 |
အဲဒီကနေတဆင့် တက်လာတော့ ခံစားချက်လေးတွေကို စာအုပ်နောက်ကျောတွေမှာ ရင်ဖွင့်တတ်လာပြီ။
တက္ကသိုလ်ရောက်တော့ အဆောင်နံရံကပ်စာစောင်တွေမှာ ကဗျာတွေ၊ စာညွန့်တွေ ၀င်ပြိုင်ပြီး ဆုတွေဘာတွေ ရလို့....။
တစ်ခါ.. ၈၈ အရေးအခင်းနဲ့ ကျောင်းသုံးနှစ်ပိတ်လိုက်ချိန်က
အဲဒီအချိန်ကလည်း ၀တ္တုတို ရွှေခေတ်ဆိုတဲ့ အချိန်ပေါ့။ မဟေသီ၊ ရွှေအမြုတေ၊ ရင်ခုန်ပွင့်၊ ပန်းဝေသီ၊ ပေ
ဖူးလွှာ၊ လုံမလေးမဂ္ဂဇင်းတွေ.. မှာ ၀တ္ထုတွေ အစုံဖတ်ခဲ့ရတယ်။ လုံးချင်းတွေထဲမှာဆိုရင်လည်း ဆရာမကြီး ကြည်အေး၊ ဂျာနယ်ကျော်မမလေး၊ ဆရာမ မစန္ဒာ၊ ဆရာမမိုးမိုးအင်းလျားတွေအပြင် ဆရာနိုင်ဝင်းဆွေ
တို့လို ဆရာကြီးရွှေဥဒေါင်းရဲ့ တစ်သက်တာမှတ်တမ်းလို ဟိုးတုန်းကစာအုပ်အဟောင်းတွေကို
တော်များများဖတ်ဖြစ်ခဲ့တယ်။
အဲဒီတုန်းက ကံကောင်းချင်တော့ စာအုပ်အဟောင်းတွေ စုံစုံလင်လင်ရှိတဲ့ စာအုပ်ဆိုင်လေးကို ရှာတွေ့
ထားတာ။အဲဒီဆိုင်မှာ တိုင်းရင်းမေလို စာစောင်အဟောင်းတွေကအစ၊ ညီတော်အာနန္ဒာမှတ်တမ်းလို ဘာ
သာရေး စာအုပ်တွေအထိ တော်တော်စုံတယ်။ ကျွန်မလည်း လက်လှမ်းမီသလောက်ဖတ်လိုက်တာမှ တစ်
ရက်တစ်ရက် ရသမျှမုန့်ဘိုး အကုန် စာအုပ်တွေချည်း ငှားဖတ်ပစ်တာပဲ။
အဲဒီမှာ စာဖတ်သက်ရင့်လာတော့ ဘယ်စာဖတ်သင့်တယ်။ ဘယ်စာတော့ မဖတ်သင့်ဘူးဆိုတာလည်း ကိုယ့်
ဖာသာရွေးတတ်လာပါတယ်။ တစ်ခါတလေ ကိုယ်ဖတ်မိတဲ့စာထဲက ဒါကဖြင့် အဆိပ်အတောက်၊ ဒါကဖြင့် အာဟာရရယ်လို့လည်း အနှစ်အသားကို ခွဲခြားစုတ်ယူတတ်လာပါတယ်။
အဲဒီလို စာအုပ်တွေ အသဲအမဲဖတ်ဖြစ်ပြီးနောက်မှာ ကျွန်မစိတ်တွေ တော်တော်ပြောင်းသွား ခဲ့တယ်aကျာင်း
သုံးနှစ် ပိတ်ပြီးလို့ ပြန်ဖွင့်တော့ တော်တော်ရင့်ကျက်တည်ငြိမ်နေခြဲ့
ရဲ မဆိုရဲနဲ့ စိတ်မလုံခြုံတဲ့သူက ပြောတတ်ဆိုတတ်နဲ့ ကိုယ့်ကိုယ်ကိုလည်း ယုံကြည်မှုတွေရှိလာရတယ်။ အ
ရင်က ကိုယ့်တစ်ကိုယ်စာ ခံစားချက်ကို ရှေ့တန်းတင်တတ်တဲ့စိတ်တွေကလည်း ဘေးကို ငဲ့စောင်းမျှတွေး
တတ်လာတယ်။ သူတစ်ပါးအပေါ် ပိုပြီး နားလည်စာနာတတ်လာတယ်။ ကူညီဖေးမချင်စိတ်တွေ ပိုရှိလာ
တယ်။ အခက်အခဲဆိုရင်လည်း တော်ရုံစိတ်ဓာတ် မကျတတ်တော့ဘူး။ ကျော်နိုင်လာတယ်။
အဲဒီလို စွမ်းဆောင်ရည်တွေ ပိုတက်လာတာလည်း ကိုယ့်ဖာသာကိုယ် သတိထားမိလာတယ်။ ဒါဟာ ဖတ်မိ
သမျှစာတွေကနေ စုတ်ယူအားပြည့်လာတဲ့ စိတ်ခွန်အားတွေလို့ ကျွန်မယုံကြည်ပါတယ်။
အဲဒီကနေတဆင့် ပတ်ဝန်းကျင်မှာ မြင်ကြားထိတွေ့ရတာလေးတွေကို ကိုယ်မြင်ရသလို၊ ကိုယ်တွေးမိသလို
ပြန်ပြီး မျှဝေချင်စိတ်ဖြစ်လာတဲ့အခါ ကျွန်မ ၀တ္ထုတိုလေးတွေရေးမိလာပါတယ်။ ဒါဟာ စာဖတ်ခြင်းကနေ
ဆင့်ပွားလာတဲ့ အနုပညာတစ်ခုပေါ့နော်။
အဲဒါကြောင့် စာဖတ်ခြင်းဟာ ဘယ်လောက်အနုပညာမြောက်သလဲဆိုရင် ဖတ်လိုက်သမျှစာတွေထဲက ရသ
အဆီအနှစ်တွေဟာ ကျွန်မရင်ထဲကို စိမ့်ဝင်လာပြီးနောက်မှာ အဲဒီကနေ ဆင့်ပွားပြီးတော့ ပီတိတွေဟာ ကျွန်
မရဲ့စေတနာကို လှုံ့ဆော်လာတဲ့အခါမှာ ကျွန်မကိုယ်တိုင် ရသစာတွေ..တစ်နည်းပြောရရင် အနုပညာဖန်တီး
မှုတွေ ပြန်အန်ကျလာရတယ်လို့ ထင်ပါတယ်ရှင်။
ဝေ(စီးပွားရေးတက္ကသိုလ်)
No comments:
Post a Comment