သူတို့တကယ်ကို လိုအပ်နေတဲ့အချိန်မှာကိုယ် တွေကသွားရောက်အားပေးနှစ်သိမ့်တဲ့အတွက် သူတို့က တအားကျေးဇူးလည်းတင်ကြတယ်။
ကိုယ်ကိုယ်တိုင်က လည်း သူတို့ကိုတွေ့ပြီးတော့ စိတ်မကောင်းတအား ဖြစ် မိတယ်။ မျက်ရည်ပါကျခဲ့ရတယ်။ ကိုယ်တိုင် မြင်တွေ့ ရတဲ့အခါကျတော့ စိတ်လည်မထိန်းနိုင်တော့ဘူး။ သူတို့ကလည်း မျက်ရည်ဝဲပြီးတော့ ကိုယ့်ရဲ့လက်ကိုကိုင်ပြီး ကျေးဇူတင်တယ်လို့ငိုပြီးပြောတဲ့ သူကလည်း ပြောဆိုတော့ မိုင်လေးလည်း စိတ်ထဲမကောင်းဖြစ်သွားပြီး စိတ်မထိန်းနိုင်ဘဲ ကိုယ်ပါငိုမိသွားတယ်။ ပြီးတော့ ကိုယ်ကလည်း ရခိုင်တိုင်းရင်းသူတစ်ယောက်ဖြစ်တဲ့အတွက် စိတ်ထဲမှာ ပိုပြီး ခံစားရတယ်။
ကိုယ်တိုင်လည်း သူတို့ကို လိုက်ပြီးတော့ အားပေးစကားတွေပြောတယ်။ နှစ်သိမ့် ပေးတယ်။ သူတို့တွေအားလုံးကိုလည်း လက်ဆွဲတ်ဆက် တယ်။တအားလည်းဝမ်းနည်းဝမ်းသာ ဖြစ်မိတယ်”လို့ပြောပါတယ်။ ရတနာမိုင်က အခုလို မျိုးအနုပညာမောင်နှမတွေနဲ့ သွား ရောက် လှူဒါန်းရတဲ့အတွက်လည်း ဝမ်းသာ ပီတိ ဖြစ်မိပြီးတော့ ကိုယ်တိုင်လည်း ငွေသား ၁၈သိန်းကျော်နဲ့ အဝတ်အထည်တွေကို ရခိုင်ပြည်သူ၊ ပြည်သားတွေအတွက် လှူ ဒါန်းခဲ့တယ်လို့ ထပ်မံပြောပါတယ်။
Ref: သတင်း-လွင်လွင်ထွန်း၊ ဓာတ်ပုံ-ထွဋ်မြတ်
Popular Journal
No comments:
Post a Comment