 |
| ဓာတ်ပုံရည်ညွှန်း- ကျန်းမာရေး ၀န်ထမ်းများမှ ပုံမှန်သွေးလှူရှင်များအား အသည်းရောင်အသားဝါ (ဘီ) ကာကွယ်ဆေး ထိုးနှံစဉ် |
လက်ရှိ အသည်းရောင် အသားဝါဘီပိုး ကူးစက်ခံရနှုန်းမှာ လူ ၁၀ ဦးတွင် တစ်ဦးနှုန်း ရှိနေပြီး နိုင်ငံလူဦးရေ ခြောက်သန်းခန့်မှာ အသည်းရောင် အသားဝါဘီပိုး ကူးစက်ခံထားရကြောင်းနှင့် အသည်းရောင် အသားဝါ ရောဂါများကြောင့် အသည်းကင်ဆာ ဖြစ်နှုန်းများလည်း သိသိသာသာ မြင့်မားလျက်ရှိကြောင်း သိရသည်။
''ဘီပိုး၊ စီပိုးတွေ ဖြစ်နှုန်းများလာတာက အခုနောက်ပိုင်း ကုသမှု စနစ်တွေမှာ သွေးကိုသုံးပြီး ကုသတာတွေပါတယ်။ သွေးကိုထိမိ ကိုင်မိလို့၊ တစ်ခါသုံး ပစ္စည်းတွေ မသုံးတာတွေရဲ့ အကျိုးဆက်တွေ ကြောင့်လို့ ယူဆရတယ်။ အခုနှစ်ပိုင်းမှာ အသည်းရောင် အသားဝါနဲ့ ပတ်သက်ပြီး တော်တော်လေး ပြောကြတယ်။ အရင်ကတော့ အိတ်ခ်ျအိုင်ဗွီကို ကြောက်ကြတယ်။ အိတ်ခ်ျအိုင်ဗွီထက် ဘီပိုးစီပိုးက ပိုပြီးကူးစက်ဖို့ အခွင့်အလမ်း ပိုမြန်တယ်။ အခုလက်ရှိမှာတော့ အသက် ၄၀ နဲ့ ၅၀ ကြား အသက်အရွယ်တွေမှာ အသည်းခြောက်တာ၊ အသည်းကင်ဆာ ဖြစ်တာတွေ များနေပါတယ်'' ဟု အသည်းရောဂါ ပညာဌာနမှ ပါမောက္ခဌာနမှူး ဒေါက်တာဝင်းနိုင်က ပြောကြားသည်။
ကျန်းမာရေး ၀န်ကြီးဌာန အနေဖြင့် အသည်းရောင် အသားဝါ ဘီပိုးဖြစ်ပွားနှုန်း လျော့ချရေးအတွက် မွေးစကလေးငယ်များတွင် ဘီပိုးကာကွယ်ဆေးများ အခမဲ့ ထိုးနှံပေးလျက်ရှိပြီး ငါးနှစ်အောက် ကလေးငယ်များကိုလည်း ထိုးနှံပေးသွားရန် စီစဉ်လျက်ရှိကြောင်း သိရသည်။
အသည်းရောင် အသားဝါရောဂါ အေ၊ ဘီ၊ စီ၊ ဒီ၊ အီး ပိုးများအနက် ဘီနှင့်စီပိုးများမှာ အသည်းရောင်အသားဝါ၊ အသည်းခြောက်နှင့် အသည်းကင်ဆာ ရောဂါများကို ဖြစ်စေနိုင်ပြီး ယင်းရောဂါများ ဖြစ်ပွားပါက ရောဂါလက္ခဏာ သိသာထင်ရှားစွာ ပြသလေ့ မရှိသည့်အတွက် ရောဂါနောက်ဆုံးအဆင့် ရောက်မှသာ သိကြလေ့ရှိကြောင်း သိရသည်။
Eleven Media , RangonNewsDaily
kolatt (Pabedan): 22.7.2013
No comments:
Post a Comment