မြန်မာပြည်မှာ လိုအပ်နေတဲ့အရာ (ဖရန့်စစ်ဖူကူယားမား)

  

မကြာခင်ကသွားခဲ့တဲ့ကျနော့်ရဲ့ခရီးမှာမွန်ဂိုးလီယားကနေ ဒုတိယခရီးတထောက်ကတော့ မြန်မာပြည်ဖြစ်ပါ

တယ်။ (အူလန်ဘာတောကနေ နေပြည်တော်ကို သွားရတဲ့ ခရီးစဉ်က မလွယ်ပါဘူး)၊ Johns Hopkins  တက္ကသိုလ်၊ အဆင့်မြင့် နိုင်ငံတကာ လေ့လာရေးဌာန (SAIS) က ကျနော်ရဲ့ လုပ်ဖော်ကိုင်ဖက်ဟောင်း (RogerLeeds)နဲ့ကျန်ာတို့နှစ်ယောက်မြန်မာပြည်မှာပုဂလိက ကဏ္ဍဖွံ့ဖြိုးရေးရက်တိုသင်တန်းလေးတခုပေးခဲ့

ပါတယ်၊ ဖွံ့ဖြိုးရေး ဆိုင်ရာ ခေါင်းဆောင်မှုအကယ်ဒမီ (LeadershipAcademy for Development) လို့  ကြီးကျယ်တဲ့ခေါင်း

စဉ်အောက်မှာ ကျနော်တို့ နှစ်ယောက် ပူးတွဲရေးဆွဲထားတဲ့ သင်ရိုး ညွန်းတမ်းကတော့  Harvard Business School  (HBS) က  သင်ရိုးတွေကို အခြေခံထား ပါတယ်။ 

 

အစိုးရ ကဏ္ဍကို ပြုပြင်ပြောင်းလဲရင်း ပုဂလိက ကဏ္ဍကို ဖွံ့ဖြိုးလာအောင် လုပ်တဲ့ နည်းလမ်းတွေထဲမှာ အစိုးရအခန်းကဏ္ဍ မပါတဲ့နည်းလမ်းရော၊ စီးပွားရေးလုပ်ငန်းတွေမှာ အစိုးရက ၀င်ရောက် ကူညီတဲ့ နည်းလမ်းတွေပါ ထည့်သွင်းရေး ဆွဲထားပါတယ်၊

အဓိက ရည်ရွယ်တာကတော့ ဖွံ့ဖြိုးဆဲနိုင်ငံတွေရဲ့ အစိုးရကဏ္ဍတွေထဲမှာ အကတိ လိုက်စားမှုတွေနဲ့ အလုံးစုံ ပျက်စီးကိန်းဆိုက်နိုင်လောက်တဲ့အသက်အရွယ်မတိုင်သေးတဲ့ တချိန်ချိန်ကျရင် ပြုပြင်ပြောင်းလဲရေးသမား

တွေ ဖြစ်လာနိုင်တဲ့ လူငယ်အလယ်အလတ် တန်းစား ခေါင်းဆောင်တွေ အတွက် ရည်ရွယ်ပါတယ်၊ 

 

 ရန်ကုန်မှာတော့ လူထုအခြေပြု အဖွဲ့အစည်းတွေက လှုပ်ရှားတက်ကြွသူတွေနဲ့ လွှတ်တော်အမတ်တချို့ကို အကျဉ်းရုံးပြီး သင်တန်းပို့ချခဲ့ပါတယ်၊ နေပြည်တော်မှာတော့ အစိုးရဌာနတွေက ဗျုရိုကရက်အရာရှိတွေကို သင်တန်းပေးခဲ့ပါတယ်၊

ပြီးခဲ့တဲ့နှစ်ကမန်မာပြည်ကထူးခြားတဲ့အဖြစ်အပျက်တွေကိုစောင့်ကြည့်ခဲ့တဲ့လူတွေက အရင်ဆုံးမေးကြတဲ့

