Pages

Wednesday, January 8, 2014

သမ္မတလွတ်ငြိမ်းချမ်းသာခွင့်ဖြင့် ပြန်လွတ်လာသည့် ထင်ရှူးမြိုင်ဆရာတော် သိက္ခာပြန်ထပ်

RangonNewsDaily:: January . 7 .2014
သမ္မတ၏ လွတ်ငြိမ်းချမ်းသာခွင့်ဖြင့် ဇန်နဝါရီလ ၃ရက်က တောင်ကြီးမြို့ တောင်လေးလုံးထောင်မှ ပြန်လည်လွတ်မြောက်လာသော ထင်းရှူးမြိုင်ဆရာတော် ဦးကဝိစာရ၏ သိက္ခာထပ်ပွဲနှင့် ဝိဇာတမင်္ဂလာကို တောင်ကြီးမြို့ စိန်ပန်းရပ်ရှိ လောကမာန်အောင် ကျောင်းတိုက်တွင် ဇန်နဝါရီ ၈ရက် နံနက်၈နာရီက ကျင်းပခဲ့သည်။

မန္တလေးမြို့ မောင်ကိန်းရွှေဆိုင် ဓားပြတိုက်သူကို လုယက်မှုအပြင် မူးယစ်ဆေး ဝါးမှုဖြင့်ပါ အမှုဖွင့်

RangonNewsDaily:: January . 7 .2014
 မောင် ကိန်းရွှေဆိုင်ကိုသေနတ်ကိုင် ဆောင်၍ ဓားပြတိုက်ခဲ့သူအား လုယက်မှုအပြင် မူးယစ်ဆေး ဝါးမှုဖြင့်

ပါ အမှုဖွင့် စစ်ဆေး နေကြောင်း အနောက်ပိုင်းခရိုင် ဒုရဲမှူးကြီးဝင်းကြည်က ပြော သည်။ ရွှေဆိုင်များ၏
လုံခြုံရေး နှင့်ပတ်သက်ပြီး ဇန်နဝါရီ ရ ရက်က ဝါးတန်းလမ်း ပန်ဒါဟို တယ်၌ပြုလုပ်ခဲ့သည့် ရဲတပ် ဖွဲ့နှင့်
 ရွှေလုပ်ငန်းရှင်များအ သင်းတို့တွေ့ဆုံဆွေးနွေးပွဲတွင် ယင်းသို့ပြောကြားခဲ့ခြင်းဖြစ်သည်။

မန္တလေး-ပြင်ဦးလွင်-လားရှိုးလမ်းပေါ်တွင် အကျွတ်အလွတ်ပွဲပြုလုပ်

Photo: မန္တလေး-ပြင်ဦးလွင်-လားရှိုးလမ်းပေါ်တွင် အကျွတ်အလွတ်ပွဲပြုလုပ်
Wednesday, January 8, 2014

မန္တလေး-လားရှိုးလမ်းမကြီးပေါ်တွင် ယာဉ်မတော်တဆမှုနှင့် အကြောင်းအမျိုးမျိုးကြောင့် ကွယ်လွန်ခဲ့သည့် ပုဂ္ဂိုလ်များအားရည်စူး၍ အကျွတ်အလွတ်ပွဲအားရွေ့လျားစနစ်ဖြင့် ပြုလုပ်လျက်ရှိနေကြောင်းသိရှိရသည်။

အဆိုပါ ပွဲအားသီပေါမြို့၊ စာရေးဆရာအသင်းရုံးမှ ဦးဆောင်၍ ကျင်းပခြင်းဖြစ်ကာဇန်န၀ါရီလ (၁) ရက်နေ့မှစတင်၍ အကျွတ်အလွတ်ပွဲအား မန္တလေး-ပြင်ဦးလွင် မိုင်တိုင်အမှတ် ၁၆-၁၇ကြား၊ ၁၉ မိုင်-၂၁ မိုင်-၂၄
မိုင်နှင့် (၆) ထပ်ကွေ့ အတက်တို့တွင် စတင်ပြုလုပ်ခဲ့ကြောင်းသိရှိရသည်။

