ဆွဲဆောင်မှု အပြည့် ရှိစေမည့် အိုင်းရှဲဒိုး ခြယ်သနည်း

ခေတ်နဲ့အညီ ဆွဲဆောင်မှု ရှိစေဖို့ အတွက် အိုင်းရှဲဒိုး ခြယ်သတဲ့ အခါမှာ ကိုယ်နဲ့ လိုက်ဖက် အောင် ခြယ်သတတ်ဖို့ လိုပါတယ်။ ဒါကြောင့် Good Health စာဖတ်ပရိသတ်အတွက် ညပိုင်း Dinner တွေမှာ လှပမှုရှိစေမယ့် အိုင်းရှဲဒိုး ခြယ်သနည်း အဆင့်ဆင့်ကို ဖော်ပြလိုက်ပါတယ်။ -မျက်နှာကို မိတ်ကပ်အဆင့်ဆင့် လိမ်းပြီးတဲ့အခါမှာ ပထမဆုံးအနေနဲ့ အပေါ်မျက်ခွံ တစ်ပြင်လုံးကို ခဲရောင် အိုင်းရှဲဒိုးလေး ခြယ်သလိုက်ပါ။ -အဲဒီလို ခြယ်သပြီးတဲ့အခါ အပေါ်မျက်ခွံ သုံးပုံနှစ်ပုံခန့်ကို သနပ်ခါးရောင် အိုင်းရှဲဒိုးလေး ထပ်မံခြယ်သလိုက်ပါ။

-အဲဒီအပေါ်ကမှ အပေါ်မျက်ခွံ သုံးပုံတစ်ပုံနဲ့ အပြင်ထောင့်နားကို အစိမ်းရောင် အိုင်းရှဲဒိုးလေး ခြယ်ရမှာ ဖြစ်ပါတယ်။ -အောက်မျက်ခမ်းကိုလည်း အပေါ်မှာ ခြယ်သထားတဲ့ အိုင်းရှဲဒိုးနဲ့ လိုက်ဖက်အောင် အစိမ်းရောင် အိုင်းရှဲဒိုးကို ခြယ်သလိုက်ပါ။

-ပြီးရင် အပေါ်မျက်ခွံနဲ့ အောက်မျက်ခမ်းရဲ့ အပြင်တစ်ဝက်ကို အိုင်းလိုင်နာ အနက်ရောင်နဲ့ ခြယ်လိုက်ပါ။
-အိုင်းလိုင်နာ ဆွဲပြီးတဲ့အခါမှာ အပေါ်မျက်ခွံကို မျက်တောင်တု တပ်ပြီး Mascara လေးနဲ့ တစ်ဆင့်ချင်း ကော့ရမှာ ဖြစ်ပါတယ်။

-အဲဒီလိုပဲ အောက်မျက်တောင်တွေကိုလည်း Mascara လေးနဲ့ လှပအောင် ကော့ရမှာ ဖြစ်ပါတယ်။ ဒီလို ခြယ်သပြီးတဲ့ အခါမှာတော့ ညပွဲ Dinner တွေနဲ့ လိုက်ဖက်မှုရှိစေမယ့် မျက်ဝန်းလေး တစ်စုံကို ရရှိမှာပဲ ဖြစ်ပါတယ်။

မင်းအိုက်စွန်းန်

GOOD HEALTH