မေးခွန်းကတော့မြန်မာပြည်ကဒီမိုကရေစီလမ်းစပွင့်လာတာတွေက တကယ်မှဟုတ်ရဲ့လားဆိုတဲ့ မေးခွန်းပါ

ပဲ၊ ဘယ်အရာကိုမျှ လျှော့တွက်လို့ မရဘူးဆိုတာ အမှန်ပါပဲ၊

 

 မြန်မာစစ်တပ်က အာဏာရှင်စနစ်ကို တစ်ကနေ ပြန်စနိုင်တဲ့ အခင်းအကျင်တွေ အများကြီးရှိပါတယ်၊ ဒါပေမယ့် မြန်မာပြည်က ပြည်သူတွေ တော်တော်များများကတော့ ရေရှည်အတွက် အခုမှ လမ်းပွင့်ခါစ အခြေအနေဟာ စစ်ခေါင်းဆောင်ပိုင်းက တော်တော် များများရဲ့ သဘောဆန္ဒကိုလည်း ထင်ဟပ်နေတယ်လို့ ဆိုကြပါတယ်၊

ဒီအခြေအနေတွေဖြစ်အောင်စတင်အကောင်အထည်ဖော်ခဲ့သူက အရင်စစ်ဦးစီးချုပ်ဟောင်း ဗိုလ်ချုပ်မှူးကြီး သန်းရွှေပါပဲ၊ သူ့အရှေ့က ဦးနေ၀င်းလို ဘ၀မျိုးဖြစ်မှာကို သူမလိုလားခဲ့ပါဘူး။ ဒီလိုနဲ့ ရှေ့ရိုးစွဲ ဗိုလ်ချုပ်တွေကို ပါလီမန်ထဲကို အတင်းပို့လိုက်ပါတယ်၊ ပိုပြီး အရည်အချင်းရှိတဲ့ လူတွေကို ၀န်ကြီးဌာနတွေကို ကိုင်ခိုင်းလိုက်ပြီး၊ စစ်တပ်ကိုတော့ သူ့ကို ကျေးဇူးသိတတ်မယ့် နှိုင်းယှဉ်ချက်အရ ငယ်ရွယ်တဲ့ အရာရှိတွေရဲ့ လက်ထဲကို အပ်လိုက်ပါတယ်၊ ဒီလုနဲ့ စစ်တပ်ထဲမှာ တတိယနေရာနဲ့ သမတနေရာအတွက် တန်းစီနေတဲ့ သူရရွှေမန်းလည်း ပါလီမန် ဥက္ကဌဘ၀ရောက်သွားပါတယ်၊ 

 

ဒီအပြောင်းအလဲတွေထဲမှာ ဗိုလ်ချုပ်ဟောင်း လက်ရှိသမတ ဦးသိန်းစိန်အတွက် တက်လမ်းပွင့်သွားပြီး၊ ဦးသိန်းစိန်က ဒေါ်အောင်ဆန်းစုကြည်ကို အိမ်ချုပ်ဖမ်းထားတာကို လွှတ်ပေးလိုက်သလို၊ နိုင်ငံရေး အတိုက်အခံတွေကိုလည်းထောင်ပြန်လွှတ်ပေးလိုက်ပါတယ်။ဧပြီလ ကြားဖြတ် ရွေးကောက်ပွဲမှာလည်း

ဒေါ်အောင်ဆန်းစုကြည်ရဲ့အမျိုးသားဒီမိုကရေစီအဖွဲ့ချုပ်ဝင်တွေအယောက် (၄၀) ကျော် ရွေးကောက်

ခံရပြီး ပါလီမန်ထဲကို ၀င်သွားကြပါတယ်၊

တကယ်တမ်းပြောရရင်စစ်တပ်နဲ့သမတလက်ထဲကအာဏာကိုပါလီမန်ထဲဆီ အလွှဲအပြောင်းမှာ ပြုပြင်

ပြောင်းလဲရေးအတွက်ပြသနာတွေကိုဖန်တီးလိုက်ပါတယ်၊လက်ရှိပါလီမန်ဆိုတာက စစ်တပ်အရာရှိဟောင်း