” မန္တလေး-ပြင်ဦးလွင်လမ်းပိုင်းတော့ ပြီးသလောက်ရှိပါပြီ၊ တစ်ရက်ကို (၂) နေရာလောက်ပဲလုပ်နိုင်တာပါ၊
ကျန်တဲ့လမ်းပိုင်းတွေကိုလည်းဆက်ပြီးလုပ်သွားမှာပါ၊ ဒီလိုမျိုး အကျွတ်အလွတ်ပွဲလုပ်တဲ့ အချိန်မှာ မကျွတ်လွတ်သေးတဲ့ သူတွေရဲ့ အသိအမှတ်ပြုတဲ့ အနေနဲ့ ကားသွားနေတဲ့အချိန် လှုပ်ခါတာမျိုးတွေတော့ ရှိပါတယ်၊ ဆိုးဆိုးဝါးဝါး ဖြစ်တာမျိုးတွေတော့ မရှိခဲ့ပါဘူး”ဟု ပွဲဦးဆောင်ကျင်းပသည့် သီပေါစာရေးဆရာအသင်း ဥက္ကဋ္ဌ ဦးကိုလတ်မှ ပြောသည်။ မူလအစီအစဉ်အရအဆိုပါ အကျွတ်အလွတ်ပွဲအား ဒီဇင်ဘာလနောက်ဆုံး အပတ်တွင် ကျင်းပရန် ရည်ရွယ် ထားသော်လည်း နှစ်သစ်ရက်တွင် ပြုလုပ်လို၍ ဇန်န၀ါရီလ (၁) ရက်နေ့တွင် စတင်ကျင်းပခြင်းဖြစ်ကြောင်း သိရှိရသည်။

ဆက်လက်၍ အဆိုပါအကျွတ်အလွတ်ပွဲအား ပြင်ဦးလွင်-နောင်ချို-ကျောက်မဲ-သီပေါ-လားရှိုးလမ်းပိုင်းပေါ်ရှိ ယာဉ်မကြာခဏ တိမ်းမှောက်တတ်သည့် နေရာများတွင် ဆက်လက်ပြုလုပ် သွားမည်ဖြစ်ရာအမျှဝေလိုသူများအနေဖြင့်
သီပေါစာရေးဆရာ အသင်းရုံး ၀၉-၄၀၃၇၈၈၉၇ သို့ ဆက်သွယ် စုံစမ်းမေးမြန်းနိုင်ကြောင်းသိရှိရသည်။

စိုင်းကံသာ (လားရှိုး)
မြန်မာ့ခေတ်

RangonNewsDaily:: January . 7 .2014
မန္တလေး-လားရှိုးလမ်းမကြီးပေါ်တွင် ယာဉ်မတော်တဆမှုနှင့် အကြောင်းအမျိုးမျိုးကြောင့် ကွယ်လွန်ခဲ့သည့် ပုဂ္ဂိုလ်များအားရည်စူး၍ အကျွတ်အလွတ်ပွဲအားရွေ့လျားစနစ်ဖြင့် ပြုလုပ်လျက်ရှိနေကြောင်းသိရှိရသည်။

ဗန်းမော်တွင် တမလန်းသစ်များ တရုတ်နိုင်ငံသို့ တရားမဝင် ပို့ဆောင်ရောင်းချ

Photo: ဗန်းမော်တွင် တမလန်းသစ်များ တရုတ်နိုင်ငံသို့ တရားမဝင် ပို့ဆောင်ရောင်းချ
Wednesday, January 8, 2014

ကချင်ပြည်နယ် ဗန်းမော်မြို့နယ် အတွင်း မြလယ်ကျေးရွာနှင့် ကောင်းတုံ ကျေးရွာအကြား ဧရာဝတီ မြစ်ကမ်းဘေးရှိ အောင်မြေသစ် ရောင်းဝယ်ရေးစခန်းမှ တစ်ဆင့် သစ်မာတန်းဝင် တမလန်းသစ်များ ကို တရုတ်နိုင်ငံသို့ တရားမဝင် တင်ပို့ ရောင်းချလျက် ရှိကြောင်း မြလယ်ကျေးရွာ ဒေသခံများထံမှ သိရှိရသည်။

စစ်ကိုင်းတိုင်းဒေသကြီး၊ ကသာခရိုင်နှင့် ကချင်ပြည်နယ်၊ ဗန်းမော်ခရိုင်၊ ရွှေကူမြို့နယ် အတွင်းမှ တမလန်းသစ်များမှာ တရားမဝင် လမ်းကြောင်းမှတစ်ဆင့် အောင်မြေသစ် ရောင်းဝယ်ရေးစခန်းကို ကြားခံကာ တရုတ်နိုင်ငံသို့ တင်ပို့ရာတွင် ရှပ်ပြေး အမြန်ယာဉ်များဖြင့် အောက်ပျောက် (လျှို့ဝှက်) သယ်ဆောင်ပြီး လာရောက် ရောင်းချကြခြင်း ဖြစ်ကြောင်း အောင်မြေ သစ်ရောင်းဝယ်ရေး စခန်းတွင် သစ်ထမ်းသည့် အလုပ်လုပ်ကိုင်သူ အသက် ၃၄ နှစ်ခန့် အရွယ်ရှိ အမျိုးသားတစ်ဦးက ပြော ကြားသည်။

