 |
အရှေ့တောင်အာရှနိုင်ငံများအဖွဲ့ ASEAN မကြာသေးခင်ကပဲ အတည်ပြုခဲ့ တဲ့ လူ့အခွင့်အရေးဆိုင်ရာ ကြေ
ညာစာတမ်းဟာ နိုင်ငံ တကာ စံချိန် စံညွှန်းတွေ နဲ့ မကိုက်ညီဘဲ ဒေသတွင်းမှာ ဖိနှိပ်အုပ်ချုပ်တဲ့အစိုးရတွေ
က သူတို့အကျိုးအတွက် တလွဲအသုံးချနိုင် တယ်လို့ အမေရိကန်ပြည်ထောင်စု က သတိပေးလိုက်ပါတယ်။
ဆယ်နိုင်ငံပါ ဒေသတွင်းက လူဦးရေ သန်းပေါင်း ၆၀၀ လောက်တို့အတွက် အကာအကွယ်ပေးနိုင်ရေး အာ
မခံဖို့ရည်ရွယ်တဲ့ မဖြစ် မနေ လိုက်နာဖို့မလိုအပ်တဲ့ လူ့အခွင့်အရေးဆိုင်ရာ ကြေညာချက်ကို အရှေ့တောင်
အာရှခေါင်းဆောင်တွေ တနင်္ဂနွေနေ့က ချမှတ် ခဲ့ကြတာပါ။
ဒေသတွင်းကနိုင်ငံတွေဟာ အခုဆိုရင် အမြင့်ဆုံး စံနှုန်းတွေအတိုင်း လိုက်နာဖို့ သန္နိဋ္ဌာန်ချမှတ်ခဲ့ကြပြီဆိုပြီး ဒါဟာ ကြီးမားတဲ့ အဓိက တိုးတက်မှုကြီးတခုဖြစ်တယ်လို့ အာဆီယံအတွင်းရေးမှူးချုပ် ဆူရင် ပစ်ဆူဝန်က
ပြောပါတယ်။
ဒါပေမဲ့လည်း အာဆီယံရဲ့ ကြေညာစာတမ်းဟာ ကုလသမဂ္ဂရဲ့ အပြည်ပြည်ဆိုင်ရာ လူ့အခွင့်အရေး ကြေညာ
စာတမ်းမှာ ကာလ ရှည်ကြာ ဖော်ပြထားခဲ့တဲ့ မူဝါဒ စည်းမျဉ်းတွေကို အားနည်း ယုတ်လျော့သွားစေနိုင်တာ
ကြောင့် အထူးစိုးရိမ်မိတယ်လို့ အမေရိကန် နိုင်ငံခြားရေးဌာနက အင်္ဂါနေ့မှာ ပြောပါတယ်။
အပြည်ပြည်ဆိုင်ရာ လူ့အခွင့်အရေးကြေညာစာတမ်းမှာ ဖော်ပြထားတဲ့ အခွင့်အရေးတွေဟာ နေရာတိုင်း
အတွက် အကျုံးမ၀င်ဘူးဆိုပြီး ယဉ်ကျေးမှု ဓလေ့ထုံးတမ်း နှိုင်းယှဉ်ချက် ဆိုတာကို အာဆီယံ ကြေညာချက်
ထဲမှာ ထည့်သွင်း အသုံးပြုထားတဲ့အပေါ် အမေရိကန်နိုင်ငံခြားရေးဌာန ပြောရေးဆိုခွင့်ရှိသူ ဗစ်တိုရီးယား
နူလန်ဒ် က ထောက်ပြ ဝေဖန်ခဲ့ပါတယ်။
လူအများအပြားက ထောက်ပြ ပြောဆိုနေကြတာကတော့ ကြေညာချက် အပိုဒ် (၇) မှာ ဖော်ပြထားတာပဲ
ဖြစ်ပါတယ်။ လူ့အခွင့် အရေးကို သတ်မှတ် ဖွင့်ဆိုတာမှာ နိုင်ငံရေး၊ စီးပွားရေး၊ တရားဥပဒေရေးရာ၊ လူမှုရေး၊ ယဉ်ကျေးမှု၊ သမိုင်းအစဉ်အလာနဲ့ ဘာသာရေး နောက်ခံတွေပေါ်မှာ အခြေပြုပြီး တနိုင်ငံချင်းစီအလိုက် ဒါမှ
မဟုတ် ဒေသတခုချင်းစီအလိုက် ခြွင်းချက်တွေ ရှိတယ် ဆိုပြီးတော့ အဲဒီ အပိုဒ် ခုနစ်မှာ ဖော်ပြထားပါတယ်။
VOA
No comments:
Post a Comment