 |
လွန်ခဲ့တဲ့ ၁၅ နှစ်လောက်က အမှတ် (၁) စက်မှုဝန်ကြီးဌာနရဲ့ အဓမ္မ သိမ်းယူခံခဲ့ရတဲ့ လယ်ယာမြေတွေကို ပြန်ရလိုကြတဲ့အတွက် အခုလို ဆန္ဒပြရတာ ဖြစ်တယ်လို့ ဆန္ဒပြတောင်သူ တစ်ဦးက RFA ကို ပြောပါတယ်။
"မတရားနည်းနဲ့ သိမ်းတဲ့အတွက် အခုလို ဆန္ဒပြရခြင်း ဖြစ်ပါတယ်။ အစအဆုံး ပြောရမယ်ဆိုရင် လက်မှတ်ထိုးတာက စပြီး ညာ လက်မှတ် ထိုးခိုင်းတယ်။ တစ်ဧက ငွေလေး တစ်သောင်း ပေးတာလည်း တောင်သူတွေက မတန်တဆ ဖြစ်နေတဲ့အတွက် ဘယ်သူမှ မလိုချင်ဘူး။ နောက်ထပ် ပြောပြန်တော့လည်း အချုပ်ခံရပြန်တယ်။ အဲလို ခြိမ်းခြောက်ပြီးတော့ အမျိုးမျိုး ကျွန်တော်တို့ တောင်သူတွေကို မတရားသဖြင့်ပေါ့လေ၊ တကယ် ကိုယ်ချင်းစာ ပြောရမယ်ဆိုရင် ဧက ၅၀ လောက်နဲ့တင် သူတို့က လုပ်လို့ရနေတာကို ဧက ၄၀၀ လောက် အလကားရလို့ သိမ်းလိုက်တဲ့ သဘောပါပဲ။ ဒီမြေတွေ သိမ်းထားပုံတွေ ယူထားပုံတွေ၊ မသိတာတွေကို အားလုံးသိအောင် ဆန္ဒပြရခြင်း ဖြစ်ပါတယ်"
ဒီဆန္ဒပြပွဲကို မနက် (၉) နာရီကနေ နေ့လည် (၁၁) နာရီအထိ လေးနာရီကြာ တရားဝင်ပြုလုပ်ခွင့် ရခဲ့ပြီး ရဲတပ်ဖွဲ့နဲ့ ထောက်လှမ်းရေးတွေက အနီးကပ် စောင့်ကြည့် လုံခြုံရေး ယူတာကလွဲလို့ တစုံတရာ အနှောင့်အယှက်ပြုတာ မရှိခဲ့ပါဘူး။
RFA Burmese
No comments:
Post a Comment