အောင်မြေ သစ်ရောင်းဝယ်ရေး စခန်းသို့ ရောက်ရှိလာသော တမလန်း သစ်များကို လေးလုံးထိုးနှင့် ခြောက်လုံးထိုး မော်တော်ယာဉ်များဖြင့် သယ်ဆောင်ကာ မန်စီမြို့နယ်၊ ပါတော်နှင့် တိန်စိန်းဒေသရှိ သစ်ရောင်းဝယ်ရေး စခန်းများသို့ ထပ်ဆင့် ပို့ဆောင်ကြပြီး တရုတ်နိုင်ငံမှ ကုန်ချောအဖြစ် ပရိဘောဂ ပစ္စည်းများ၊ တံခါးများ ထုတ်လုပ်ခြင်း ဖြစ်ကြောင်း ၎င်းကဆိုသည်။
“ဟိုတစ်လောက နေပြည်တော်ကဆိုလား လာဖမ်းလို့ နားလိုက်ရတယ်။ အလုပ်ပြန်ဖြစ်တာ နှစ်ရက်လောက်ပဲ ရှိသေးတယ်။ ကချင်ပြည်နယ်မှာက သစ်မရှိတော့ဘူး။ ကိုင်းဖျားကိုင်းနားလောက်နဲ့ လုပ်စားနေရတာ။ ကချင်ပြည်နယ်က သစ်နဲ့ ကသာဘက်က သစ်ဆိုရင် ကသာဘက်က လာတဲ့ သစ်တွေက ဈေးပိုရတယ်” ဟု ယင်းအမျိုးသားက ဆိုသည်။

ယခင်က အောင်မြေ သစ်ရောင်းဝယ်ရေး စခန်းတွင် တမလန်းသစ်နှင့်အတူ ကျွန်းသစ်များကိုပါ တရားမဝင် အရောင်းအဝယ် ပြုလုပ်ကြသော်လည်း ကျွန်းသစ်မှာ ဈေးရရှိမှု နည်းပါးသောကြောင့် ယခု နောက်ပိုင်းတွင် တမလန်းသစ်ကိုသာ အရောင်းအဝယ် ပြုလုပ်ကြကြောင်း တရားမဝင် သစ်ရောင်းဝယ် လုပ်ကိုင်သူများထံမှ သိရှိရသည်။

အောင်မြေ သစ်ရောင်းဝယ်ရေး စခန်းတွင် တမလန်းသစ် ပေရှည် (ကိုးပေ) တစ်တန်လျင် တစ်သိန်းခုနစ်သောင်းကျပ် ဝန်းကျင်ခန့် ပေါက်ဈေး ရှိကြောင်း သစ်ဝယ်ရောင်း သမားများထံမှ စုံစမ်းသိရှိရသည်။

အောင်မြေ သစ်ရောင်းဝယ်ရေး စခန်းတွင် တမလန်းသစ်များ တရားမဝင် ရောင်းဝယ်မှု ပြုလုပ်နေသည့် အခြေအနေများနှင့် ပတ်သက်ပြီး ဗန်းမော်ခရိုင် သစ်တောရုံးသို့ ဆက်သွယ် မေးမြန်းရာ တာဝန်ရှိသူများ ခရီးလွန်နေကြောင်း ဝန်ထမ်းတစ်ဦးမှ ဖြေဆိုခဲ့သည်။

အောင်မြေ သစ်ရောင်းဝယ်ရေးစခန်း တည်ရှိရာဒေသတွင် မူလက မည်သည့် စခန်းမျှ မရှိခဲ့ဘဲ ၂၀၁၀-၂၀၁၂ ခုနှစ်အတွင်း စစ်ကိုင်းတိုင်းဒေသကြီး ကသာခရိုင်နှင့် ကချင်ပြည်နယ်ပြင်ပမှ သစ်များကို တရားမဝင် သယ်ဆောင် ရောင်းဝယ်ကြသော အချိန်မှစ၍ အောင်မြေ သစ်ရောင်းဝယ်ရေး စခန်းဟူ၍ ဖြစ်တည်လာခဲ့ခြင်း ဖြစ်ကြောင်း ဒေသခံ များက ပြောကြားသည်။