တွေနဲ့ (နေရာအတော်များများကို ဖွဲ့စည်းပုံ အခြေခံဥပဒေအရ ခွင့်ပြုထားရတာဖြစ်ပါတယ်)၊ စစ်တပ်နဲ့ မကင်းရာမကင်းကြောင်းပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီကအရပ်သား မဟာမိတ်တွေနဲ့ပဲ ပြည့်နေ

ပါတယ်၊ သူတို့တွေဟာ လွန်ခဲ့တဲ့ ဆယ်စုနှစ်တွေမှာ စစ်တပ်နဲ့ ပေါင်း၊ ခရိုနီအရင်းရှင်စနစ်ကို ကျင့်သုံးရင်း ချမ်းသာလာသူတွေဖြစ်တဲ့အတိုင်း၊ 

 

တချို့ဆိုရင်လည်း၊စီးပွားရေးဒဏ်ခတ်ပိတ်ဆို့မှုအလွန်တိုင်းပြည်ရဲ့စီးပွားရေးဖွံ့ဖြိုးတိုးတက်မှုကို တွန်းတင်နိုင်

ရေးအတွက် အသဲအသန်လိုအပ်နေတဲ့ နိုင်ငံခြားတိုက်ရိုက် ရင်းနှီးမြှုပ်နှံမှုဥပဒေသစ်ကို တောင်တောင် အီအီနဲ့ အချိန်ဆွဲနေကြပါတယ်။ 

 

စီးပွားရေးလောကရဲ့ ရေပေါ်စီသမားတွေဟာ နိုင်ငံတကာနဲ့ ယှဉ်ပြိုင်ရမှာကို ကြောက်လန့်တကြားနဲ့ နိုင်ငံခြားပိုင်ဆိုင်မှုကို ကန့်သတ်ချင်တာနဲ့ အမျိုးသားစီးပွားရေးဆိုတဲ့ ဆင်ခြေတွေကို သုံးနေကြပါတယ်၊

၂၀၀၅ခုနှစ်တုန်းကတည်ဆောက်ထားတဲ့မြန်မာပြည်ရဲ့မြို့တော်သစ်နပြည်တော်မှာလည်း ခရိုနီအရင်းစနစ်

ဟောင်းကလက်ရာခြေရာတွေတပြုံတမကြီးရှိနေပါတယ်၊နေပြည်တော်ဆိုတာက အစိုးရဆန့်ကျင်ရေးဆန

္ဒပြမှုတွေဖြစ်ပေါ်လာရင်ရှောင်နိုင်ဖို့တည်ဆောက်ခဲ့တယ်လို့ ကျယ်ကျယ်ပြန့်ပြန့်လက်ခံထားကြတဲ့ အလွန်ကိ်ု ထူးခြားဆန်းကြယ် မြို့တမြို့ပါပဲ၊ 

 

ဝန်ကြီးဌာနတွေတခုနဲ့တခုကြားမှာ ခပ်ကျယ်ကျယ်ခွာထားပြီး၊ ဗလာကျင်းနေတဲ့ ဧရာမ လမ်းသွယ်ကြီးတွေနဲ့ ဆက်ထားပါတယ်။သမတအိမ်တော်ကလည်းအမေရိကန်သမတရဲ့ အိမ်ဖြူတော်နဲ့ အဆပေါင်းများစွာ ကြီးပြီး၊ သမတအိမ်ရှေ့က လမ်းမကြီးကလည်း လမ်း ၂၀ သွား လမ်းမကြီးဖြစ်နေတာ တွေ့ရပါတယ်။ 

 

ကျနော်တို့တည်းခိုတဲ့ခေတ်မှီဟိုတယ်ကြီးဆိုတာကလည်းအပျံစားဆိုပေမယ့်တည်းခိုတဲ့လူက မရှိသလောက်

ပါပဲ။ ဟိုတည်နဲ့ တလမ်းထဲမှာ ဇိမ်ခံဟိုတယ် အနည်းဆုံး ဒါဇင်ဝက်လောက်က ဆောက်လက်စဖြစ် ပါတယ်၊

