သိမ်းမြေများ ပြန်မပေးလျှင် လူထုတိုက်ပွဲ ဆင်နွှဲမည်ဟု ဦးနေမျိုးဇင် သတိပေး

ဧရာဝတီတိုင်း၊ ပန်းတနော်မြို့နယ် လယ်သမားများထံမှ သိမ်းယူထားသည့် လယ်ဧက ၄၀၀၀ ကျော်ကို မူလ
ပိုင်ရှင်များထံ ပြန်မအပ်ပါက သိမ်းယူခဲ့သည့် ဖိုးလမင်းကုမ္ပဏီကိုလူထုတိုက်ပွဲ ဆင်နွှဲမည်ဟု မြန်မာ့လူမှုဘ၀
ဖွံ့ဖြိုးတိုးတက်ရေး ကွန်ရက် အဖွဲ့ခေါင်းဆောင် ဦးနေမျိုးဇင်က သတိပေး ပြောဆိုလိုက်သည်။

ပန်းတနော်မြို့နယ် ခနွဲကဘိုကျေးရွာ အပါအဝင် ရွာပေါင်း ၁၀ ရွာကျော်မှ အဆိုပါ လယ်မြေများကို သိမ်းယူခဲ့သည့် ကုမ္ပဏီ တာဝန်ရှိသူ ဦးကျင်ငြိမ်းသည် ပြည်သူ့လွှတ်တော် ကိုယ်စားလှယ် ဦးငြိမ်းမြိုင်၏ ညီဖြစ်ပြီး လယ်မြေများကို ၁၉၉၅ ခုနှစ်က အခမဲ့ သိမ်းယူခဲ့ခြင်းဖြစ်ကြောင်း ၎င်းတို့လယ်မြေများကို ပြန်ရလိုကြောင်း လယ်ပိုင်ရှင်များက ပြောသည်။

 

အဆိုပါလယ်မြေများ မူရင်းပိုင်ရှင်ထံ ပြန်လည်အပ်နှံရေးအတွက် ဦးကျင်ငြိမ်းကို ပန်းတနော်မြို့နယ် ရဲတပ်ဖွဲ့မှတဆင့် အကြောင်းကြားထားကြောင်း၊ အကယ်၍ ပြန်လည်အပ်နှံခြင်း မရှိပါက မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ရက် အနေဖြင့် သိမ်းဆည်းခံ လယ်သမားများနှင့် ပူးပေါင်းကာ ဆန္ဒဖော်ထုတ်သွားမည်ဟု ဦးနေမျိုးဇင်က ဧရာဝတီသို့ ပြောသည်။

လယ်သမားများ ချီတက်မှုကို တားဆီးထားသည့် ပန်းတနော်မြို့နယ် ရဲတပ်ဖွဲ့မှူးနှင့် လယ်သမားများဘက်မှ ကူညီဆောင်ရွက်ပေးသူ မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ရက် ခေါင်းဆောင် ဦးနေမျိုးဇင်တို့ကို တွေ့ရစဉ် (ဓာတ်ပုံ – Nay Myo Zin / Facebook)

“လူထုတိုက်ပွဲတွေလုပ်ဖို့ အားလုံး ပြင်ဆင်ထားပါတယ်။ တောင်သူလယ်သမားတွေကို ဦးဆောင်ပြီးတော့ တရားဝင် ဆန္ဒပြခွင့်တွေ လျှောက်ထားမယ်။ တောင်သူလယ်သမားတွေဘက်က လုံးဝ သည်းမခံနိုင်တော့တဲ့ အကြောင်းနဲ့ အင်းသူကြီးရဲ့ လုပ်ရပ်တွေကို ဖော်ထုတ်ပြီးတော့ လူထုနည်းနဲ့ပဲ ကန့်ကွက်ဆန္ဒဖော်ထုတ်ပြီး တိုက်ပွဲဝင်သွားမှာ” ဟု ဦးနေမျိုးဇင်က ပြောသည်။

 