The Voice Weekly

RangonNewsDaily:: January . 7 .2014
ကချင်ပြည်နယ် ဗန်းမော်မြို့နယ် အတွင်း မြလယ်ကျေးရွာနှင့် ကောင်းတုံ ကျေးရွာအကြား ဧရာဝတီ မြစ်ကမ်းဘေးရှိ အောင်မြေသစ် ရောင်းဝယ်ရေးစခန်းမှ တစ်ဆင့် သစ်မာတန်းဝင် တမလန်းသစ်များ ကို တရုတ်နိုင်ငံသို့ တရားမဝင် တင်ပို့ ရောင်းချလျက် ရှိကြောင်း မြလယ်ကျေးရွာ ဒေသခံများထံမှ သိရှိရသည်။

မြင့်မြတ်သောဒေသသို့ ပုပ်ရဟန်းမင်းကြီးဖရန်စစ် ပထမဆုံးအကြိမ် သွားရောက်မည်

Photo: မြင့်မြတ်သောဒေသသို့ ပုပ်ရဟန်းမင်းကြီးဖရန်စစ် ပထမဆုံးအကြိမ် သွားရောက်မည်
Wednesday, January 8, 2014

အရှေ့အလယ်ပိုင်း ဒေသတွင်းရှိ မြင့်မြတ်သော ဒေသသို့ ပုပ်ရဟန်းမင်းကြီး ဖရန်စစ် ပထမဆုံးအကြိမ် အဖြစ် သွားရောက်မည်ဖြစ်ကြောင်း BBC သတင်းတွင် ဖော်ပြထားသည်။

ဂျေရုဆလင်၊ အနောက်ဘက်ကမ်း ဒေသရှိ ဘက်သလီဟန်နှင့် ဂျော်ဒန်နိုင်ငံ မြို့တော် အန်မန်တို့သို့ မေလ ၂၄ ရက်မှ ၂၆ ရက်နေ့ ခရီးစဉ်အတွင်း ပုပ်ရဟန်းမင်းကြီး သွားရောက် လည်ပတ်မည်ဖြစ်သည်။

ပုပ်ရဟန်းမင်းကြီးက မြင့်မြတ်ဒေသ ခရီးစဉ်ကို တနင်္ဂနွေနေ့ ဆုတောင်းပွဲတွင် ဗာတီကန်မြို့တော်၌ ထုတ်ပြန်လိုက်ခြင်း ဖြစ်ပြီး ယင်းခရီးစဉ်သည် ၂၀၁၄ ခုနစ်အတွင်း ပုပ်ရဟန်းမင်းကြီး၏ ပထမဆုံးသော ခရီးစဉ် လည်းဖြစ်သည်။
အဆိုပါခရီးစဉ်အတွင်း အရှေ့အလယ်ပိုင်း ဒေရှိ ခရစ်ယာန်ကျောင်းတော် အားလုံးမှ ကိုယ်စားလှယ်များနှင့် ဂျေရုဆလင်မြို့တွင် တွေ့ဆုံဆွေးနွေးမည်ဟု ရဟန်းမင်းကြီးက ပြောကြားသည်။

ခရစ်တော်၏ ခြေရာကို နင်းပြီး ထွက်ခွာမည့် ပုပ်ရဟန်းမင်းကြီး၏ ဘုရားဖူး ခရီးစဉ်မှာ လွန်စွာအရေးပါသည့် ခရီးစဉ် တစ်ခုဖြစ်သည်ဟု BBC သတင်းတွင် ဖော်ပြထားသည်။

ရောမမြို့တော်ရှိ ကက်သလစ် ကျောင်းတော်နှင့် အရှေ့တိုင်း အော်သိုဒေါ့ ကျောင်းတော်တို့ လွန်ခဲ့သည့်နှစ်ပေါင်း ၁၀၀၀ ခန့်မှ စတင်ပြီး ခွဲခြားရပ်တည်ခဲ့ပြီး ပုပ်ရဟန်းမင်းကြီး၏ ခရီးစဉ်အတွင်း ကက်သလစ်ကျောင်းတော်က အော်သိုဒေါ့ ကျောင်းတော်အပေါ် စိတ်ကောင်းစေတနာ ရှိကြောင်း ဖော်ပြပေးနိုင်မည် ဖြစ်သည်။