 

 မြန်မာပြည်မှာ လာမယ့်နှစ်မှာ ကျင်းပဖို့ရှိတဲ့ အရှေ့တောင်အာရှ အားကစားပွဲတော်နဲ့၊ နောက်တနှစ် အာဆီယံထိပ်သီးအစည်းအဝေးအတွက် တည်ဆောက်နေ တာပါ၊ ဒီနှစ်ပွဲကလွဲရင် ဟိုတယ်တွေဟာ စီးပွားရေးအရ တွက်ချေကိုက်မယ့် အလားအလာ လည်း မရှိပါဘူး။ အစိုးရက သူတို့ရဲ့ စီးပွားရေးဘက်တော်သားတွေကို တခြားမက်လုံးတွေကို ပေးထားတာ သက်သက်ကြောင့်ပဲ အခုလို ဟိုတယ်တွေကို ဆောက်နေကြတာဖြစ်ပါတယ်၊

အမျိုးမျိုးသော နိုင်ငံရေးဖိနှိပ်မှုတွေအောက်က ဒုသားပေသားကျနေတဲ့ မြန်မာပြည်က အရပ်ဘက်က အဖွဲ့အစည်းတွေရဲ့ ဒဏ်ခံနိုင်စွမ်းကလည်း အတော်ကို အံ့သြလောက်ပါတယ်။ ထောင်ထဲမှာ ၁၀နှစ်၊ ၁၂နှစ်၊ ၁၈နှစ်အသီးသီးကျခံရသူတွေတသီတတန်းကြီးနဲ့မိတ်ဆက်ရ ပါတယ်၊ နိုင်ငံရေးအကျဉ်းသားဟောင်းတွေထဲ

မှာ ကျနော့်စာအုပ်တွေကို မြန်မာဘာသာပြန် သလို၊ လွန်ခဲ့တဲ့ နှစ်တွေအတွင်း တခြားအမြင်တွေကိုလည်း မိတ်ဆက်ပေးတဲ့ ကွန်မြူနစ်ဟောင်း တယောက်လည်း ပါလာပါတယ်၊

အမျိုးသားဒီမိုကရေစီအဖွဲ့ချုပ်ရဲ့ ဌာနချုပ်ကတော့ ရုတ်ရုတ်သဲသဲနဲ့ အလုပ်များနေတဲ့ နေရာပဲ၊ အကြောင်းမလှတော့ ဒေါ်အောင်ဆန်းစုကြည်နဲ့တော့ တွေ့ခွင့်မရခဲ့ပါဘူး။ ကမ္ဘာ့အဆိုးဆုံး (အဖိနှိပ်ဆုံး) အာဏာရှင်တွေအုပ်ချုပ်ခဲ့တဲ့နိုင်ငံမှာပြည်သူတွေရဲ့ ပါဝင်မှုတွေ အခုလောက် ရှိနေတာကို တွေ့ရတော့လည်း အထူးတလည် မအံ့သြဘဲ မနေနိုင်ပါဘူး။

အခုကာလမှာ စီးပွားရေးပညာရှင်တွေအပေါ်မှာ ကျနော့်ရဲ့ အမြင်က သိပ်ကြည်လှတယ် မဟုတ်ပေမယ့် မြန်မာပြည်ခရီးမှာ ရှင်းရှင်းလင်းလင်းသိလိုက်ရတဲ့ အချက်ကတော့ မြန်မာပြည် အတွက် ဒီမိုကရေစီအရေးလှုပ်ရှားသူတွေ အခုထပ်ပိုပြီး မလိုအပ်တော့ဘူးဆိုတာပါ။ အင်ဒိုနီးရှားမှာ လိုမျိုး အမေရိကန်မှာ ပညာတတ်ပြီး တိုင်းပြည်ပြန်လာကြတဲ့ စီးပွားရေး ပညာရှင်တွေ (ဘာကလေမာဖီးယားတွေ) လိုအပ်နေပါတယ်။  