ယခုလ ၁၅ ရက်နေ့က မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ရက် အပါအဝင် လယ်သိမ်းခံ လယ်သမားများ၊ တံငါ လုပ်သားများ ရာနှင့်ချီ၍ လယ်မြေများပြန်ရရေး၊ လွတ်လပ်စွာ ငါးဖမ်းခွင့်ရရေးကို တောင်းဆိုရန် ဦးကျင်ငြိမ်းအိမ်သို့ ချီတက်ခဲ့ကြရာတွင် ပန်းတနော်မြို့နယ် ရဲတပ်ဖွဲ့ အင်အား ၅၀ ကျော်က သံဆူးကြိုးများ၊ ပစ်မိန့် စည်းများချ၍ ပိတ်ဆို့ တားမြစ်ခဲ့သည်။

 

ထို့နောက် ပန်းတနော်မြို့နယ် ရဲတပ်ဖွဲ့မှူးနှင့် မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ရက် ခေါင်းဆောင် ဦးနေမျိုးဇင်တို့ ဆွေးနွေးခဲ့ကြပြီး သံဆူးကြိုးကာရံထားခြင်းနှင့် ပစ်မိန့်အတားအဆီးများကို ဖယ်ရှားပေးကာ တက်ရောက် လာသူများကို ရဲတပ်ဖွဲ့မှူးက အခြေအနေများကို ရှင်းပြပြောဆိုကြောင်း သိရသည်။

 

ချီတက်လာသည့် ရာနှင့်ချီသော ဒေသခံများကို ရဲတပ်ဖွဲ့မှူးက “အားလုံးလာခဲ့ကြတဲ့ ကိစ္စနဲ့ပတ်သက်လို့ ဖိုးလမင်း ကုမ္ပဏီက လက်ရှိလုပ်ကိုင်နေတဲ့ လယ်ယာမြေတွေဟာ အခုလာခဲ့တဲ့လူတွေ၊ ရွာတွေမှာ ပိုင်ဆိုင်ခဲ့တဲ့လူတွေ ရှိခဲ့တယ်ဆိုလို့ရှိရင် ခင်ဗျားတို့ ပိုင်ဆိုင်တဲ့ အထောက်အထားတွေနဲ့ ပတ်သက်ပြီးတော့ တင်ပြလို့ရှိရင် ကုမ္ပဏီက တာဝန်ရှိတဲ့လူတွေအနေနဲ့ ပြန်လည်ပေးမယ် ဆိုတဲ့စကားကို ကျနော်ကနေ တဆင့်စကား ခင်ဗျားတို့ကို ပြန်ကြားပါတယ်။ တချက်ရှိတာက လတ်တလော ကုမ္ပဏီက မိုးစပါးစိုက်ထားတာ ရှိပါတယ်၊ ဒီအထဲမှာ ဇွတ်အတင်းဝင်ပြီးတော့ ကျဲပက်တာတွေ၊ ဖျက်ဆီတာတွေ မပြုလုပ်ဖို့ လိုပါတယ်” ဟု ပြောသည်။

 

လယ်သိမ်းသည်ဘက်မှ ယင်းသို့ ပြောဆိုမှုသည် လယ်ပိုင်ရှင် အများစုအတွက် ပိုင်ဆိုင်မှု အထောက်အထား စာရွက် စာတမ်းများ၊ ရှေ့နေငှားရမ်းခြင်း၊ ကျန်းကျိန်ခြင်းများအတွက် အထောက်အထား ပျောက်ဆုံးသူများနှင့် ငွေကြေး အကြပ်အတည်းများကြောင့် လယ်သမားများအနေဖြင့် အခက်ခဲများနှင့် ကြုံတွေ့မည်ဖြစ်ကြောင်း၊ ထို့ကြောင့် အမည်ပေါက်စာရင်းများအတိုင်း ကော်မရှင်တရပ်ဖြင့် စီစစ်ကာ တရားဝင် ပြန်လည်အပ်နှံပေးရန် တိုက်တွန်းကြောင်း ဦးနေမျိုးဇင် ကပြောသည်။