ထို့အပြင် အစ္စရေးနှင့် ပါလက်စတိုင်းများကြား ငြိမ်းချမ်းရေးရရိနိုင်ရေး တိုက်တွန်းသွားမည်ဖြစ်ပြီး အရေးပါသော နိုင်ငံရေးရာ ထုတ်ပြန်မှု တစ်ရပ်ကို ပုပ်ရဟန်းမင်းကြီး၏ ခရီးစဉ်အတွင်း ထုတ်ပြန်မည် ဖြစ်သည်။

ပါလက်စတိုင်းနယ်မြေ အတွင်းရှိ နေတစ်ဗတီ ဘုရားကျောင်းတွင်သာမက ဂျေရုဆလင် မြို့တော်ရှိ သင်္ချိုင်းဂူဘုရားကျောင်း သို့လည်း ပုပ်ရဟန်းမင်းကြီး သွားရောက်မည်ဖြစ်သည်။

ခရစ်တော် ကားစင်တင် သတ်ဖြတ်ခံ ရပြီးနောက် မြှုပ်နှံထားသည်ဟု ယူဆထားသော နေရာပေါ်တွင် သင်္ချိုင်းဂူဘုရား ကျောင်းကို တည်ထောက်ထားခြင်း ဖြစ်သည်။

ယင်းကဲ့သို့သော ဒေသများ ပါဝင်သည့် မြင့်မြတ်သောနယ်မြေသို့ လာရောက်လည်ပတ်ရန် အစ္စရေးဝန်ကြီးချုပ် ပီရက်နှင့် ပါလက်စတိုင်း အာဏာပိုင်အဖွဲ့ ဥက္ကဋ္ဌ မာမွတ်အဘတ်တို့က ပုပ်ရဟန်းမင်းကြီးကို ဖိတ်ခေါ်ခဲ့ခြင်း ဖြစ်သည်။

အစ္စရေးနှင့် ပါလက်စတိုင်း ငြိမ်းချမ်းရေး တိုက်ရိုက်ဆွေးနွေးမှုများ သုံးနှစ်ကြာ ရပ်တန့်သွားပြီးနောက် ပြီးခဲ့သည့် နွေရာသီမှစ၍ ဆွေးနွေးမှုများ ပြန်လည် ပြုလုပ်ခဲ့ကာ ပုပ်ရဟန်းမင်းကြီးက အရှေ့အလယ်ပိုင်း ငြိမ်းချမ်းရေးရရှိရန် ရွေးချယ် တင်မြောက်ခံခဲ့ရသည့် မတ်လမှ စတင်၍ မကြာခဏ တောင်းဆိုပေးခဲ့သည်။

"ပျော်ရွှင် ကြည်နူးဖွယ်ကောင်းတဲ့ ခရစ္စမတ်ကာလမှာ ထုတ်ပြန်ချက်တစ်ရပ် ကြေညာဖို့ရှိပါတယ်။ မေလ ၂၄ ရက်နေ့ ကနေ ၂၆ ရက်နေ့ထိ ဘုရားသခင် အလိုတော်အတိုင်း မြင့်မြတ်တဲ့ဒေသကို ခရီးထွက်ပါမယ်" ဟု ပုပ်ရဟင်းမင်းကြီးက စိန့်ပီတာ ရင်ပြင်ရှိ လူထုကို ပြောကြားလိုက်သည်။

ယင်းကဲ့သို့သော ကြေညာချက် ထုတ်ပြန်လိုက်သည့် ဇန်နဝါရီလ ၅ ရက်နေ့မှာ ထူးခြားသော နေ့ရက်တစ်ရက်ဖြစ်ပြီး ပုပ်ရဟန်းမင်းကြီး ပုပ်ပေါလ် ၆ နှင့် ကွန်စတန် တီနိုပယ်ရဟန်းမင်းကြီး အတီနာဂိုရတ် ၁ (အော်သိုဒေါ့ ကျောင်းတော် အကြီးအကဲ) တို့ ဂျေရုဆလင်မြို့တော်၌ ၁၉၆၄ ခုနှစ်အတွင်း တွေ့ဆုံခဲ့သည့် နှစ် ၅၀ မြောက် အထိမ်းအမှတ် နေ့လည်းဖြစ်သည်။

The Voice Weekly

RangonNewsDaily:: January . 7 .2014
အရှေ့အလယ်ပိုင်း ဒေသတွင်းရှိ မြင့်မြတ်သော ဒေသသို့ပုပ်ရဟန်းမင်းကြီးဖရန်စစ်ပထမဆုံးအကြိမ် အဖြစ်
 သွားရောက်မည်ဖြစ်ကြောင်း BBC သတင်းတွင် ဖော်ပြထားသည်။