မြန်မာပြည်မှာ နေရာတိုင်းမှာ လိုအပ်ချက်တွေက မယုံနိုင်အောင် များလွန်းပါတယ်၊ ငွေအလွှဲ အပြောင်းတွေ လုပ်နိုင်တဲ့ ဘဏ်တွေ မရှိတဲ့အတွက် နိုင်ငံခြားသားတွေ မြန်မာပြည်ထဲ သွားမယ်ဆိုရင် ဘဏ်စာရင်းတွေကို ပိတ်ထားပြီး အမေရိကန်ဒေါ်လာ အသစ်ကျပ်ချွတ် ငွေသားတွေကိုပဲ ယူသွားဖို့ပဲ အကြံပြုပါတယ်။

နေပြည်တော်ကလွဲရင်တိုင်းပြည်ရဲ့အခြေခံအဆောက်အအုံပိုင်းကဖရိုဖရဲပါပဲ၊နယ်စပ်တွေကို ကုန်ပစ္စည်းတွေ

 ဖြတ်သန်းဖို့က ခက်ခဲသလောက်၊ မုတ်သုန်ရာသီလွန်ရင် လျှပ်စစ်မီးကလည်း အလွန်ပျက်တတ်ပါတယ်။ အထီးကျန်နိုင်ငံဖြစ်ခဲ့တဲ့အကျိုးဆက်တွေထဲကတခုကတော့တိုင်းပြည်မှာ လူသားအရင်းအမြစ်လိုအပ်ချက်

က အလွန်ကြီးမားပါတယ်၊

 

မြန်မာပြည်မှာအင်္ဂလိပ်စာသင်တာကို ၁၉၆၄ မှာ ရပ်ဆိုင်းခဲ့ဖူးပါတယ်၊ ကျောင်းသား လှုပ်ရှားမှုပြီးတဲ့နောက် ၃ နှစ်လုံးလုံး တက္ကသိုလ်တွေကို ပိတ်ထားပါတယ်။ ပြင်ပကမ္ဘာက အကြောင်းတွေကို သင်ချင်တတ်ချင်စိတ် အကြီးအကျယ် ငတ်မွတ်နေ တာတွေကိုလည်း တွေ့ခဲ့ရပါတယ်၊ ဒီကွက်လပ်ကို ဖြည့်ဖို့ ဆိုရင်တော့ မျိုးဆက်တဆက်မက အချိန်ယူရ ပါလိမ့်မယ်။

မြန်မာနဲ့ မွန်ဂိုလီးယားတို့ ကြားမှာ အင်္ဂလိပ်စာ အမ် (M) နဲ့ စတဲ့ နိုင်ငံတွေ ဖြစ်တာချင်း တူရုံ သာမက တရုတ်နဲ့ အိမ်နီးချင်းတွေဖြစ်တာလည်း အတူတူ၊ တရုတ်ပြည်အပေါ် စိုးရိမ်တကြီးနဲ့ မလိုလားတာချင်းလည်း တူကြတဲ့ အကြောင်း မကြာခင်တုန်းပဲ ကျနော် ပို့စ်တခု  ရေးထား ဖူးပါတယ်။ 

 

တရုတ်ပြည်ရဲ့အတောမသတ်တဲ့လူသုံးကုန်ပစ္စည်းလိုအပ်ချက်ကိုအကြောင်းပြုလို့  သတ္တုတူးဖော်ရေးလုပ်

ငန်းတွေ ထောင်တက်သွားတယ်။ အိမ်နီးချင်းတွေ ဖြစ်တဲ့ တရုတ်နဲ့ ရုရှားလက်ကနေ ရုန်းထွက်နိုင်ဖို့ မွန်ဂိုလီးယားအစိုးရဟာတတိယ အိမ်နီးချင်းပေါ်လစီ (Third Neighbor Policy) ဆိုတာကို ချမှတ်ပြီး အမေရိန်၊ ဥပရောပနဲ့ ဆက်ဆံရေးခိုင်မြဲအောင် ကြိုးပမ်းလာရတယ်။

