လမ်းစည်းကမ်း မလိုက်နာ၍ ဖမ်းဆီး တရားစွဲခံ ရသူများ ထဲမှ သုံးပုံတစ်ပုံမှာ ဒဏ်ငွေ
မဆောင်နိုင် သူများ ဖြစ်
မဆောင်နိုင် သူများ ဖြစ်
မဆောင်နိုင် သူများ ဖြစ် သည် ဟု ယာဉ်စည်းကမ်း ထိန်းသိမ်းရေး ကြီးကြပ် မှု ကော်မတီမှ အရာရှိတစ်ဦးက ပြောသည်။ လမ်းစည်း ကမ်း မလိုက်နာ သူများအား တစ်နေ့လျှင် ဦးရေ ၂၀ မှ ၆၀ အထိ ဖမ်းဆီးရရှိပြီး ဖမ်းဆီးမိသူ အားလုံးထံမှ ဒဏ်ကြေးငွေ အပြည့်အဝ ရရှိခြင်းမရှိဟု ဆိုသည်။
“လူ ၃၀ လောက် ဖမ်းမိတဲ့နေ့ဆို ဒဏ်ငွေက လူ ၂၀ လောက်ဆီကပဲ ရတယ်။ တချို့ကတော့ တကယ်မရှိလို့ မဆောင်နိုင်တာမျိုးပါသလို တချို့တွေက တမင်မပေးတာတွေလည်း ရှိတယ်။ မပါဘူးဆိုတော့ ကျွန်တော်တို့ အနေနဲ့ ဘယ်လိုမှ လုပ်လို့ မရပါဘူး။ နောင်ဒီလိုမျိုး မလုပ်ပါနဲ့လို့ ပြောပြီး ပြန်လွှတ်ရတာပါပဲ” ဟု ၎င်းက ပြောသည်။ လမ်းစည်းကမ်း မလိုက်နာသူများ ဖမ်းဆီး၍ တရားစွဲဒဏ်ရိုက်ခြင်းတွင် ၁၈ နှစ်အောက် ကလေးငယ်များအား တရားစွဲဆိုခြင်း မပြုဘဲ ပညာပေး သဘောဖြင့်သာ ပြောဆို၍ ပြန်လည် လွှတ်ပေးကြောင်း ၎င်းက ပြောသည်။ “ဖမ်းမိရင် တစ်ခါတည်း ယာဉ်ထိန်းဆီမှာပဲ ဒဏ်ငွေဆောင်သွားမယ်လို့ ပြောတာတွေ ရှိတယ်။ အလုပ်မအားလို့ တရားရုံး မလိုက်နိုင်ဘူး။ ဒီလိုမျိုး မရပါဘူး။ ကျွန်တော်တို့က တရားဥပဒေအရ လုပ်ရတာပါ” ဟု ၎င်းက ဆက်လက် ပြောသည်။
ယာဉ်စည်းကမ်း လမ်းစည်းကမ်း မလိုက်နာသူများအား ဖမ်းဆီးအရေးယူရန် ယာဉ်ထိန်းရဲတပ်ဖွဲ့မှ အစိုးရပင်စင်စားများကို ခန့်အပ်၍ ဖေဖော်ဝါရီလမှ စတင်ကာ ဖမ်းဆီး အရေးယူမှုများကို ဆောင်ရွက်လျက်ရှိပြီး မျဉ်းကျားမှ ဖြတ်ကူးခြင်း မရှိသူများအား ဒဏ်ကြေးငွေ ကျပ်၂၀၀၀ နှင့် ဥပဒေအခ ကျပ် ၂၀၀ စုစုပေါင်း ၂၂၀၀ နှင့် မျဉ်းကျားတွင်အရှိန် လျှော့မောင်းနှင်ခြင်း မရှိသည့် ယာဉ်များအတွက် ကျပ်သုံးသောင်းတစ်ထောင် ဒဏ်ကြေး ချမှတ်ထားကြောင်း ယာဉ်ထိန်း ဒုရဲမှူးတစ်ဦးထံမှ သိရသည်။ ဖမ်းဆီးမိသူများထံမှ ရရှိသည့် ဒဏ်ငွေများဖြင့် အစိုးရ ပင်စင်စားများအား လုပ်အားခ ပြန်လည် ပေးအပ်ခြင်းဖြစ်ကြောင်း ၎င်းက ထပ်လောင်းပြောသည်။
ဝေမာထွန်း
Ref: Popular Myanmar News
No comments:
Post a Comment