

ကျွန်တော့်အိမ်ကိုပဲ တိုက်ရိုက်ပြန်ခဲ့ပါတယ်။သတင်းတွေကြားပြီး စိုးရိမ်နေရတဲ့ကျွန်တော့်အဖေကသူ့အသိ

ဘုန်းကြီးကျောင်းတစ်ခုကို ချက်ချင်းပဲ လိုက်ပို့ပါတယ်။ အဖေက ကျွန်တော့် ကိုစိုးရိမ်တယ် ဆိုပေမယ့် ကျွန်

တော်က ရှောင်ပုန်းလို့ရပြီး ရှောင်လို့မရတဲ့ အစိုးရအရာရှိ အဖေ့အတွက် ကျွန်တော်ပိုစိုးရိမ် ရပါတယ်။ အဲဒီ

အချိန်က စစ်အုပ်ချုပ်ရေး မရုတ်သေးဘူး။ ရန်ကုန်မှာ ဘယ်သူမှ အပြင်မထွက်နိုင် ကြသေးဘူး။

သြဂုတ် ၁၈ ရက် နောက်တစ်နေ့မှာတော့ မန္တလေးမှာ သပိတ်အရှိန် မြင့်လာပြီ။ တစ်မြို့လုံး ပါလာပြီ။ အား

လုံးဘေးကလိုက်ကြည့် လက်ခုပ်တီးရုံသက်သက် မဟုတ်တော့ဘူး။ ရုံးဝန်ထမ်းတွေ၊ စက်ရုံအလုပ်ရုံ ၀န်ထမ်း

တွေ (ရုံး၊ စက်ရုံဝတ်စုံတွေနဲ့) လမ်းပေါ်ထွက်လာကြတယ်။ 

အဲဒီတုန်းက အစိုးရ ၀န်ထမ်းဆိုတာ အခုခေတ်လို မဟုတ်ဘူး။ ပုဂ္ဂလိက လုပ်ငန်းက နည်းတော့ အစိုးရ ၀န်

ထမ်းတွေရဲ့ အင်အားက အရမ်းအရေး ပါပါတယ်။ တချို့နေရာတွေမှာ ရဲတွေလည်း ဆန္ဒပြသူတွေနဲ့ ပူးပေါင်း

လာကြတယ်။ အဲဒီနေ့ကလည်း ဆန္ဒပြတဲ့ လမ်းတစ်လျှောက် သုံးလေးခါလောက် ကျွန်တော်တရားဟောရ

 သေးတယ်။ 

ကျွန်တော့်ဆေးခန်းကတော့ ပိတ်လိုက်ရပြီ။ သပိတ်စခန်းတွေ ရပ်ကွက်တိုင်းမှာ စဖွင့်ကြပြီ။ အဓိကကတော့ မစိုးရိမ်နဲ့ မဟာမြတ်မုနိ ဘုရားကြီးမှာ။ ကျွန်တော်တို့ ဆရာဝန်တွေ၊ ဆေးကျောင်းသားတွေက မန္တလေး

 ဆေးရုံကြီး ဓမ္မာရုံမှာပဲ သပိတ်စခန်း ဖွင့်လိုက်ကြတယ်။ ပြန်စဉ်းစားတိုင်း အိပ်မက်လိုပါပဲ။

ခေတ္တနားပါဦးမည်
Written by သန်းထွဋ်အောင် 
Eleven Media ,  RangonNewsDaily
kolatt (Pabedan): 3.8.2013