မြန်မာနဲ့ တရုတ်ဆက်ဆံရေးမှာလည်း ဒီသဘောမျိုးပါပဲ။ အမေရိကန်က ဒဏ်ခတ် ပိတ်ဆို့မှုတွေ ချမှတ်တဲ့ အချိန်ကစလို့မြန်မာ့စွမ်းအင်ကဏ္ဍမှာတရုတ်ကုမ္မဏီတွေဟာအရေးပါလာခဲ့ပါတယ်၊ဒီလိုနဲ့ ဧရာဝတီမြစ်ပေါ်

က မြစ်ဆုံရေကာတာ စီမံကိန်းကိစ္စမှာတော့ မြန်မာစစ်အစိုးရဟာ အနောက်နဲ့ (ပြည်သူတွေနဲ့ပါ) ပူးပေါင်းဖို့ အကြောင်းရင်းတခု ဖြစ်လာ ခဲ့ပါတယ်၊

 

 မြစ်ဆုံရေကာတာက ထွက်လာမယ့် စွမ်းအင်ရဲ့ ၉၀ ရာခိုင်နှုန်းကို တရုတ်ပြည်ကို တင်ပို့မှာဖြစ်ပါတယ်၊ ဒီစီမံကိန်းတည်ဆောက်တာကိုသမတ ဦးသိန်းစိန်က မဖျက်သိမ်း လိုက်ခင်မှာ သဘာာဝပတ်ဝန်းကျင်အမြင်၊ အမျိုးသားရေးရပ်တည်ချက်တွေနဲ့ အပြင်းအထန် ကန့်ကွက်ခဲ့ကြပါတယ်၊

မြန်မာပြည်ကဒီမိုကရေစီလမ်းပွင့်လာမှုဟာကြီးမားတဲ့တိုးတက်မှုလိုဆိုနိုင်ပေမယ့် အလွယ်တကူနဲ့ နောက်

ပြန်လှည့်သွားနိုင်ပါတယ်၊ဒီပေါ်လစီသစ်ကိုချမှတ်တဲ့သူတွေအနေနဲ့မဟာမိတ်သစ်ဖြစ်တဲ့ အနောက်နဲ့ ပေါင်း

လို့ ဘာတွေ အကျိုးရလဒ်တွေ ရှိသလဲဆိုတာကို အချိန်တိုအတွင်းမှာ သက်သေပြနိုင်ဖို့ လိုအပ်နေပါတယ်၊ ဒါမှပဲ အပြောင်းအလဲတွေ ပိုပြီး အရှိန်ရလာမှာဖြစ်ပါတယ်၊ ပြန်လည်ထူထောင်ရေးမှာ ဒီအဆင့်ဟာ အလွန်ကြီးကျယ်တဲ့ ကိစ္စဖြစ်ပါတယ်။

အခုကာလဒီမိုကရေစီအသွင်ကူးပြောင်းရေးကြိုးပမ်းမှုဖြစ်စဉ်တွေမှာတွေ့ရလေ့ရှိတာတွေက ဒီမိုကရေစီအင်

အားစုတွေဟာလူထုအခြေပြုအဖွဲ့အစည်းမှာတက်ကြွလှုပ်ရှားသူတွေဘ၀ကနေနိုင်ငံရေးပါတီကို ထူထောင်

သူတွေ ဖြစ်လာပြီး ရွေးကောက်ပွဲတွေမှာ ၀င်ပြိုင်၊ 

 

အဲဒီကနေနောက်တဆင့်အဖြစ်အစိုးရထဲမှာပါဝင်လာပြီးလူထုရေးရာပေါ်လစီတွေကိုချမှတ် အကောင်အ

ထည်ဖော်တဲ့သူတွေဖြစ်လာတဲ့အဆင့်အထိ မတက်လှမ်း နိုင်တာမျိုးတွေကို တွေ့ရပါတယ်၊ မြန်မာပြည်မှာ

လည်း ဒီလိုကဏ္ဍတွေ အားလုံးမှာ အကူအညီတွေ မဟားတရား လိုအပ်နေပါတယ်။

What Myanmar Needs by Francis Fukuyama