 

“အခု သူတို့ပြောပုံအရဆိုရင် ပုံမှန်လုပ်ထုံလုပ်နည်းအတိုင်း ကြိုးနီစနစ်တွေနဲ့ မြို့ကိုလာ လျှောက်ထား၊ ကျမ်းကျိန် ရှေ့နေငှားဆိုတာတော့ မဖြစ်နိုင်ဘူး၊ နောက်ဆုံး ဖြေရှင်းရမယ့် နည်းလမ်းကတော့ ကြားဝင် ကော်မရှင် တရပ်ကနေပြီးတော့ စေ့စပ်ညှိနှိုင်းပေးရင်တော့ ပြဿနာတွေက အေးဆေးသွားလိမ့်မယ်လို့ ကျနော်ကတော့ ပြောထားတယ်” ဟု သူက ဆက်ပြောသည်။

 

ခနွဲကဘို ရွာခံ လယ်သိမ်းခံ လယ်သမားတဦးက “သိမ်းတုန်းက ဘာအထောက်အထားမှ တောင်းတာ မဟုတ်ဘဲနဲ့ စက်နဲ့ထိုးပြီး သိမ်းတာ၊ ပြန်ပေးရတော့မယ်ဆိုမှ ဟို အထောက်အထား ဒီအထောက်အထားနဲ့။ ကျနော်တို့မှာ ရှိပေမယ့် တချို့ အတော်များများ လယ်သမားတွေက ဂရန်တွေ မရှိတော့ဘူး။ ဒါပေမယ့် အစိုးရရုံးမှာတော့ အမည်ပေါက် စာရင်းတွေ ရှိသေးတယ်။ အဲဒီအတိုင်း ပြန်ပေးရင်တော့ ကောင်းတာပေါ့” ဟု ပြောသည်။

 

လယ်များ ပြန်လည်ပေးအပ်ရေးမည့် အခြေအနေကို ကာယကံရှင် လယ်သမားများနှင့် မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ရက်တို့က စောင့်ကြည့်သွားမည်ဖြစ်ပြီး ပြန်လည်အပ်နှံခြင်းမရှိခြင်း၊ပေးအပ်ရာတွင်

လည်း တရားမျှတမှု မရှိခြင်းတို့ ဖြစ်လာပါက လူထုတိုက်ပွဲ ဆင်နွှဲသွားကြမည်ဟု ဆိုသည်။

 

လယ်မြေများကို သိမ်းယူခဲ့သူ ဦးကျင်ငြိမ်း၏ အစ်ကိုဖြစ်သူ ပန်းတနော်မြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီမှ ဧရာဝတီတိုင်း ပြည်သူ့လွှတ်တော် ကိုယ်စားလှယ် ဦးငြိမ်းမြိုင်သည်လည်း ပန်းတနော်၊ ဓနုဖြူနှင့် ညောင်တုန်း မြို့နယ်များတွင် တရားဝင် လေလံဆွဲထားသည့် အင်းပေါင်း ၉၈ ခုသာမက ချောင်းများ၊ ရေထွက်ပေါက်များမှပါ လုပ်ကိုင်နေသည့် အင်းများ ၉၀ ၀န်းကျင် ရှိသည်ဟု သိရသည်။

 

ယခုနှစ် စက်တင်ဘာလပိုင်းက ၎င်းပိုင်အင်းများ၊ ချောင်းများကို ရေပိတ်ထားသဖြင့် ဒေသခံတို့၏ လယ်မြေ ဧက ၇ သောင်းကျော် ရေနစ်မြှုပ်ခဲ့ပြီး သုံးမြို့နယ် ဒေသခံ ၂ သောင်းကျော်က အရေးယူ ဆောင်ရွက်ပေးရန် လက်မှတ်ထိုး၍ သမ္မတထံ တင်ပြတောင်းဆို ခဲ့ကြသေးသည်။

  ဧရာဝတီ